![ABP Premium](https://cdn.abplive.com/imagebank/Premium-ad-Icon.png)
ஒரே நாளில் திருமணம்... ஒரே நாளில் பிரசவம்... இரட்டை சகோதரிகளின் ஒரே நாள் அதிசயம்!
கேரள இரட்டை சகோதரிகள் ஒரே நாளில் திருமணம் செய்துகொண்டு ஒரே நாளில் குழந்தை பெற்றுக்கொண்ட நிகழ்வு ஆச்சர்யத்தை ஏற்படுத்தியுள்ளது.
![ஒரே நாளில் திருமணம்... ஒரே நாளில் பிரசவம்... இரட்டை சகோதரிகளின் ஒரே நாள் அதிசயம்! Kerala twin sisters get married on the same day and have children on the same day ஒரே நாளில் திருமணம்... ஒரே நாளில் பிரசவம்... இரட்டை சகோதரிகளின் ஒரே நாள் அதிசயம்!](https://feeds.abplive.com/onecms/images/uploaded-images/2021/12/09/160350bbdd4d6b9c425f6b6355118dc8_original.jpg?impolicy=abp_cdn&imwidth=1200&height=675)
கேரள மாநிலம் கோட்டயம் அருகே உள்ள தலயோல பரம்பு என்ற இடத்தை சேர்ந்தவர் முன்னாள் ராணுவ வீரர் சந்திரசேகர் நாயர். இவரது மனைவி அம்பிகா. இந்த தம்பதியின் மகள்கள் ஸ்ரீபிரியா, ஸ்ரீலட்சுமி என்ற இரட்டை சகோதரிகள் பிறந்துள்ளனர். இருவரும் சிறு வயது முதலே இணை பிரியாமல் ஒன்றாகவே வளர்ந்தனர்.
இந்தநிலையில், இருவரும் பிரியாமல் வளர்ந்து ஒரு கட்டத்தில் திருமண வயதை எட்டியபோது, மகள்களின் விருப்பப்படி, மாப்பிள்ளை பார்த்து ஸ்ரீபிரியா, ஸ்ரீலட்சுமி என்ற இரட்டை சகோதரிகளுக்கு கடந்த 2020-ம் ஆண்டு டிசம்பர் 11-ந் தேதி, ஒரே நாளில், ஒரே மேடையில் திருமணத்தை கோட்டயத்தில் உள்ள ஒரு மண்டபத்தில் நடத்தியுள்ளனர்.
திருமண வாழ்க்கை சிறப்பாக சென்ற சிறிது நாட்களில் கர்ப்பம் தரித்த இருவரும், தாங்கள் பிறந்த மருத்துவமனையில் குழந்தைகளை பெற்று கொள்ள விரும்பினர். கடந்த 2 தினங்களுக்கு முன்பு ஸ்ரீபிரியாவுக்கு பிரசவ வலி ஏற்பட்டதை தொடர்ந்து அவர் ஆஸ்பத்திரியில் அனுமதிக்கப்பட்டார். அன்று இரவே ஸ்ரீலெட்சுமிக்கும் வலி ஏற்பட்டு அவரும் அதே ஆஸ்பத்திரியில் அனுமதிக்கப்பட்டுள்ளார்.
நேற்று முன்தினம் மதியம் சுமார் 2.20 மணியளவில் ஸ்ரீபிரியா ஒரு பெண் குழந்தையை பெற்றெடுத்தார். அதே நாள் மாலை 6.45 மணிக்கு ஸ்ரீபிரியாவை தொடர்ந்து ஸ்ரீ லெட்சுமிக்கும் ஒரு பெண் குழந்தை பிறந்தது. இதையடுத்து, இரட்டை சகோதரிகள் ஒரே நாளில் குழந்தைகளை பெற்றெடுத்ததும், அதேநேரம் பிறந்த குழந்தைகள் 2 பேருக்கும் ஒரே ரத்த வகையான 'ஓ' பாசிட்டிவ் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
Chopper Crash: உடல்களை அடையாளம் காண்பதில் சிக்கல்: டிஎன்ஏ சோதனைக்கு தயாராகும் மருத்துவக் குழு!
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Bipin Rawat Demise: ‛மென்மையான நட்பு... மேன்மையான எண்ணம்..’ ராவத்தின் நெருங்கிய நண்பர் உருக்கம்!
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)