FM Nirmala Sitharaman: உலகிலேயே அதிவேகமாக வளரும் நாடு இந்தியா - நிர்மலா சீதாராமன் பெருமிதம்

மக்களவையில் இன்று பதிலுரை அளித்த மத்திய நிதித்துறை அமைச்சர் நிர்மலா சீதாராமன், உலகிலேயே அதிவேகமாக வளரும் நாடு இந்தியா எனக் குறிப்பிட்டுள்ளார்.

நிர்மலா சீதாராமன்

நாடாளுமன்றத்தில் நடப்பு நிதியாண்டிற்கான பட்ஜெட் கூட்டத்தொடர் கடந்த ஜனவரி 31ஆம் தேதி தொடங்கியது. இது ஏப்ரல் 6ம் தேதி வரை நடைபெறும் என அறிவிக்கப்பட்டுள்ளது.

பட்ஜெட் கூட்டத்தொடர்:

குடியரசு தலைவர் உரையுடன் தொடங்கிய பட்ஜெட் கூட்டத்தொடரில், பிப்ரவரி 1ம் தேதி, மத்திய நிதிநிலை அறிக்கை தாக்கல் செய்யப்பட்டது. இதையடுத்து, நாடாளுமன்றத்தில் குடியரசுத் தலைவர் உரைக்கு நன்றி தெரிவிக்கும் தீர்மானத்தின் மீதான விவாதம் நடைபெற்று வருகிறது.

இதில், அதானி விவகாரத்தை முன்வைத்து எதிர்கட்சி உறுப்பினர்கள் சரமாரி கேள்வி எழுப்பி வந்தனர். இதையடுத்து, நேற்று முன்தினம் மக்களவையிலும் நேற்று மாநிலங்களவையிலும் பிரதமர் மோடி பதில் அளித்தார். எதிர்கட்சிகளை குறிப்பாக நேரு குடும்பத்தை கடுமையாக சாடி பேசினார்.

அதிவேகமாக வளரும் நாடு:

இந்நிலையில், மக்களவையில் இன்று பதிலுரை அளித்த மத்திய நிதித்துறை அமைச்சர் நிர்மலா சீதாராமன், உலகிலேயே அதிவேகமாக வளரும் நாடு இந்தியா என பெருமிதம் தெரிவித்துள்ளார்.

தொடர்ந்து பேசிய அவர், "2023-24 பட்ஜெட்டின் சாராம்சத்தை நான் சில வார்த்தைகளில் கூறினால், இந்திய வளர்ச்சிக்கான தேவைகளை நிதி விவேகம் வரம்பிற்குள் சமநிலைப்படுத்துகிறது. இந்தியா தொற்றுநோயிலிருந்து மீண்டு வருவதையும், மீண்டு வருவதற்கான பாதை இருப்பதையும், நம்மால் மட்டுமல்ல, இந்தியப் பொருளாதாரத்தின் பல பார்வையாளர்களாலும் நாம் தெளிவாகக் கவனிக்க முடியும் என்ற பின்னணியுடன் பட்ஜெட் தாக்கல் செய்யப்பட்டது.

பிப்ரவரி 22 முதல் ரஷ்ய-உக்ரைன் போரும் நடந்து வருகிறது. குறிப்பாக வளர்ந்து வரும் சந்தைகளில் எங்களிடம்  இதன் விளைவாக தனித்துவமான பணவீக்க அழுத்தங்கள் இருந்தன.

மேலும், சீனாவில் கோவிட் மீண்டும் எழுச்சி பெற்றிருப்பது நாம் எதிர்பார்க்காத ஒரு பரிமாணத்தைச் சேர்த்தது. இதனால் சர்வதேச பொருட்களின் விலைகள் அதிகரிக்க வழிவகுத்தது. மேலும் தீவிர வானிலையின் மாறுபாடுகள் இந்தியாவில் மட்டுமல்ல, பல நாடுகளில் உணவுப் பணவீக்கத்தைத் தூண்டின.

சவால்கள் இருந்தபோதிலும், இந்தியப் பொருளாதாரம் இன்னும் வேகமாக வளர்ந்து வரும் பெரிய பொருளாதாரமாக உள்ளது. 23-2024 நிதியாடண்டிலும் இது தொடரும். 

புதிய வரி விதிப்பில் மேம்படுத்தப்பட்ட தள்ளுபடி நிபந்தனையற்றது. குறைந்த வரி வரம்புகளில் வருமானம் ஈட்டுபவர்களுக்கு அவர்களின் அத்தியாவசிய செலவினங்களைச் சமாளிக்க அதிக செலவழிப்பு வருமானம் இருப்பதால் இது பெரிதும் பயனளிக்கும். 

9 லட்சம் ரூபாய் சம்பளம் வாங்கும் நபருக்கு 4.5 லட்சத்தை விதிவிலக்கின் கீழ் வைத்திருப்பது எப்போதும் சாத்தியமில்லை. உணவு மானியம் கிட்டத்தட்ட இரு மடங்காக உயர்த்தப்பட்டு ரூ.1.97 லட்சம் கோடியாக உள்ளது.

உர மானியம் நடப்பு நிதியாண்டில் 1.05 லட்சம் கோடி ரூபாயில் இருந்து 2.25 லட்சம் கோடி ரூபாயாக உயர்த்தப்பட்டுள்ளது. மானியத்தை அதிகரிப்பதன் மூலம் உலகச் சந்தையில் உரங்களின் விலை உயர்விலிருந்து விவசாயிகளை அரசாங்கம் காத்துள்ளது" என்றார்.