Breaking News Live : பூ ராமுவின் மறைவுக்கு முதல்வர் மு.க.ஸ்டாலின் இரங்கல்
Breaking Live :தமிழ்நாடு உள்பட இந்தியா முழுவதும் கடந்த 24 மணிநேரத்தில் நடைபெற்ற பல்வேறு முக்கிய நிகழ்வுகளை தலைப்புச்செய்திகளாக கீழே காணலாம்.
LIVE
Background
தமிழகத்தில் மாநிலக் கல்வி வாரியத்தின்கீழ் இயங்கும் பள்ளி மாணவர்களுக்கு 11ஆம் வகுப்புத் தேர்வு முடிவுகள் இன்று (ஜூன் 27ஆம் தேதி) வெளியாக உள்ளன.
கொரோனா தொற்றுப் பரவல் காரணமாக தமிழகத்தில் கடந்த 2 ஆண்டுகளாக பொதுத்தேர்வுகள் நடத்த முடியாமல் போனது. தற்போது கொரோனா கட்டுக்குள் கொண்டு வரப்பட்டதால், இந்தாண்டு அனைத்து வகுப்பு மாணவர்களுக்கும் தேர்வுகள் நடத்தப்பட்டன. குறிப்பாக 10, 11, 12 ஆம் வகுப்பு மாணவர்களுக்கு பொதுத்தேர்வுகள் திட்டமிட்டபடி நடத்தி முடிக்கப்பட்டன.
குறிப்பாக 11ஆம் வகுப்புப் பொதுத் தேர்வு மே 10ஆம் தேதி தொடங்கி நடைபெற்றது. 3 ஆயிரத்துக்கும் மேற்பட்ட மையங்களில் இந்தத் தேர்வுகள் நடைபெற்றன. தேர்வை சுமார் 8.83 லட்சம் மாணவர்கள் எழுதினர்.
இதனிடையே 10, 11 மற்றும் 12ஆம் வகுப்பு பொதுத்தேர்வு விடைத்தாள்களைத் திருத்தும் பணி ஜூன் 1ஆம் தேதி தொடங்கியது. இந்த விடைத்தாள்களைத் திருத்தி முடிக்கும் பணி ஜூன் 9 ஆம் தேதி நிறைவடைந்தது.
இதையடுத்து கடந்த ஜூன் 20ஆம் தேதி 10 மற்றும் 12 ஆம் வகுப்பு மாணவர்களுக்கான பொதுத்தேர்வு முடிவுகள் வெளியானது. இதில் வழக்கம்போல மாணவர்களை விட மாணவிகளே அதிக அளவில் தேர்ச்சி பெற்றனர்.
ஜூலை மாதத்தில் மறுதேர்வுகள்
கடந்த கல்வியாண்டை ஒப்பிடும்போது இந்தாண்டு 10ஆம் வகுப்புத் தேர்ச்சி விகிதம் மிகவும் குறைந்தது. 12ஆம் வகுப்புத் தேர்ச்சி விகிதம் அதிகரித்தது. தேர்வில் கலந்துகொள்ளாத மாணவர்கள் மற்றும் தேர்ச்சி பெறாத மாணவர்களுக்கு ஜூலை மற்றும் ஆகஸ்ட் மாதங்களில் மறுதேர்வு வைக்கப்படும் என்று பள்ளிக் கல்வித்துறை அறிவித்துள்ளது.
இந்நிலையில் இன்று (ஜூன் 27ஆம் தேதி) 11 ஆம் வகுப்பு மாணவர்களுக்கான பொதுத்தேர்வு முடிவுகள் வெளியாக உள்ளன. காலை 10 மணிக்குத் தேர்வு முடிவுகள் வெளியிடப்படும். அரசுத் தேர்வுகள் இயக்ககம் இந்த அறிவிப்பை வெளியிட்டுள்ளது.
தேர்வு முடிவுகளை அறிந்துகொள்வது எப்படி?
மாணவர்கள் முதலில் தங்களது பதிவெண் மற்றும் பிறந்த தேதி ஆகியவற்றைப் பதிவு செய்துகொள்ள வேண்டும். பின்பு, தேர்வு முடிவுகளை கீழ்க்காணும் இணையதளத்தில் காணலாம்.
http://tnresults.nic.in/
https://dge.tn.nic.in/
https://dge1.tn.nic.in/
https://dge2.tn.nic.in/
இவ்வாறு அரசுத் தேர்வுகள் இயக்ககம் சார்பில் தெரிவிக்கப்பட்டுள்ளது.
அதிமுக தலைமை கழக நிர்வாகிகள் கூட்டம்:
அதிமுகவில் பரப்பரப்பான அரசியல் சூழல் நிலவி வருகிறது. இந்நிலையில் இன்று காலை அதிமுகவின் தலைமை கழக நிர்வாகிகள் கூட்டம் நடைபெற உள்ளது. இந்தக் கூட்டம் சட்டப்படி செல்லாது என்று ஓ.பன்னீர்செல்வம் தெரிவித்துள்ளார். இது தொடர்பாக அவர் அறிக்கை ஒன்றையும் வெளியிட்டுள்ளார்.
பூ ராமுவின் மறைவுக்கு முதல்வர் மு.க.ஸ்டாலின் இரங்கல்
திரைப்பட நடிகர் பூ ராமுவின் மறைவுக்கு முதல்வர் மு.க.ஸ்டாலின் இரங்கல் தெரிவித்துள்ளார். நடிகரும், எம்.எல்.ஏ.வுமான உதயநிதி ஸ்டாலின் நேரில் சென்று அஞ்சலி செலுத்தியுள்ளார்.
முதலமைச்சர் மு.க.ஸ்டாலின் தலைமையில் அமைச்சரவைக் கூட்டம் தொடங்கியது!
தமிழ்நாடு முதலமைச்சர் மு.க.ஸ்டாலின் தலைமையில் அமைச்சரவைக் கூட்டம் தொடங்கி நடைபெற்று வருகிறது. தலைமை செயலாளர் இறையன்பு உள்ளிட்ட உயர் அதிகாரிகள் பங்கேற்கின்றனர். கடந்த சட்டமன்ற கூட்டத்தொடரில் அறிவிக்கப்பட்ட திட்டங்களின் செயல்பாடுகள் குறித்து ஆலோசனை மேற்கொள்ளப்பட்டு வருவதாக தகவல்..
மாணவியர்களுக்கான ரூபாய் 1000 வழிகாட்டு நெறிமுறைகள் வெளியீடு
அரசுப்பள்ளியில் பயின்று உயர்கல்வியில் சேரும் மாணவியர்களுக்கு மாதந்தோறும் ரூபாய் 1000 வழங்கும் திட்டத்திற்கான வழிமுறைகள் வெளியிடப்பட்டுள்ளது.
அதிமுக பொதுக்குழுவுக்கு, புதிய இடத்தை தேர்வு செய்யும் பணியில் முன்னாள் அமைச்சர்கள்
அதிமுக பொதுக்குழு கூட்டத்துக்கு புதிய இடத்தை தேர்வு செய்யும் பணியில் முன்னாள் அமைச்சர்களான எஸ்.பி.வேலுமணி, தங்கமணி ஈடுபட்டுள்ளனர். வழக்கமாக வானகரத்தில் நடைபெறும் நிலையில், தற்போது மீனம்பாக்கத்தில் நடத்துவதற்கு, இடத்தை தேர்வு செய்யும் பணியில் முன்னாள் அமைச்சர்கள் ஈடுபட்டுள்ளனர்
அதிமுக கூட்டம் குறித்து நேற்றைய அறிக்கையிலே கூறிவிட்டேன்- விமான நிலையத்தில் ஓபிஎஸ்
சென்னை விமான நிலையத்தில், அதிமுக தலைமை கழக நிர்வாகிகள் கூட்டம் குறித்து ஓபிஎஸ்-யிடம் கேட்கப்பட்ட கேள்விக்கு, நேற்றைய அறிக்கையிலே கூறிவிட்டேன் என தெரிவித்தார். நேற்றைய அறிக்கையில், ஒருங்கிணைப்பாளர், இணை ஒருங்கிணைப்பாளர் ஒப்புதலின்றி இன்று நடைபெறவுள்ள தலைமைக் கழக நிர்வாகிகள் கூட்டம் செல்லத்தக்கதல்ல என குறிப்பிட்டிருந்தார்.
தலைப்பு செய்திகள்
ட்ரெண்டிங் செய்திகள்
