சபரிமலை சீசன்: கோவை, திருச்சி வழியாக சிறப்பு ரயில் சேவை! பயணிகளின் வசதிக்காக முக்கிய அறிவிப்பு!
கேரள மாநிலத்தில் உள்ள சபரிமலை அய்யப்பன் கோயில் சீசனையொட்டி பயணிகளின் கூட்ட நெரிசலை தவிர்க்கும் வகையில் கோவை, திருச்சி வழியாக சிறப்பு ரயில் சேவை இயக்கப்படுகிறது.
கேரள மாநிலத்தில் உள்ள சபரிமலை அய்யப்பன் கோயில் சீசனையொட்டி பயணிகளின் கூட்ட நெரிசலை தவிர்க்கும் வகையில் திருச்சி வழியாக சிறப்பு ரயில் சேவை இயக்கப்படுகிறது. வண்டி எண் - 07111 ஹசூர் சாஹிப் நந்தேத்-கொல்லம் சிறப்பு ரயில் வருகிற 20-ந் தேதி, 27-ந் தேதி மற்றும் டிசம்பர் 4-ந் தேதி, 11-ந் தேதி, 18-ந் தேதி, 25-ந் தேதி மற்றும் ஜனவரி மாதம் 1-ந் தேதி, 8-ந் தேதி, 15-ந் தேதி ஆகிய (வியாழக்கிழமை) நாட்களில் ஹசூர் சாஹிப் நந்தேத் ரயில் நிலையத்தில் இருந்து காலை 10 மணிக்கு புறப்பட்டு, சனிக்கிழமைகளில் அதிகாலை3 மணிக்கு கொல்லத்தை சென்று அடையும்.
இதே ரயில் மறுமார்க்கத்தில் வண்டி எண்:- 07112 கொல்லம்-ஹசூர் சாஹிப் நந்தேத் சிறப்பு ரயில் வருகிற 22-ந் தேதி, 29-ந் தேதி, டிசம்பர் 6, 13, 20, 27-ந் தேதிகள் மற்றும் ஜனவரி 3, 10, 17-ந் தேதிகளில் கொல்லத்தில் இருந்து சனிக்கிழமைகளில் அதிகாலை 5.40 மணிக்கு புறப்பட்டு, மறுநாளான ஞாயிற்றுக்கிழமைகளில் இரவு 9.30 மணிக்கு ஹசூர் சாஹிப் நந்தேத் ரயில் நிலையத்தை சென்று அடையும்.
இந்த மேற்கண்ட தகவலை திருச்சி ரயில்வே கோட்ட அலுவலகம் சார்பில் தெரிவித்துள்ளனர். இதேபோல் சபரிமலை சீசனை முன்னிட்டு, கோவை வழியாக மச்சிபட்டணம் - கொல்லம் இடையே சிறப்பு ரயில்கள் இயக்கப்படும் என அறிவிக்கப்பட்டுள்ளது. சிறப்பு ரயில் 1 அதன்படி, மச்சிபட்டணம் - கொல்லம்(07101) வாராந்திர சிறப்பு ரயில் வரும் 14, 21, 28, டிச., 26 மற்றும் ஜன., 2 ஆகிய தேதிகளில், மச்சிபட்டணத்தில் இருந்து வெள்ளிக்கிழமை மாலை 4.30 மணிக்கு புறப்பட்டு, மறுநாள் இரவு 10.00 மணிக்கு கொல்லம் சென்றடையும்.
கொல்லம் - மச்சிபட்டணம்(07102) வாராந்திர சிறப்பு ரயில் வரும், 16, 23, 30, டிச., 28 மற்றம் ஜன., 4 ஆகிய தேதிகளில், ஞாயிறு, அதிகாலை 2.30 மணிக்கு புறப்பட்டு, மறுநாள் காலை 8.00 மணிக்கு மச்சிபட்டணம் சென்றடையும். மச்சிபட்டணம் - கொல்லம் சிறப்பு ரயில், போத்தனுாருக்கு, மதியம் 12.00 மணிக்கு வந்து செல்லும். கொல்லம் - மச்சிபட்டணம் சிறப்பு ரயில், போத்தனுருக்கு, காலை 11.10 மணிக்கு வந்து செல்லும்.
ஏ.சி., முதல் வகுப்பு, இரண்டடுக்கு, மூன்றடுக்கு, படுக்கை வசதி ஆகிய பெட்டிகள் இணைக்கப்பட்டிருக்கும். குடிவாடா, விஜயவாடா, தெனாலி, பாபட்லா, சைராலா, ஓங்கோல், நெல்லுார், கூடுர், ரேணிகுண்டா, காட்பாடி, ஜோலார்பேட்டை, சேலம், ஈரோடு, திருப்பூர், போத்தனுார், பாலக்காடு, திருச்சூர், ஆலுவா, எர்ணாகுளம், கோட்டயம், திருவல்லா, செங்கனுார், காயம்குளம் ஆகிய ரயில்வே ஸ்டேஷன்களில் நின்று செல்லும்.
சிறப்பு ரயில் 2 நரசாபுரம் - கொல்லம்(07105) சிறப்பு வாராந்திர ரயில், வரும், 16 முதல் ஜன., 18 ம் தேதி வரை, ஞாயிறு மாலை 3.00 மணிக்கு நரசாபூரத்தில் இருந்து புறப்பட்டு, மறுநாள் 10.00 மணிக்கு கொல்லம் சென்றடையும்.
கொல்லம் - நரசா புரம்(07106) சிறப்பு வாராந்திர ரயில், வரும், 18 முதல், ஜன., 20 ம் தேதி வரை, செவ்வாய் கிழமை, அதிகாலை, 2.30 மணிக்கு புறப்பட்டு மறுநாள் காலை 7.00 மணிக்கு நரசாபுரம் சென்றடையும். ஏ.சி., இரண்டடுக்கு, மூன்றடுக்கு, படுக்கை வசதி ஆகிய பெட்டிகள் இணைக்கப்பட்டிருக்கும்.
பாலகொளு, பீமாவரம், அகிவிடு, கய்கலாரு, குடிவாடா, விஜயவாடா, தெனாலி, பாபட்லா, சைராலா, ஓங்கோல், நெல்லுார், கூடுர், ரேணிகுண்டா, காட்பாடி, ஜோலார்பேட்டை, சேலம், ஈரோடு, திருப்பூர், போத்தனுார், பாலக்காடு, திருச்சூர், ஆலுவா, எர்ணாகுளம், கோட்டயம், திருவல்லா, செங்கனுார் காயாம்குளம் ஆகிய ரயில்வே ஸ்டேஷன்களில் நின்று செல்லும்.
நரசாபுரம் - கொல்லம் சிறப்பு ரயில், போத்தனுாருக்கு மதியம் 12.00 மணிக்கு வந்து செல்லும். கொல்லம் - நரசாபுரம் சிறப்பு ரயில், போத்தனுாருக்கு காலை 11.10 மணிக்கு வந்து செல்லும்.
தலைப்பு செய்திகள்
ட்ரெண்டிங் செய்திகள்
