திண்டுக்கல்-சமயநல்லூர் சாலை 6 வழிச்சாலையாக மாறும்.. பயணிகளுக்கு இனி கொண்டாட்டம் தான் !

முக்கியமான கோரிக்கையை ஏற்ற அமைச்சருக்கு நன்றி. விரிவான திட்ட அறிக்கையை தொடர்ந்து திட்டத்திற்கான நிதியை தாமதமின்றி ஒதுக்கீடு செய்யுமாறு கேட்டுக் கொள்கிறேன். -மதுரை எம்.பி.

சு.வெங்கடேசன் எம்.பி

Source : whatsapp

திண்டுக்கல் - சமயநல்லூர் இடையிலான சாலை 6 வழிச்சாலையாக மாற்றம். சு. வெங்கடேசன் எம்.பி யின் கோரிக்கையை ஏற்று ஒன்றிய நெடுஞ்சாலை துறை அமைச்சர் நிதின் கட்கரி அறிவிப்பு.

மதுரை நாடாளுமன்ற உறுப்பினர் சு.வெங்கடேசன் வெளியிட்டுள்ள செய்திக்குறிப்பு

 

திண்டுக்கல் முதல் சமயநல்லூர் வரையிலான தேசிய நெடுஞ்சாலை (NH-44) பகுதியை 4 வழிகளிலிருந்து 6 வழிச்சாலையாக விரிவாக்கம் செய்ய ஒன்றிய அரசு முதற்கட்ட பணிகளைத் தொடங்கியுள்ளது. இந்த தேவை குறித்து கடந்த 2025-ம் ஆண்டு பிப்ரவரி மாதம், மதுரை நாடாளுமன்ற உறுப்பினர் சு. வெங்கடேசன், திண்டுக்கல் - சமயநல்லூர் இடையிலான சாலையை விரிவாக்கம் செய்யக் கோரி மத்திய சாலைப் போக்குவரத்து மற்றும் நெடுஞ்சாலைத் துறை அமைச்சருக்குக் கடிதம் எழுதியிருந்தார்.

 

6 வழிச்சாலையாக மாற்றம்

 

அமைச்சரின் பதில்...,” அது குறித்து அமைச்சர் நிதின் கட்கரி தற்போது அளித்துள்ள பதிலில் "திண்டுக்கல் - சமயநல்லூர் இடையிலான சாலையை 6 வழிச்சாலையாக மாற்றுவது குறித்து விரிவாக ஆய்வு செய்யப்பட்டது. தற்போது இத்திட்டத்திற்கான சாத்தியக்கூறுகள் குறித்து ஆய்வு செய்ய மற்றும் விரிவான திட்ட அறிக்கை (DPR) தயாரிப்பதற்கான பணிகளைத் தொடங்குமாறு தேசிய நெடுஞ்சாலை ஆணையத்திற்கு (NHAI) அறிவுறுத்தப்பட்டுள்ளது என்ற மகிழ்ச்சியான செய்தியை பகிர்ந்து கொள்கிறேன்." எனக் குறிப்பிட்டுள்ளார்.

 

இந்தச் சாலை விரிவாக்கம் செய்யப்படுவதன் மூலம்

 

தென் மாவட்டங்களுக்குச் செல்லும் வாகனப் போக்குவரத்து நெரிசல் கணிசமாகக் குறையும்.

 

விபத்துக்கள் தவிர்க்கப்பட்டு பயண நேரம் மிச்சமாகும்.

 

வணிக ரீதியிலான போக்குவரத்து மேம்படும்.

 

எனவே “எனது முக்கியமான கோரிக்கையை ஏற்ற அமைச்சருக்கு நன்றி. விரிவான திட்ட அறிக்கையை தொடர்ந்து திட்டத்திற்கான நிதியை தாமதமின்றி ஒதுக்கீடு செய்யுமாறு கேட்டுக் கொள்கிறேன்” என சு.வெங்கடேசன் எம் பி தெரிவித்துள்ளார்.

இதையும் படிக்க

ஓ.பி.எஸ்., திமுக-வுக்கு சென்றால் வருத்தம்.. மதுரையில் டிடிவி தினகரன் பரபரப்பு பேட்டி !

பிரபல நடிகையோடு தொடர்பா ? லோகேஷ் கனகராஜை முகம் சுளிக்க வைத்த பத்திரிகையாளர்