மதுரையில் இனி தூசி தொல்லை கொஞ்சம் குறையும்... மாநகராட்சிக்கு புதிய மண் கூட்டும் இயந்திரம் வந்திருக்கு !

மதுரை மாநகராட்சி பெரிய ரக மண்கூட்டும் இயந்திரத்தை ஆணையாளர் சித்ரா விஜயன், பயன்பாட்டிற்கு கொடியசைத்து தொடங்கி வைத்தார்.  

தூசிஎடுக்கும் இயந்திரம்

Source : whatsapp

மதுரை மாநகராட்சி பகுதிகளில் உள்ள சாலையோர மணல்களை அகற்ற புதிதாக வாங்கப்பட்டுள்ள இரண்டு பெரியரக மண்கூட்டும் இயந்திரத்தை தமுக்கம் மைதானம் மதுரை மாநாட்டு மையம் வளாகத்தில் மாநகராட்சி ஆணையாளர் சித்ரா விஜயன், பயன்பாட்டிற்கு கொடியசைத்து இன்று (13.03.2026) தொடங்கி வைத்தார்கள்.  

 

மதுரை மாநகராட்சி 100 வார்டு பகுதிகளில் பல்வேறு வளர்ச்சித் திட்டப் பணிகள்

 

மதுரை மாநகராட்சி 100 வார்டு பகுதிகளில் பல்வேறு வளர்ச்சித் திட்டப் பணிகள் தொடர்ந்து மேற்கொள்ளப்பட்டு வருகிறது. மதுரை மாநகராட்சி பகுதிகளில் உள்ள சாலை ஓரங்கள், பாலங்கள், தெருக்கள் உள்ளிட்ட பகுதிகளில் சேரும் மணல்களை  மாநகராட்சி மண்கூட்டும் பணியாளர்கள் மூலம் மணல்கள் தொடர்ந்து  அள்ளப்பட்டு வருகிறது, மாநகராட்சி பகுதி சாலைகளில் சேரும் மணல்களை விரைந்து அள்ளுவதற்கு நவீன இயந்திரம் வாங்குவதற்கு திட்டமிடப்பட்டது. அதன்படி 15th CFC Package 10 நிதியின் கீழ் புதிய இரண்டு பெரியரக மண் கூட்டும் வாகனங்கள் ரூ.1.72 கோடி மதிப்பீட்டில் வாங்கப்பட்டுள்ளது. புதிதாக வாங்கப்பட்டுள்ள இரண்டு பெரிய ரக மண்கூட்டும் இயந்திரத்தை மதுரை மாநகராட்சி ஆணையாளர் அவர்கள் பயன்பாட்டிற்கு கொடியசைத்து தொடங்கி வைத்து இயந்திரத்தின் செயல்பாடுகளை பார்வையிட்டார். 

 

(Semi Urban Area)  - (Mobile Clinic Unit)

 

தொடர்ந்து மதுரை மாநகராட்சி மற்றும் வேலம்மாள் மருத்துவமனை மருத்துவ குழுவுடன் புரிந்துணர்வு ஒப்பந்தம் மேற்கொண்டு மதுரை மாநகராட்சி 100 வார்டுகளுக்கு உட்பட்ட புறநகர் பகுதிகளில் (Semi Urban Area) வசிக்கும் பொதுமக்களுக்கு பொது மருத்துவ சேவைகள் வழங்குவதற்காக நடமாடும் மருத்துவ சேவை சிகிச்சை வாகனத்தை (Mobile Clinic Unit) ஆணையாளர் அவர்கள் தொடங்கி வைத்தார். இந்நிகழ்வில்  நகர்நல அலுவலர் மரு.அர்விந்த் ஜோதி, உதவி நகர்நல அலுவலர் மரு.அபிஷேக்,  உதவிப்பொறியாளர் திரு.சாலமன்பிரபு,  முதன்மை மருத்துவ அலுவலர் மரு.ஸ்ரீகோதை, வேலம்மாள் மருத்துவமனை முகாம் ஒருங்கிணைப்பாளர் மரு.பாலகுமரன்  உட்பட மாநகராட்சி அலுவலர்கள் பலர் கலந்து கொண்டனர். 

இதையும் படிக்க

மானாமதுரை ஆகாஷ் டெலிசன் உயிரிழப்பு தொடர்பாக 6 காவலர்கள் பணியிடை நீக்கம் - சிபிசிஐடி விசாரணை !

புது கட்சி தொடங்கிய சசிகலா "இவ்ளோ நாள் என்ன பண்ணீங்க" : Pugazhendhi Speech On Sasikala