செங்கல்பட்டு குழந்தை கடத்தல் விவகாரத்தில் ட்விஸ்ட்.. உண்மையை போட்டு உடைத்த போலீஸ் - முழு பின்னணி என்ன ?
வழக்கில் சம்பந்தப்பட்ட கோகுல் மற்றும் கோகுலின் நண்பரான சரவணன் ஆகியோர் கைது செய்து விசாரணை தொடர்ந்து நடைபெற்று வருவதாக தெரிவித்துள்ளனர்
செங்கல்பட்டு மாவட்டம் காட்டாங்குளத்தூர் ஒன்றியத்திற்கு உட்பட்ட ஒழலூர் பகுதியை சேர்ந்த ஆட்டோ ஓட்டுநர் வேலன் (31) இவருக்கு ஆர்த்தி (30) என்கிற மனைவியும் ரக்சதா (11) என்கிற மகளும் வயது, நித்தின் (7) என்கிற மகனும் உள்ளனர். கடந்த ஓர் ஆண்டுகளுக்கு முன்பு வேலன் மற்றும் ஆர்த்தி ஆகிய இருவரும் பிரச்சனையின் காரணமாக ஆர்த்தி தனது தாய் வீட்டில் இருந்து வருகிறார்.
வேலனின் பிள்ளைகள் ஒழலூர் ஊராட்சியில் அரசு ஆதிதிராவிட நடுநிலைப்பள்ளியில் ரட்சிதா 6-ம் வகுப்பு மற்றும் நித்தின் 2-ம் வகுப்பு பயின்று வருகின்றனர். இந்நிலையில் ரட்சிதா மற்றும் நித்தின் ஆகிய இருவரும் இன்று காலை வழக்கம் போல் பள்ளிக்கு சென்ற நிலையில் மதியம் உணவு இடைவேளையில் இரண்டு குழந்தைகள் திடீரென பள்ளியில் இருந்து மாயமாகியுள்ளனர்.
இதுகுறித்து தகவல் அறிந்த வேலன் செங்கல்பட்டு தாலுகா காவல் நிலையத்திற்கு அளித்த தகவலின் அடிப்படையில் சம்பவ இடத்திற்கு விரைந்து வந்த போலீசார் பள்ளி ஆசிரியர்களிடம் விசாரணை மேற்கொண்டனர். இந்தநிலையில் இந்த வழக்கில் திடீர் திருப்பமாக, குழந்தையை தாய் அழைத்துச் சென்றதாக போலீசார் தெரிவிக்கின்றனர்.
இது தொடர்பாக செங்கல்பட்டு மாவட்ட காவல் துறை சார்பில் வெளியிடப்பட்டுள்ள செய்தி குறிப்பில் தெரிவிக்கப்பட்டிருப்பதாவது : செங்கல்பட்டு மாவட்டத்தில் இரண்டு பள்ளி குழந்தைகள் கடத்தல் என பரவிய செய்தி உண்மை இல்லை எனவும், இது தொடர்பாக தாலுக்கா காவல் நிலையம் பதிவு செய்யப்பட்டுள்ள புகாரில் குழந்தைகளை தாய் தான் அழைத்துச் சென்றுள்ளார் என தெரிய வருகிறது.
இது சம்பந்தமாக காணாமல் போன இரண்டு குழந்தைகளையும் கண்டுபிடிக்க செங்கல்பட்டு மாவட்ட காவல் கண்காணிப்பாளர் உத்தரவில், 2 துணை காவல் கண்காணிப்பாளர் தலைமையில், 4 காவல் ஆய்வாளர்கள் மூலம் 4 தனி படைகள் அமைத்து விசாரணை மேற்கொண்டதில் காணாமல் போன இரண்டு குழந்தைகளும் ராணிப்பேட்டை மாவட்டம் காவேரிப்பாக்கம் பகுதியில் அவரது அம்மா மற்றும் கோகுல் ஆகியோருடன் கண்டுபிடிக்கப்பட்டனர்.
நேற்று இரண்டு குழந்தைகளும் மதிய உணவு இடைவெளியில் பள்ளிக்கு வெளியே வரும் பொழுது குழந்தைகளின் அம்மாவின் தோழி, குழந்தைகளிடம் செல்போன் கொடுத்து பேச வைத்துள்ளார். பின்பு இரண்டு குழந்தைகளும் அந்த பெண்ணுடன் சென்று அங்கு இருந்த காரில் அவர்களது அம்மாவுடன் சென்றுள்ளார். இந்த சம்பவத்தில் குழந்தைகளின் பெற்றோருடைய குழந்தைகளை உரிமை கொண்டாடுவதில் பிரச்சனை இருப்பதால் குழந்தைகளை CWC முன் ஆஜர் படுத்தவும் மற்றும் வழக்கில் சம்பந்தப்பட்ட கோகுல் மற்றும் கோகுலின் நண்பரான சரவணன் ஆகியோர் கைது செய்து விசாரணை தொடர்ந்து நடைபெற்று வருவதாக தெரிவித்துள்ளனர்.
தலைப்பு செய்திகள்
ட்ரெண்டிங் செய்திகள்
