Watch Video: ‛புலியெல்லாம் எனக்கு எலி மாதிரி...’ பாயும் புலி முன் ரிலாக்ஸ் வீடியோ எடுத்த முன்னாள் அமைச்சர் ஜெயக்குமார்!
பார்த்தாலே பயம் வரவழைக்கும் புலியோடு , சாதாரணமாக சகஜமாக பழகிக் கொண்டு, முன்னாள் அமைச்சர் ஜெயக்குமார் வெளியிட்டுள்ள இந்த வீடியோ, அவரது தைரியத்தை மேலும் காட்டுவதாகவே உள்ளது.
முன்னாள் அமைச்சர் ஜெயக்குமார், அதிரடி கருத்துக்களை கூறுபவர். அதிமுக தொடர்பான அதிகாரப்பூர்வ தகவல்களை அடுத்தடுத்து சலிக்காமல் தெரிவிப்பவர். அமைச்சராக இருந்த போதும், முன்னாள் அமைச்சராக மாறி பிறகும், தான் கொண்ட கருத்தில் உறுதியாக நிற்பவர்.
இரட்டைத் தலைமையாக இருந்த அதிமுக, ஒற்றைத் தலைமையாக மாற முக்கிய காரணமாக இருந்தவர். இப்படி பல்வேறு புகழுக்கும் பெருமைகளுக்கும் சொந்தக்காரர் என்பது நம் அனைவருக்கும் தெரியும். சமீபத்தில் நடந்த உள்ளாட்சி தேர்தலில், ஓட்டுப் பதிவின் போது , திமுக தொண்டர் ஒருவரை அரை நிர்வாணப்படுத்தி அழைத்துச் சென்றதாக அவர் கைது செய்யப்பட்டு, பின்னர் நிபந்தனை ஜாமினில் வந்து, அதையும் கொண்டாட்டமாகவே கடந்து, பலரையும் வியப்பில் ஆழ்த்தியவர்.
அவரது சமூக வலைதள பக்கம் கொஞ்சம் கலகலப்பானது. அவரும் கலகலப்பானவர் என்பதால், அவரது பதிவும் பெரும்பாலும் கவனிக்கப்படும். அந்த வகையில் இன்று சற்று முன் ஒரு பதிவை வெளியிட்டுள்ளார். அதை பார்த்த பலருக்கும் ஒரே பயம் கலந்த அதிர்ச்சி.
— DJayakumar (@offiofDJ) July 29, 2022
இன்று சர்வதேச புலிகள் தினமாம். அதற்காக, அவர் புலியோடு இருக்கும் வீடியோ ஒன்றை பகிர்ந்து, அனைவரையும் அதிர்ச்சியாக்கியுள்ளார். உயிரோடு நிற்கும் ஆளுயர புலியின் அருகில் நின்று கொண்டும், தடவிக் கொண்டும், அமர்ந்து கொண்டும், விதவிதமான வீடியோக்களை எடுத்துள்ள முன்னாள் அமைச்சர் ஜெயக்குமார்,
‛‛சர்வதேச புலிகள் தினம்..
வனத்தின் ஆதாரமே புலிகள் தான்
புலிகளை காப்பது நம் கடமை
அவை நமது பொக்கிஷம்
வனம் காப்போம்
புலிகளை காப்போம்
மழை பெறுவோம்!
என்று வாசகத்தையும் வெளியிட்டுள்ளார்.
பார்த்தாலே பயம் வரவழைக்கும் புலியோடு , சாதாரணமாக சகஜமாக பழகிக் கொண்டு, முன்னாள் அமைச்சர் ஜெயக்குமார் வெளியிட்டுள்ள இந்த வீடியோ, அவரது தைரியத்தை மேலும் காட்டுவதாகவே உள்ளது. இந்நிலையில் முன்னாள் அமைச்சர் ஜெயக்குமாரின் இந்த பதிவை, அவரது ஆதரவாளர்கள், ‛ஆஹா... ஓஹோ...’ என புகழ்ந்தும் பதிவிட்டு வருகின்றனர்.
அண்ணன் ஜெயக்குமார் யாருன்னு நினைச்ச சும்மா அதிருதில்ல! அரசியலில் தனித்தன்மை! தைரியம் எதற்கும் துணிந்த துணிவு! அது தான் நம்ம தல ஜெயக்குமார்!
— R.மோகன் (@R18818949) July 29, 2022
Before You Go
CM Vijay New Order ; ஆளுநருக்கு பவர் இல்லை அதிகாரத்தை கையிலெடுத்த விஜய் கலக்கத்தில் அதிகாரிகள்
தலைப்பு செய்திகள்
ட்ரெண்டிங் செய்திகள்
