தேனியில் 108 ஆம்புலன்ஸ் விபத்தில் பெண் உயிரிழப்பு; 4 பேர் படுகாயம்
தேனி மாவட்டம் முத்துதேவன்பட்டி புறவழிச்சாலையில் சென்ற ஆம்புலன்ஸ் திடீரென்று டிரைவரின் கட்டுப்பாட்டை இழந்து விபத்துக்குள்ளானது. இந்த விபத்தில் பெண் ஒருவர் சம்பவ இடத்திலேயே உயிரிழப்பு.
தேனி மாவட்டம் கம்பம் அருகே உள்ள நாராயணதேவன்பட்டியை சேர்ந்தவர் மணி (76). இவர் கடந்த சில தினங்களுக்கு முன்பு பக்கவாத நோயால் பாதிக்கப்பட்டார். இதையடுத்து அவரை குடும்பத்தினர் சிகிச்சைக்காக கம்பம் அரசு மருத்துவமனையில் சேர்த்தனர். அங்கு அவருக்கு சிகிச்சை அளிக்கப்பட்டு வந்தது. இதற்கிடையே மணியை மேல் சிகிச்சைக்காக தேனி அரசு மருத்துவ கல்லூரி மருத்துவமனைக்கு அனுப்பி வைக்க,மருத்துவர்கள் முடிவு செய்திருந்தனர்.
IND vs NZ 2nd T20 LIVE: இரண்டாவது போட்டியிலும் மழை; போட்டி தொடர ஆசிர்வதிப்பாரா வருண பகவான்..?
அதன்படி நேற்று 108 ஆம்புலன்ஸ் மூலம் மணி தேனி அரசு மருத்துவ கல்லூரி மருத்துவமனைக்கு கொண்டு செல்லப்பட்டார். மணியுடன், அவரது மகள்கள் ஜெயா (55), விஜயா (52) ஆகியோர் சென்றனர். ஆம்புலன்சை கம்பத்தை சேர்ந்த குமார் (39) என்பவர் ஓட்டி சென்றுள்ளார். உடன் டெக்னீசியன் ராஜாவும் (40) உடன் வந்தார்.
தேனி அருகே முத்துதேவன்பட்டி புறவழிச்சாலையில் சென்ற அந்த ஆம்புலன்ஸ் அப்போது திடீரென்று டிரைவரின் கட்டுப்பாட்டை இழந்து ஓடியது. ஒருகட்டத்தில் அந்த ஆம்புலன்ஸ் சாலையோரம் தலைகுப்புற கவிழ்ந்தது. ஆம்புலன்சில் இருந்தவர்கள் காப்பாற்ற கூறி அபயகுரல் எழுப்பினர். இந்த விபத்தில் ஆம்புலன்சில் வந்த ஜெயா சம்பவ இடத்திலேயே உயிரிழந்தார்.
ஆம்புலன்ஸ் டிரைவர் குமார், ராஜா, மணி, விஜயா ஆகிய 4 பேரும் ஆம்புலன்சில் சிக்கி படுகாயம் அடைந்தனர். இதனை பார்த்த அக்கம்பக்கத்தினர் வீரபாண்டி காவல் நிலைய போலீசாருக்கு தகவல் தெரிவித்தனர்.
Bruce Lee : புரூஸ் லீ மரணத்துக்கு இதுதான் காரணமா? 50 ஆண்டுகள் கழித்து அதிர்ச்சியூட்டும் தகவல் இதோ...
அதன்பேரில் சம்பவ இடத்திற்கு விரைந்து வந்த போலீசார், படுகாயம் அடைந்த 4 பேரையும் மீட்டு சிகிச்சைக்காக தேனி அரசு மருத்துவ கல்லூரி மருத்துவமனைக்கு அனுப்பி வைத்தனர். அதேபோல் பலியான ஜெயாவின் உடலை கைப்பற்றி பிரேத பரிசோதனைக்காக தேனி அரசு மருத்துவமனைக்கு அனுப்பி வைத்தனர். பின்னர் கிரேன் வரவழைக்கப்பட்டு, சாலையோரம் கவிழ்ந்த ஆம்புலன்ஸ் அப்புறப்படுத்தப்பட்டது. இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
and tablets
