PM Modi: ”ஆபரேஷன் சிந்தூர் 100% வெற்றி! உலக நாடுகள் நமது பலத்தை பார்த்தது” பூரிப்பில் பேசிய பிரதமர்

"இந்த மழைக்கால கூட்டத்தொடர் வெற்றியின் கொண்டாட்டம். இந்தியாவின் இராணுவ வலிமையை உலகம் முழுவதும் கண்டுள்ளது.

பிரதமர் மோடி

Source : Video Grab

நாடாளுமன்ற மழைக்கால கூட்டத்தொடர் இன்று தொடங்க உள்ள நிலையில் பிரதமர் மோடி இன்றைய செய்தியாளர் சந்திப்பில் ஆப்ரேஷன் சிந்தூர் 100 சதவீகிதம் வெற்றி என்று பூரிப்புடன் பேசினார். 

நாடாளுமன்ற மழைக்கால கூட்டத்தொடர்:

நாடாளுமன்ற மழைக்கால கூட்டத்தொடர் இன்று தொடங்கி, வரும் ஆகஸ்ட் மாதம் 21ம் தேதி வரை  ஒரு மாத காலம் நடைபெற இருக்கிறது. இந்த கூட்டத் தொடரில் 8 புதிய மசோதாக்களை தாக்கல் செய்ய மத்திய அரசு திட்டமிட்டுள்ளது.  இந்த நிலையில் கூட்டத்தொடருக்கு முன்பதாக பிரதமர் மோடி செய்தியாளர்களை சந்தித்து பேசினார். 

அதில் "புதுமை மற்றும் புதிய தொடக்கங்களை பருவமழை குறிக்கிறது. சமீபத்திய அறிக்கைகளின்படி, நாடு முழுவதும் பருவம் சாதகமாக வளர்ந்து வருகிறது. இது விவசாயத்திற்கு பெரிதும் பயனளிக்கும் என்று எதிர்பார்க்கப்படுகிறது. விவசாயிகள் மற்றும் கிராமப்புற சமூகங்களுக்கு மட்டுமல்ல, தேசிய பொருளாதாரம் மற்றும் ஒவ்வொரு வீட்டின் வாழ்வாதாரத்திற்கும் மழை ஒரு முக்கிய பங்கு வகிக்கிறது."

இந்தியாவின் இராணுவ வலிமை:

"இந்த மழைக்கால கூட்டத்தொடர் வெற்றியின் கொண்டாட்டம். இந்தியாவின் இராணுவ வலிமையை உலகம் முழுவதும் கண்டுள்ளது. ஆபரேஷன் சிந்தூரில் இந்திய இராணுவத்தால் நிர்ணயிக்கப்பட்ட இலக்கு 100% அடையப்பட்டது. ஆபரேஷன் சிந்தூரில், பயங்கரவாதிகளின் முக்கிய தலைவர்களின் வீடுகள் 22 நிமிடங்களுக்குள் தரைமட்டமாக்கப்பட்டன."இந்த புதிய வடிவ இராணுவ சக்தியால் உலகம் மிகவும் ஈர்க்கப்பட்டுள்ளது. சமீபத்தில், உலகத் தலைவர்களுடனான எனது சந்திப்புளில், இந்தியாவின் இந்தியாவில் தயாரிக்கப்பட்ட ஆயுதங்கள் மீதான ஆர்வமும் போற்றுதலும் அதிகரித்து வருவதை நான் கவனித்தேன்

ஆப்ரேஷன் சிந்தூர் 100% வெற்றி:

ஆபரேஷன் சிந்தூர்'-ல் முழுமையான வெற்றியைப் பெற்றது. வெறும் 22 நிமிடங்களுக்குள், முக்கிய பயங்கரவாதத் தலைவர்களின் வீடுகள் வீழ்த்தப்பட்டன. இந்தியாவில் தயாரிக்கப்பட்ட இந்த புதிய வடிவ இராணுவ சக்தியால் உலகம் மிகவும் ஈர்க்கப்பட்டுள்ளது. சமீபத்தில், உலகத் தலைவர்களுடனான எனது தொடர்புகளில், இந்தியாவின் இந்தியாவில் தயாரிக்கப்பட்ட ஆயுதங்கள் மீதான ஆர்வமும் போற்றுதலும் அதிகரித்து வருவதை நான் கவனித்தேன்."

இந்தியாவுக்கு பெருமை:

சர்வதேச விண்வெளி மையத்திற்கு சென்ற சுபான்ஷு சுக்லா நமக்கு பெருமையை சேர்த்துள்ளதாக பிரதமர் மோடி தெரிவித்தார். மேலும் பேசிய அவர் "இந்த நாடாளுமன்ற மழைக்கால கூட்டத்தொடர் நாட்டிற்கு மிகவும் பெருமைமிக்க கூட்டத்தொடர். இந்த நாடாளுமன்ற மழைக்கால கூட்டத்தொடர் ஒரு வெற்றி கொண்டாட்டம் போன்றது. சர்வதேச விண்வெளி நிலையத்தில் இந்தியக் கொடியை ஏற்றுவது ஒவ்வொரு இந்தியருக்கும் பெருமையான தருணம் என்றார். 

நக்சலைட்டுகள் ஒழிப்பு:

"இன்று, நாடு முழுவதும் பல மாவட்டங்கள் நக்சலிசத்திலிருந்து விடுபட்டுள்ளன. இந்திய அரசியலமைப்பு வன்முறைக்கு எதிராக வெற்றி பெற்று வருவதைக் கண்டு நாங்கள் பெருமைப்படுகிறோம். 'சிவப்பு வழித்தடங்கள்' 'பசுமை வளர்ச்சி மண்டலங்களாக' மாறி வருகின்றன. இது ஒவ்வொரு நாடாளுமன்ற உறுப்பினருக்கும் பெருமை சேர்க்கும் ஒரு சிறந்த தருணம்." என்றார்.