Malai Corn Sabzi: க்ரீமி மலாய் கான் மசாலா - செய்வது எப்படி? இதைப் படிங்க!
Malai Corn Sabzi: ஸ்வீட்கார்னில் வித்தியாசமான க்ரீமி க்ரேவி செய்முறையை காணலாம்.
சப்பாத்தி, தோசை ஆகியவற்றிற்கு நல்ல காமினேசன் மலாய் கார்ன் க்ரேவி. ஸ்வீட்கார்ன் விரும்பி சாப்பிடுபவர்கள் இதை ட்ரை செய்யலாம்.
மலாய் ஸ்வீட்கார்ன் க்ரேவி
என்னென்ன தேவை
ஸ்வீட்கார்ன் - ஒரு கப்
வெங்காயம் - 1
தக்காளி - 2
பூண்டு, இஞ்சி - 50 கிராம்
ஏலக்காய், பட்டை, கிராம் - தலா 1
சீரகம் - ஒரு டீ ஸ்பூன்,
குடை மிளகாய் - 1
பச்சை மிளகாய் - 2
கருவேப்பிலை -சிறிதளவு
கரம் மசாலா - 1 டீ ஸ்பூன்
ஃப்ரெஷ் க்ரீம் - ஒரு கப்
மெத்தி இலைகள் - ஒரு டீ ஸ்பூன்
செய்முறை
- ஸ்வீட்கார்னை வேக வைத்து எடுத்துகொள்ளவும். வெங்காயத்தை பொடியாக நறுக்கவும். குடை மிளகாயை நறுக்கவும்.
- ஒரு கடாயில் வெண்ணெய் அல்லது எண்ணெய் ஊற்றி பட்டை, கிராம்பு, பிரியாணி இலை, ஏலக்காய், சீரகம், பச்சை மிளகாய் சேர்த்து நன்றாக வதக்கவும். கடுகு, கருவேப்பிலையும் சேர்க்கலாம். இதோடு பொடியாக நறுக்கிய வெங்காயம் சேர்த்து பொன்னிறமாகும் வரை வதக்கவும்.
- வெங்காயம் வதங்கியதும் குடை மிளகாய் சேர்த்து அது வேகும்வரை வதக்கவும். இதற்கிடையில், மிக்ஸியில், தக்காளி, பூண்டு, இஞ்சி, கிராம்பு எல்லாவற்றையும் நன்றாக அரைக்கவும். இதோடு, முந்திரி மற்றும் சிறதளவு ஸ்வீட்கார்ன் சேர்த்தும் அரைக்கவும்.
- அரைத்த விழுதை கடாயில் கொட்டி, அதோடு மஞ்சள் தூள், கரம் மசாலா தூள், மிளகாய் தூள் உள்ளிட்டவற்றை சேர்த்து நன்றாக வதக்கவும்.
- மசாலா நன்றாக வதங்கியதும், அதில் ஃபரெஷ் க்ரீம் சேர்த்து, வேக வைத்த கார்னை சேர்த்து நன்றாக கலக்கவும். பிறகு, மேத்தி இலை, கொத்தமல்லி இழை தூவினால் மசாலா தயார்.
- இதை தோசை, சப்பாத்தி , சாதம் என உங்கள் விருப்பப்படி தொட்டுகொள்ள பயன்படுத்தலாம். நன்றாக இருக்கும்.
முருங்கை கீரை ஸ்வீட்கார்ன் புலாவ்
என்னென்ன தேவை?
அரிசி - ஒரு கப்
வெங்காயம் - 2
ஸ்வீட்கார்ன் - ஒரு கப்
முருங்கை கீரை - ஒரு கப்
தேங்காய் பால் - ஒரு கப்
பச்சை மிளகாய் - 2
உப்பு - தேவையான அளவு
சீரகம் - ஒரு ஸ்பூன்
கொத்தமல்லி - கருவேப்பிலை - ஒரு கைப்பிடி அளவு
எண்ணெய் - தேவையான அளவு
இஞ்சி - பூண்டு விழுது - ஒரு ஸ்பூன்
பிரியாணி இலை, பட்டை, கிராம்பு - 1
செய்முறை
குக்கரில் எண்ணெய் ஊற்றி காய்ந்ததும் பிரியாணி இலை, பட்டை, கிராம்பு எல்லாம் சேர்த்து அதோடு சீரகம், பச்சை மிளகாய் சேர்க்கவும். நறுக்கிய வெங்காயத்தை சேர்க்கவும். பொன்னிறமாக வெங்காயம் மாறியதும் அதில் இஞ்சி, பூண்டு விழுது சேர்த்து நன்றாக வதக்கவும். உப்பு சேர்க்கவும். இதோடு, ஸ்வீட்கார்ன், ஆய்ந்த முருங்கைக் கீரை சேர்ர்த்து நன்றாக வதக்கவும். தேவையெனில் மிளகாய் பொடி சேர்க்கலாம். பின், அரிசி, தேங்காய் பால், அரிசிக்கு தேவையான தண்ணீர் சேர்த்து 3 விசில் விடவும். ஸ்வீட்கார்ன் முருங்கை கீரை புலாவ் ரெடி. இதை செய்ய இன்னொரு முறையும் இருக்கிறது. தேங்காய் பால் சேர்க்காமல் செய்யலாம். வேக வைத்த சாதத்தோடு, தேவையான பொருட்களை வதக்கி அதோடு கலந்து விடலாம்.
ஸ்வீட்கார்னை வேகவைத்து சாலட் செய்து சாப்பிடலாம். தோசை, பாஸ்தா உள்ளிட்டவைக்கும் கார்ன் சேர்த்து சாப்பிடலாம்.
தலைப்பு செய்திகள்
ட்ரெண்டிங் செய்திகள்
