”காப்பீட்டுத் திட்ட அட்டை இல்லாதவர்களுக்கு, அட்டை வழங்க உடனடி நடவடிக்கை எடுக்கப்படும்” - கூட்டுறவுத்துறை அமைச்சர்

திண்டுக்கல் மாவட்டத்தில் கொரோனா  நோய் தடுப்பு பணிகள் தொடர்பான ஆய்வுக் கூட்டம் திண்டுக்கல் மாவட்ட ஆட்சியர் அலுவலகத்தில் கூட்டுறவுத்துறை அமைச்சர் ஐ பெரியசாமி உணவுத்துறை அமைச்சர் சக்கரபாணி ஆகியோர் தலைமையில் ஆலோசனை கூட்டம் நடைபெற்றது

MINISTER_5

திண்டுக்கல் மாவட்டத்தில் கொரோனா  நோய் தடுப்பு பணிகள் தொடர்பான ஆய்வுக் கூட்டம் திண்டுக்கல் மாவட்ட ஆட்சியர் அலுவலகத்தில் உள்ள கூட்ட அரங்கில் நடைபெற்றது கூட்டுறவுத்துறை அமைச்சர் ஐ பெரியசாமி உணவுத்துறை அமைச்சர் சக்கரபாணி ஆகியோர் தலைமையில் நடந்த இந்த கூட்டத்தில் அரசு மருத்துவமனை மற்றும் தனியார் மருத்துவமனைகளில் மருத்துவர்கள் மற்றும் மருத்துவ துறை அதிகாரிகள் செய்துள்ள பணிகள் மற்றும் வரும் காலங்களில் தேவைக்கு ஏற்ப செய்ய வேண்டிய பணிகள் குறித்து விவாதிக்கப்பட்டது இந்த கூட்டத்தில் மாவட்ட ஆட்சியர் விஜயலட்சுமி மாவட்ட காவல் கண்காணிப்பாளர் ரவளிப்பிரியா திண்டுக்கல் நாடாளுமன்ற உறுப்பினர் வேலுச்சாமி வேடசந்தூர் சட்டமன்ற உறுப்பினர் காந்திராஜன் உள்ளிட்ட மருத்துவ துறை அதிகாரிகள் கலந்து கொண்டனர்.

கூட்டத்திற்குப் பிறகு செய்தியாளர்களிடம்  பேசிய கூட்டுறவுதுறை அமைச்சர் ஐ பெரியசாமி, அரசு மற்றும் தனியார் மருத்துவமனைக்கு வரும் அனைத்து நோயாளிகளுக்கும் தேவையான வசதிகளை ஏற்படுத்தி தரவேண்டும் என்று கூறி உள்ளோம், அரசு மற்றும் தனியார் மருத்துவமனைகளில் ஆக்சிஜன் தேவை அதிகமாக உள்ளது என மருத்துவர்கள் கேட்டுள்ளனர், ஆக்சிஜன் தேவையை பூர்த்தி செய்ய அனைத்து நடவடிக்கையும் விரைந்து எடுக்கப்படும், நோயாளிக்கு தேவையான படுக்கை வசதிகளை அதிகப்படுத்தி வரும் காலங்களில் தேவைக்கு ஏற்ப தற்போதே ஏற்பாடு செய்ய அறிவுறுத்தப்பட்டுள்ளது. பழனி கொடைக்கானல் பகுதிகளில் கூடுதல் படுக்கை வசதிகள் ஏற்படுத்த நடவடிக்கை எடுக்கப்பட்டு வருகிறது.

திண்டுக்கல் பகுதியைப் பொறுத்தவரை திண்டுக்கல் அரசு தலைமை மருத்துவமனையில் பிரசவ வார்டை தவிர மற்ற அனைத்துப் பகுதிகளும் கொரோனா வார்டாக  மாற்றப்பட்டுள்ளது. தற்போது இரண்டு தனியார் பள்ளிகளில் 200 ஆக்சிஜன் படுக்கைகள் மற்றும் சாதாரண படுக்கை வசதிகள் ஏற்பாடு செய்யப்பட்டுள்ளது. மேலும் சில இடங்களில் ஆக்சிஜன் படுக்கைகள் ஏற்படுத்த நடவடிக்கை மேற்கொள்ளப்படுகிறது.

”முதலமைச்சர் காப்பீட்டு திட்ட அட்டை இல்லாதவர்களுக்கும் உடனடியாக காப்பீட்டு அட்டை வழங்க நடவடிக்கை எடுக்கப்படுகிறது , தொகுப்பூதியத்தில் புதிதாக டாக்டர்கள் செவிலியர்கள் விரைவில் பணி அமர்த்தப்பட உள்ளனர். அதன்பிறகு புதிதாக ஆரம்பிக்கப்பட்ட சிறப்பு மையங்களுக்கு அவர்கள் பணியில் அமர்த்தப்பட உள்ளனர். தனியார் மருத்துவமனைகளில் கட்டணம் நிர்ணயம் செய்யப்பட்டுள்ளது,  நோய்க்கு எந்த மாதிரியான சிகிச்சை அளிக்கப்பட்டுள்ளதோ அதற்கேற்றார் போல தொகை நிர்ணயம் செய்யப்பட்டுள்ளது. அந்த அரசின் உத்தரவை மீறும் தனியார் மருத்துவமனை மீது நடவடிக்கை எடுக்கப்படும்” என்று தெரிவித்தார்