சீர்காழி சட்டமன்றத் தொகுதி அதிமுக வேட்பாளர் யார் தெரியுமா..? முழு விபரம் இதோ..!
மயிலாடுதுறை மாவட்டம் சீர்காழி (தனி) சட்டமன்றத் தொகுதி அதிமுக வேட்பாளர் ம.சக்தி குறித்து இக்கட்டுரையில் காண்போம்..
தமிழக சட்டமன்றத் தேர்தல் 2026-க்கான களம் சூடுபிடித்துள்ள நிலையில், மயிலாடுதுறை மாவட்டத்தின் முக்கியமான தொகுதியான சீர்காழியில் (தனி), அனைத்திந்திய அண்ணா திராவிட முன்னேற்றக் கழகத்தின் சார்பில் ம.சக்தி மீண்டும் வேட்பாளராகக் களமிறக்கப்பட்டுள்ளார். ஏற்கனவே இத்தொகுதியில் சட்டமன்ற உறுப்பினராகப் பணியாற்றிய அனுபவம் கொண்ட இவர், அதிமுகவின் நம்பிக்கைக்குரிய முகமாக இம்முறை களம் காண்கிறார்.
கல்வி மற்றும் ஆரம்பகால அரசியல்
ம.சக்தி MA.,BGL., ஒரு படித்த, துடிப்பான அரசியல்வாதியாக அறியப்படுபவர். சிதம்பரம் அண்ணாமலைப் பல்கலைக்கழகத்தில் முதுகலைப் பட்டம் (Post Graduate) பெற்றவர். இவரது கணவர் பொறியாளராக உள்ளார். இவருக்கு இரண்டு பெண் பிள்ளைகள் உள்ளனர். அவர்களும் இருவரும் முதுகலை பொறியியல் பட்டதாரிகள். ஒரு நடுத்தரக் குடும்பப் பின்னணியில் இருந்து வந்து, மக்கள் பணியின் மூலம் அதிமுகவின் முக்கியப் பொறுப்புகளுக்கு உயர்ந்தவர். தற்போது கழக தலைமைச் செயற்குழு உறுப்பினர் மற்றும் மாவட்ட மகளிர் அணிச் செயலாளராக இருந்து வருகிறார்.
சட்டமன்ற உறுப்பினர் பணி (2011 - 2016)
2011-ம் ஆண்டு நடைபெற்ற சட்டமன்றத் தேர்தலில் அதிமுக சார்பில் சீர்காழி தொகுதியில் போட்டியிட்ட ம. சக்தி, சுமார் 83,881 வாக்குகள் பெற்று அமோக வெற்றி பெற்றார். தன்னை எதிர்த்துப் போட்டியிட்ட விசிக வேட்பாளரை விட 27,379 வாக்குகள் கூடுதலாகப் பெற்று, அதிமுகவின் கோட்டையாக சீர்காழியை நிலைநிறுத்தினார்.
அவரது பதவிக்காலத்தில் (2011-16), தொகுதியில் பல்வேறு அடிப்படை வசதிகளை மேம்படுத்துவதில் கவனம் செலுத்தினார். குறிப்பாக:
*கிராமப்புறச் சாலைகளை மேம்படுத்துதல்.
*அரசுப் பள்ளிகளின் உட்கட்டமைப்பைச் சீரமைத்தல்.
* விவசாயிகள் மற்றும் மீனவர்களின் கோரிக்கைகளைச் சட்டமன்றத்தில் எதிரொலித்தல்.
அரசியல் அனுபவம் மற்றும் ஆளுமை
மறைந்த முன்னாள் முதலமைச்சர் ஜெயலலிதாவால் அடையாளம் காட்டப்பட்ட வேட்பாளர்களில் இவரும் ஒருவர். சீர்காழி தொகுதி தனித் தொகுதி என்பதால், அங்குள்ள ஆதிதிராவிடர் மக்களின் உணர்வுகளைப் புரிந்துகொண்டு செயல்படுவார் என சொல்லப்படுகிறது. கட்சியின் தலைமைக்கு விசுவாசமாகவும், களப்பணியில் தொண்டர்களுடன் இணக்கமாகவும் செயல்படுவது இவரது பலமாகக் கருதப்படுகிறது.
2016 மற்றும் 2021 தேர்தல்களில் அதிமுக இத்தொகுதியில் பின்னடைவைச் சந்தித்த நிலையில், மீண்டும் ஒருமுறை வெற்றி முகம் கண்ட வேட்பாளரையே தலைமை இம்முறை தேர்வு செய்துள்ளது. ம.சக்திக்கு தொகுதி மக்களிடையே உள்ள "அறிமுகம்" மற்றும் "அணுகுமுறை" ஆகியவை அவருக்குச் சாதகமான அம்சங்களாகப் பார்க்கப்படுகின்றன.
தொகுதியின் சவால்கள் மற்றும் வாக்குறுதிகள்
சீர்காழி தொகுதி விவசாயத்தையும் மீனவத் தொழிலையும் பிரதானமாகக் கொண்டது. இம்முறை ம.சக்தி முன்வைக்கும் முக்கியக் கோரிக்கைகள் மற்றும் சவால்கள்:
* விவசாயப் பாதுகாப்பு: கொள்ளிடம் ஆற்றின் குறுக்கே கதவணைகள் அமைத்தல் மற்றும் நேரடி நெல் கொள்முதல் நிலையங்களின் செயல்பாடுகளைச் சீரமைத்தல்.
* மீனவர் நலன்: பழையாறு மற்றும் பூம்புகார் மீன்பிடித் துறைமுகங்களை நவீனப்படுத்துதல்.
* சுற்றுலா மேம்பாடு: உலகப்புகழ் பெற்ற சீர்காழி சட்டைநாதர் கோயில் மற்றும் பூம்புகார் மேம்படுத்தி சுற்றுலாவை ஊக்கப்படுத்துதல்.
2026 தேர்தல் களம்
தற்போதைய அரசியல் சூழலில், ஆளுங்கட்சியின் மீதான விமர்சனங்கள் மற்றும் அதிமுகவின் கூட்டணி ஆகியவை ம.சக்திக்குத் தெம்பூட்டுகின்றன. குறிப்பாக, சீர்காழி பகுதியில் அதிமுகவுக்கு இருக்கும் பாரம்பரிய வாக்கு வங்கியும், ம.சக்தியின் முந்தைய சட்டமன்றப் பணிகளும் இம்முறை வெற்றியைத் தீர்மானிக்கும் காரணிகளாக அமையும்.
எளிமையான அணுகுமுறை, கல்வித் தகுதி மற்றும் ஏற்கனவே எம்.எல்.ஏ-வாகப் பணியாற்றிய அனுபவம் ஆகியவற்றைத் தனது முதலீடாகக் கொண்டு ம.சக்தி இத்தேர்தலைச் சந்திக்கிறார். அதிமுக தொண்டர்கள் மற்றும் பொதுமக்களின் ஆதரவுடன் சீர்காழி தொகுதியை மீண்டும் அதிமுகவின் வசமாக்குவாரா என்பதை மே 4 தேர்தல் முடிவுகள் சொல்லும்.
Before You Go
SFI vs Police : அனுமதி இன்றி நுழைந்த SFI “REMAND பண்ணிடுவேன்” மாணவர்கள் VS போலீஸ்
தலைப்பு செய்திகள்
ட்ரெண்டிங் செய்திகள்
