Uttarkashi Bus Accident: புனிதப்பயணம் சென்ற பேருந்து பள்ளத்தாக்கில் கவிழ்ந்து விபத்து..! 22 பக்தர்கள் உயிரிழப்பு..!

உத்தரகாண்டில் புனிதப்பயணம் சென்ற பேருந்து பள்ளத்தாக்கில் கவிழ்ந்து விழுந்ததில் 22 பயணிகள் பரிதாபமாக உயிரிழந்தனர்.

பள்ளத்தாக்கில் கவிழ்ந்த பேருந்து

உத்தரகாண்ட் மாநிலத்தில் அமைந்துள்ள உத்தர்காஷி மாவட்டம். உத்தரகாண்டில் அமைந்துள்ள கோவிலுக்கு புனிதப்பயணம் மேற்கொள்வதற்காக யாத்ரீகர்கள் எனப்படும் பக்தர்கள் அடங்கிய பேருந்து ஒன்று இன்று சென்று கொண்டிருந்தது. அப்போது, உத்தரகாஷி மாவட்டத்தில் உள்ள தாம்டா அருகே உள்ள மலைப்பகுதியில் சென்றுகொண்டிருந்தபோது பேருந்து ஓட்டுநரின் கட்டுப்பாட்டை இழந்து, மலையில் இருந்து சரிந்து பள்ளத்தாக்கில் கீழே உருண்டு விழுந்தது. மலையில் இருந்து பள்ளத்தாக்கில் கீழே பாய்ந்ததில் பேருந்தில் பயணித்த 22 பக்தர்கள் பரிதாபமாக உயிரிழந்தனர். 6 பேர் படுகாயமடைந்துள்ளனர். காயமடைந்தவர்கள் மீட்கப்பட்டு மருத்துவமனையில் சிகிச்சைக்காக அனுமதிக்கப்பட்டுள்ளனர். தேசிய பேரிடர் மீட்புக்குழுவினர் சம்பவ இடத்திற்கு விரைந்து மீட்பு பணியில் ஈடுபட்டு வருகின்றனர்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண