RRB Examination : ரயில்வே வாரிய தேர்வுகளை முன்னிட்டு ரயில்களில் கூடுதல் பெட்டிகள் இணைப்பு..

ரயில்வே வாரிய தேர்வுகள் நடைபெறுவதால், ரயில்களில் கூடுதல் பெட்டிகள் இணைக்கப்படுகிறது. இதன் மூலம் தேர்வு எழுதும் நபர்களுக்கு சிரமங்கள் குறையும்.

ரயில்வே அதிகாரிகள் ஆய்வு

கட்டமைப்பு குறைபாடு காரணமாக ரயில்வே வாரிய தேர்வர்களுக்கு அருகில் உள்ள மாநிலங்களில் தேர்வு மையங்கள் ஒதுக்கப்பட்டுள்ளன இந்த தேர்வர்கள் வசதிக்காக சில ரயில்களில் கூடுதல் பெட்டிகள் இணைக்கப்படுகின்றன அதன்படி மே 6 அன்று தாம்பரத்திலிருந்து புறப்படும் தாம்பரம் - நாகர்கோவில் சிறப்பு ரயில் (06005) மற்றும் டாக்டர் புரட்சித்தலைவர் எம்ஜிஆர் சென்னை சென்ட்ரல் - நாகர்கோவில் ரயில் (12689) ஆகியவற்றில் கூடுதலாக இரண்டு இரண்டாம் வகுப்பு தூங்கும் வசதி பெட்டிகள் இணைக்கப்பட இருக்கிறது.

#RRB examination centres have been allotted to some of the candidates due to lack of adequate infrastructure. In order to facilitate these candidates, some of the trains will be augmented with additional coaches. Further reports to follow - @abpnadu | @drmmadurai | @SRajaJourno pic.twitter.com/EvCAOPHfXU

— Arunchinna (@iamarunchinna) May 4, 2022

அதேபோல மறுமார்க்கத்தில் மே 8-ஆம் தேதி அன்று நாகர்கோவிலில் இருந்து புறப்படும் நாகர்கோவில் - தாம்பரம் சிறப்பு ரயில் (06006) மற்றும் நாகர்கோவில் - டாக்டர் புரட்சித் தலைவர் எம்ஜிஆர் (12690) சென்னை சென்ட்ரல் ரயில் ஆகியவற்றிலும் கூடுதலாக 2 இரண்டாம் வகுப்பு தூங்கும் வசதி பெட்டிகள் இணைக்கப்படுகிறது.  மே 7 முதல் 10 வரை தாம்பரம்-நாகர்கோவில் அந்தியோதயா ரயில் (20691) மே 8 முதல் 11 வரை நாகர்கோவில் -  தாம்பரம் அந்தியோதயா ரயில் (20692) ஆகியவற்றில் 2 இரண்டாம் வகுப்பு பொது பெட்டிகள் இணைக்கப்படும்.

 

மே 6 அன்று ராமேஸ்வரத்தில் இருந்து புறப்படும் ராமேஸ்வரம் - ஓகா வாராந்திர ரயில் (16733) மற்றும் மே 10 அன்று ஓகாவில் இருந்து புறப்படும் ஓகா - ராமேஸ்வரம் வாராந்திர ரயில் (16734) ஆகியவற்றில் கூடுதலாக ஒரு இரண்டாம் வகுப்பு தூங்கும் வசதி பெட்டி இணைக்கப்படுகிறது.

மே 8 அன்று மதுரையில் இருந்து புறப்படும் மதுரை - டெல்லி நிஜாமுதீன் சம்பர்க் கிராந்தி விரைவு ரயில் (12651) மற்றும் மே 10 அன்று டெல்லியில் இருந்து புறப்படும் நிஜாமுதீன் - மதுரை சம்பர்க் கிராந்தி விரைவு ரயில் (12652) ஆகியவற்றில் கூடுதலாக ஒரு இரண்டாம் வகுப்பு தூங்கும் வசதி பெட்டி இணைக்கப்படும். மே 8 அன்று கோயம்புத்தூரில் இருந்து புறப்படும் கோயம்புத்தூர் - நாகர்கோவில் இரவு நேர விரைவு ரயில் (22668) மற்றும் மே 9 அன்று நாகர்கோவிலில் இருந்து புறப்படும் நாகர்கோவில் - கோயம்புத்தூர் இரவு நேர ரயில் (22667) ஆகியவற்றில் கூடுதலாக ஒரு இரண்டாம் வகுப்பு பெட்டி இணைக்கப்படும்.

 

இதைப்படிக்க மிஸ் பண்ணாதீங்க பாஸ் - இந்து மதத்திற்கு எதிராக செயல்பட்டால் எந்த அமைச்சரும் சாலையில் நடமாடமுடியாது - மன்னார்குடி ஜீயர்