Coronavirus LIVE Updates: தமிழ்நாட்டில் இன்று 1,767 பேருக்கு கொரோனா பாதிப்பு.. 29 பேர் உயிரிழப்பு!

தமிழ்நாடு மற்றும் இந்தியாவில் மேற்கொள்ளப்படும் கொரோனா நோய்த் தொற்று மேலாண்மை மற்றும் தடுப்பு நடவடிக்கைகள் குறித்த செய்திகளை உடனுக்குடன் இந்த லைவ் ப்ளாக்கில் தெரிந்து கொள்ளலாம்.

Background

நாடு தழுவிய தடுப்பூசித் திட்டத்தின் ஒரு பகுதியாக இந்திய அரசு இதுவரை, 45.37 கோடிக்கும் அதிகமான (45,37,70,580) தடுப்பூசி டோஸ்களை, மாநிலங்களுக்கும், யூனியன் பிரதேசங்களுக்கும் வழங்கியுள்ளது. மேலும் கூடுதலாக 11,79,010 தடுப்பூசிகள் வழங்கப்படவிருக்கின்றன. இதில், மொத்தம் 42,08,32,021 டோஸ் தடுப்பூசி (வீணானவை உட்பட) பயன்படுத்தப்பட்டுள்ளன. சுமார் 3.29 கோடி (3,29,38,559) கொரோனா தடுப்பூசி டோஸ்கள், மாநிலங்கள், யூனியன் பிரதேசங்கள் மற்றும் தனியார் மருத்துவமனைகளின் கையிருப்பில் உள்ளன.

20:51 PM (IST)  •  27 Jul 2021

தமிழ்நாட்டில் இன்று 1,767 பேருக்கு கொரோனா பாதிப்பு.. 29 பேர் உயிரிழப்பு!

தமிழ்நாட்டின் கடந்த 24 மணிநேரக் கொரோனா பாதிப்பு எண்ணிக்கை 1767. மேலும் ஒருநாளில் மட்டும் 29 பேர் கொரோனா பாதிப்பால் உயிரிழந்துள்ளனர்.

20:02 PM (IST)  •  26 Jul 2021

தமிழ்நாட்டில் இன்று 1,785 பேருக்கு கொரோனா பாதிப்பு

தமிழ்நாட்டில் கொரோனா பாதிப்பு கடந்த மாதம் உச்சத்தில் இருந்த நிலையில், ஊரடங்கு உள்பட தமிழக அரசு விதித்த பல்வேறு கட்டுப்பாடுகள் காரணமாக தற்போது கொரோனா தினசரி பாதிப்பு குறைந்து வருகிறது. தமிழ்நாட்டில் இன்று ஆயிரத்து 785  நபர்களுக்கு புதியதாக கொரோனா பாதிப்பு உறுதி செய்யப்பட்டுள்ளது. 1,37,292 மாதிரிகள் பரிசோதனை செய்யப்பட்ட நிலையில் ஒருநாள் பாதிப்பு 1,785ஆக உள்ளது.

இதனால், தமிழ்நாடு முழுவதும் கொரோனாவால் பாதிக்கப்பட்டோரின் எண்ணிக்கை 25 லட்சத்து  50 ஆயிரத்து 282 ஆக உயர்ந்துள்ளது. சென்னையில் மட்டும் கொரோனாவால் இதுவரை 5 லட்சத்து 37 ஆயிரத்து 249 நபர்கள் பாதிக்கப்பட்டுள்ளனர். சென்னையில் மட்டும் இன்று 122 நபர்களுக்கு கொரோனா பாதிப்பு உறுதி செய்யப்பட்டுள்ளது. சென்னையில் ஏற்கெனவே 126 பேருக்கு தொற்று உறுதி செய்யப்பட்ட நிலையில் 122 ஆக உள்ளது. 

கோவை 164 , ஈரோடு 127, தஞ்சை 103, சேலம் 102, செங்கல்பட்டு 96, திருப்பூர் 90, கடலூர் 73, திருவண்ணாமலை 69, திருவள்ளூர் 68, திருச்சி 63, நீலகிரி 58, நாமக்கல் 48 பேருக்கு கொரோனா பாதிப்பு உறுதி செய்யப்பட்டுள்ளது. 

17:19 PM (IST)  •  26 Jul 2021

1 கோடி பேருக்கு 2 டோஸ் தடுப்பூசி - மகாராஷ்டிரா முதல் மாநிலம் 

1 கோடிக்கு மேற்பட்டவர்களுக்கு கொரோனா தடுப்பூசியின் இரண்டு டோஸ்களையும் போட்ட முதல் மாநிலமாக மகாராஷ்டிரா திகழ்வதாக அம்மாநில சுகாதாரத்துறை தெரிவித்துள்ளது.

12:42 PM (IST)  •  26 Jul 2021

கொரோனா நிவாரணத் தொகையை வரும் 31-க்குள் பெற்றுக் கொள்ள வேண்டும் - தமிழ்நாடு அரசு

குடும்ப அட்டைதாரா்கள் கொரோனா நிவாரணத்தொகை மற்றும் மளிகைப் பொருள்கள் தொகுப்பினைப் பெறாதவா்கள் வரும் 31-ஆம் தேதிக்குள் நியாய விலைக் கடைகளில் நிவாரணத் தொகையையும், மளிகைப் பொருள்களையும் பெற்றுக் கொள்ளுமாறு தமிழ்நாடு அரசு அறிவுறுத்தியுள்ளது.

ஒருவேளை கொரோனா பாதிப்பு அல்லது பிற முக்கியக் காரணங்களால் 31-ஆம் தேதிக்குள் அவற்றை வாங்க இயலாவிடில், மாவட்ட வழங்கல் அலுவலரிடம் நியாய விலைக் கடை மூலமாகத் தகவல் தெரிவித்து அனுமதிபெற்று அதன்பின் பயனாளிகளுக்கு நிவாரணங்களை வழங்க நடவடிக்கை எடுக்கப்படும் என்றும் தெரிவித்தது. 

12:18 PM (IST)  •  26 Jul 2021

நெல்லை மாவட்டத்தில் காவலர் உடல் தகுதி தேர்வு நடைபெற்று வருகிறது.

கொரோனா வழிகாட்டு நெறிமுறைகளை பின்பற்றி ஆண்கள், பெண்கள் என தனித்தனியே காவலர் உடல் தகுதி தேர்வு நெல்லை மாவட்டத்தில் நடைபெற்று வருகிறது.