Healthy Ragi Soup | எப்போதுமே இட்லி, தோசையா? இனி கேழ்வரகு சூப் ட்ரை பண்ணுங்க..! ஹெல்த்தி ரெசிபி!

இதில் கேழ்வரகு கூழ் , கேழ்வரகு அடை , கேழ்வரகு களி , ராகி மால்ட் என பல வகைகளில் கேழ்வரகு செய்து சாப்பிட்டு இருப்போம். இப்போது காய்கள் கலந்த ராகி சூப் செய்து சாப்பிட்டு பாருங்கள்.

கேழ்வரகு சூப்

கேழ்வரகு  ஊட்டச்சத்து நிறைந்த ஒரு தானியம் ஆகும். இதில் கால்சியம் சத்து, விட்டமின்கள் நிறைந்து இருக்கிறது. இதை அனைத்து வயதினரும் எடுத்து கொள்ளலாம். இதில் கேழ்வரகு கூழ் , கேழ்வரகு அடை , கேழ்வரகு களி , ராகி மால்ட் என பல வகைகளில் கேழ்வரகு செய்து சாப்பிட்டு இருப்போம். இப்போது காய்கள் கலந்த ராகி சூப் செய்து சாப்பிட்டு பாருங்கள்.

ராகி சூப் செய்வதற்கு தேவையான பொருள்கள்

ராகி மாவு - 2 டீஸ்பூன்

கேரட், பீன்ஸ், முட்டை கோஸ், - 1 கப்

உப்பு - தேவையான அளவு

மிளகு - சுவைக்கு ஏற்ப

செய்முறை

• ஒரு பாத்திரத்தில் 2 டீஸ்பூன் ராகி மாவை போட்டு, சிறிதளவு தண்ணீர் சேர்த்து கட்டிகள் ஏதும் இல்லாமல் கலந்து கொள்ளவும்.
• காய்களை அனைத்தையும் சிறிது சிறிதாக ஒரு கப் அளவிற்கு நறுக்கி கொள்ளவும்.
• ஒரு பாத்திரத்தில் தேவையான அளவு தண்ணீர் கொதிக்க வைக்கவும். தண்ணீர் லேசாக சூடான பிறகு, கலந்து வைத்து ராகி மாவை அதனுடன் சேர்த்து கொள்ளவும்.
• ஒரு கொதி வந்த பிறகு, அதனுடன் நறுக்கி வைத்த காய்களை போட்டு கலக்கவும்.
• தேவையான அளவு உப்பு சேர்த்து கொள்ளவும்.
• நன்றாக வெந்த பிறகு அடுப்பை அணைத்து விட்டு சூப் எடுத்து தனியாக ஒரு பாத்திரத்தில் வைத்து கொள்ளலாம்.
• தேவையான அளவு மிளகு தூள் சேர்த்து கேழ்வரகு சூப் பரிமாறலாம்.

காய்கறிகள் கலந்து கேழ்வரகு சூப் தயார்.

யாரெல்லாம் எடுத்து கொள்ளலாம் ?

குழந்தைகள் , ஊட்டச்சத்து குறைபாடு இருப்பவர்கள், கர்ப்பிணி பெண்கள், உடல் எடை குறைக்கும் முயற்சியில் இருப்பவர்கள், கர்ப்பிணி பெண்கள், கால்சியம் சத்து குறைபாடு காரணமாக உடல் வலி, மூட்டு வலி இருப்பவர்கள் ராகி எடுத்து கொள்ளலாம்.

ராகியில் இருக்கும் ஊட்டச்சத்துகள் - மற்ற அணைத்து தானியங்களை விடவும், இதில் கால்சியம் மற்றும் பொட்டாசியம் சத்து நிறைந்து இருக்கிறது. மேலும், இதில் நார்சத்து, இரும்பு சத்து நிறைந்து இருக்கிறது. குறைந்த கலோரி கொண்ட உணவாகும். ஒரு வேலை உணவாக கேழ்வரகு எடுத்து கொள்ளலாம்.

ராகியின் பயன்கள் -

• எலும்புகள் மற்றும் மூட்டுகளை வலுப்படுத்துகிறது.
• பாலூட்டும் தாய்மார்கள் ராகி எடுத்து கொள்வதால், தாய் பால் சுரப்பதற்கு உதவும்.
• இதில் இரும்பு சத்து நிறைந்து இருப்பதால் இரத்த சோகை பிரச்சனை இருப்பவர்கள் எடுத்து கொள்ளலாம்.
• இது குறைந்த கலோரி கொண்ட உணவு. வளர் சிதை மாற்றம், உடல் பருமன் பிரச்சனைக்கு சிறந்தது.