Parandur Airport : பரந்தூர் விமான நிலைய விவகாரம்: 46-வது நாளாக தொடரும் போராட்டம்.. மக்கள் கடும் எதிர்ப்பு..

புதிய விமான எதிர்ப்பு தெரிவித்து ஏகனாபுரம் கிராம மக்கள் 46-வது நாளாக இரவு நேரத்தில் பணி முடித்துவிட்டு ஒன்றுகூடி போராட்டத்தில் ஈடுபட்டு வருகின்றனர்.

போராட்டம்

சென்னை அடுத்து இரண்டாம் விமான நிலையம் காஞ்சிபுரம் மாவட்டம் பரந்தூர் பகுதியில் அமைய இருப்பதாக மத்திய துறை அமைச்சகம் தெரிவித்த நிலையில் இதில் 12 கிராமங்கள் உள்ளடங்கிய மிகப்பெரிய விமான நிலையம் கட்டுவதற்கு ஆயத்த பணிகள் நடைபெற்று வருவதாக தெரிவித்தனர்.

 

இதில் ஏகனாபுரம் கிராமம் முழுவதுமாக அகற்றும் நிலை இருப்பதால் அப்பகுதி மக்கள் புதிய விமான நிலையம் அமைவதற்கு எதிர்ப்பு தெரிவித்து தினந்தோறும் 12 கிராமத்தைச் சேர்ந்த மக்கள் புதிய விமான நிலையம் எதிர்ப்பு இயக்கம் சார்பில் ஏகனாபுரம் கிராமத்தில் 200-க்கும் மேற்பட்டோர் கலந்து ஆலோசித்து தொடர்ந்து இரவு நேரங்களில் பணி முடிந்து வந்த பிறகு கிராம மக்கள் போராட்டத்தில் ஈடுபட்டு வருகின்றனர்.

 

இன்றுடன் 46-வது நாளாக இரவு நேரங்களில் கிராம மக்கள் ஒன்று கூடி புதிய விமான நிலையம் வருவதற்கு எதிர்ப்பு தெரிவித்தும் போராட்டத்தில் ஈடுபட்டு வருகின்றனர், இதில் மத்திய மாநில அரசுக்கு எதிராக கோஷங்கள் எழுப்பியவாரு புதிய விமான நிலையம் எதிர்ப்பு தெரிவித்து போராட்டத்தில் ஈடுபட்டு வருகின்றனர்.

---

 

1998 ஆண்டு தொடங்கிய சென்னை இரண்டாம் விமானம் நிலையம் பேச்சு .. கடந்து வந்த பாதை இதுதான்..!

 

1998 ஏப்ரல் மாதம் மத்திய விமான துறை அமைச்சர் ஆனந்தகுமார் சென்னைக்கு இரண்டாவது ஏர்போர்ட் தேவைப்படுகிறது என முன்மொழிந்தார்.

 

1998 அக்டோபர் மாதம் சென்னை இரண்டாவது விமான நிலையம் தொடர்பாக  முதல் உயர்மட்ட குழு கூட்டமானது நடைபெற்றது. இதில் சென்னைக்கு இரண்டாவது விமான நிலையம் தேவை என்பது குறித்து விவாதிக்கப்பட்டது.

 

1998 அக்டோபர் மாதம் அப்பொழுதைய தமிழ்நாடு முதலமைச்சர்  கருணாநிதி, பிரதமர் வாஜ்பாய்க்கு, சென்னை இரண்டாவது விமான நிலையம் தொடர்பாக  பணிகளை முன்மொழிவுக்கான நடவடிக்கைகளை விரைவுபடுத்த வேண்டும் என்று அந்த கடிதத்தில் குறிப்பிட்டு இருந்தார்

 

1998 அக்டோபர் மாதம், தமிழ்நாடு  தொழில் வளர்ச்சி துறை ஆணையம் ,  சென்னை மீனம்பாக்கம் விமான நிலையம்  தெற்கு பகுதில் 10 கிலோமீட்டர் தூரத்தில் இடம் ஒன்றை தேர்வு செய்தனர். 1999 நவம்பர் மாதம் 2000 கோடி செலவில் புதிய சர்வதேச விமான நிலையத் திட்டத்திற்கு மத்திய அரசு ஒப்புதல் அளித்துள்ளது.

 

2000 நவம்பர் மாதம் போரூர் அருகில் மேற்கு மீனம்பாக்கத்தில்  3000 ஏக்கரில் , அமைய உள்ளதாக தகவல்  வெளியானது.

 

2005 ஏப்ரல் மாதம் சென்னை விமான நிலையத்தில் வடக்கே, சுமார் 1457 ஏக்கர் நிலத்தை தமிழக அரசு இலவசமாக வழங்க முடிவு செய்யப்பட்டது .

 

2007 மே மாதம் அப்பொழுதைய தமிழ்நாடு முதலமைச்சர்  கருணாநிதி ,காஞ்சிபுரம் மாவட்டம் ஸ்ரீபெரும்புதூர் அருகே  4820 ஏக்கர் பரப்பளவில், பசுமை விமானம்  நிலையம் அமைக்க முடிவு செய்தார்.

 

2012 மார்ச் மாதம்  சென்னையில் இரண்டாவது விமான நிலையம் அமைப்பதற்கு சுமார் 20 ஆயிரம் கோடி ஆகும் என தமிழ்நாடு அரசு  திட்டம் தீட்டியது.

 

2022 ஜனவரி மாதம் தமிழ் நாட்டில்  4 இடங்கள் தேர்வு செய்தனர். படாளம், திருப்போரூர் , பன்ணுர் ,பரந்தூர் ஆகிய இடங்களை தேர்வு செய்தனர்.

 

2022 மார்ச் மாதம்  அதிகாரிகள் தேர்வு செய்யப்பட்ட இடங்களில் ஆய்வு  மேற்கொண்டனர்.

 

2022 ஆகஸ்ட் மாதம் சென்னை அருகே ஶ்ரீபெரும்புதூர் அடுத்த பரந்தூரில் 2-வது விமான நிலையம் அமைக்கப்படும் என்று ராஜ்யசபாவில் மத்திய சிவில் விமானப் போக்குவரத்துத் துறை இணை அமைச்சர் வி.கே.சிங் தெரிவித்துள்ளார்.