Sabarimala Temple: சபரிமலை பூஜையும், பிரசாதமும் எவ்வளவுன்னு தெரிஞ்சுகோங்க.. இதோ வெளியானது விலைப் பட்டியல்..

சபரிமலை ஐயப்பன் கோவிலில் 17-ம் தேதி முதல் பக்தர்கள் தரிசனத்திற்கு அனுமதிக்கப்பட்டு வருகின்றனர். இந்நிலையில் பூஜை மற்றும் பிரசாததிற்கான விலை பட்டியலை வெளியிடப்பட்டுள்ளது.

சபரிமலை கோவில் (கோப்பு புகைப்படம்)

சபரிமலை ஐயப்பன் கோவிலில் மண்டல பூஜைக்காக கடந்த 16-ம் தேதி நடை திறக்கப்பட்டது. 17-ம் தேதி முதல் பக்தர்கள் தரிசனத்திற்கு அனுமதிக்கப்பட்டு வருகின்றனர்.  கொரோனா கட்டுப்பாடுகள் முழுவதும் தளர்த்தப்பட்ட பிறகு மண்டல பூஜை இந்த ஆண்டு விமரிசையாக கொண்டாடப்பட்டதால் பக்தர்கள் கூட்டமும் அதிகமாக காணப்பட்டது. நாளுக்கு நாள் சபரிமலை வரும் பக்தர்களின் எண்ணிக்கை அதிகரித்த வண்ணமே உள்ளது. பக்தர்களின் நலனை கருத்தில் கொண்டு சிறப்பு பேருந்துகள், ரயில்கள் இயக்கப்பட்டு வருகின்றன.  

கேரள மட்டுமின்றி தமிழகம், கர்நாடகா, ஆந்திரா உள்ளிட்ட பல்வேறு மாநிலங்களில் இருந்தும் பக்தர்கள் சபரிமலை கோயிலுக்கு வருவது வழக்கம். சபரிமலைக்கு வரும் பக்தர்களின் எண்ணிக்கை ஆண்டுதோறும் அதிகரித்த வண்ணமே உள்ளது. எனினும், கொரோனா பரவல் மற்றும் கட்டுப்பாடுகள் காரணமாக கடந்த 2 ஆண்டுகளாக ஐயப்பன் கோயிலுக்கு வரும் பக்தர்களுக்கு கடும் கட்டுப்பாடுகள் விதிக்கப்பட்டன.

பக்தர்கள் கூட்டம் அதிகம் வரும் நிலையில் பூஜை மற்றும் பிரசாததிற்கான கட்டணம் வெளியிடப்பட்டுள்ளது. 

S.no	பூஜை/ பிரசாதம்	விலை பட்டியல்
1.	நெய்அபிஷேகம்: 1 தேங்காய்	ரூ. 10
2.	அஷ்டாபிஷேகம்	ரூ. 6,000
3.	கணபதி ஹோமம்	ரூ. 375
4.	உஷ பூஜை	ரூ. 1,500
5.	நித்ய பூஜை	ரூ. 4,000
6.	பகவதி சேவை	ரூ. 2,500
7.	களபாபிஷேகம்	ரூ. 38,400
8.	படி பூஜை	ரூ. 1,37,900
9.	துலாபாரம்	ரூ. 625
10.	புஷ்பாபிஷேகம்	ரூ. 12,500
11.	அப்பம் (1 பாக்கெட்)	ரூ. 45
12.	அரவணை (1 டின்)	ரூ. 100
13.	விபூதி பிரசாதம்	ரூ. 30
14.	வெள்ளை நிவேத்தியம்	ரூ. 25
15.	சர்க்கரை பாயசம்	ரூ. 25
16.	பஞ்சாமிர்தம்	ரூ. 125
17.	அபிஷேக நெய் (100 மிலி)	ரூ. 100
18.	நவக்கிரக பூஜை	ரூ. 450
19.	ஒற்றைகிரக பூஜை	ரூ. 100
20.	மாலை/வடி பூஜை	ரூ. 25
21.	நெல்பறை	ரூ. 200
22.	மஞ்சள் பறை	ரூ. 400
23.	தங்க அங்கி சார்த்தி பூஜை	ரூ. 15,000
24.	நீராஞ்சனம்	ரூ. 125
25.	இருமுடிக் கட்டு நிறைத்தல் (பம்பை	ரூ. 300