TN MRB Recruitment 2023: லேப் டெக்னிசீயனா நீங்கள்? மாசம் ரூ.60 ஆயிரம் ஊதியம் - விண்ணப்பிப்பது எப்படி?

TN MRB Recruitment 2023: மருத்துவ பணியாளர் தேர்வு வாரியத்தின் வேலைவாய்ப்பு அறிவிப்பு குறித்த விவரத்தினை இங்கே காணலாம்.

தமிழ்நாடு அரசுப் பணி,

தமிழ்நாடு மருத்துவ வாரியத்தில் ஆய்வக உதவியாளர் பணியிடங்களை நிரப்புவதற்கான அறிவிப்பினை  மருத்துவ பணியாளர் தேர்வு வாரியம் ( Tamil Nadu Medical Service Recruitment Board - MRB) அறிவிப்பு வெளியிடப்பட்டுள்ளது.

தமிழ்நாடு மருத்துவ சார்நிலைப் பணிகளில் அடங்கிய பணியிடங்கள் தற்காலிக அடிப்படையில் நிரப்பட உள்ளன. தகுதியுள்ளவர்கள் இம்மாதம் 21-ம் தேதிக்குள் விண்ணப்பிக்க வேண்டும் என்று கேட்டுக்கொள்ளப்பட்டுள்ளது.

பணி விவரம்:
 
ஆய்வக உதவியாளர் (LABORATORY TECHNICIAN GRADE - III)

மொத்த பணியிடங்கள் - 18

கல்வித் தகுதி :

இதற்கு விண்ணப்பிக்க அரசு மருத்துவக் கல்லூரி அல்லது மருத்துவக் கல்லூரி இயக்குநரகம் அங்கீகாரம் பெற்ற கல்வி நிறுவனங்களில் ஓராண்டுகால Medical Laboratory Technology படிப்புகளில்  தேர்ச்சி பெற்றிருக்க வேண்டும். 10+2 என்ற வகையில் பள்ளிக் கல்வி பயின்றிருக்க வேண்டும். 

ஊதிய விவரம்: 

இந்தப் பணியிடத்திற்கு  ரூ. 19,500 முதல் ரூ. 62,000 வரை மாத ஊதியமாக வழங்கப்படும்.  (Pay Matrix Level-1)

பணிக்கு தேர்ந்தெடுக்கப்பட்டவுடன் முதல் இரண்டு ஆண்டுகளுக்கு ஆரம்ப கால ஊதியமாக ரூ.13,000 வழங்கப்படும், இரண்டு ஆண்டுக்கும் 5 சதவீத ஊதிய உயர்வு அளிக்கப்படும்.

இரண்டு ஆண்டு பணிக்கு பிறகு ரூ.19,500 மாத ஊதியமாக வழங்கப்படும்.

வயது வரம்பு விவரம் :

இந்த பணியிடங்களுக்கு 01/07/2023  18 வயது பூர்த்தியடைந்தவராக இருக்கலாம். வயது வரம்பில் அளிக்கப்பட்டுள்ள தளர்வுகளின் விவரத்தை அதிகாரப்பூர்வ அறிவிப்பில் காணலாம். 

தேர்வு செய்யப்படும் முறை :

 இந்த பணியிடங்களுக்கு பத்தாம் வகுப்பு, 12 - ஆம் வகுப்பு மற்றும் சான்றிதழ் படிப்புகளில் பெற்ற மதிப்பெண்களின் அடிப்படையில் தகுதியானவர்கள் தேர்ந்தெடுக்கப்படுவார்கள். இதில் பத்தாம் வகுப்பு மதிப்பெண்கள் 20%- க்கும், 12 -ஆம் வகுப்பு மதிப்பெண்கள் 30%- க்கும், சான்றிதழ் படிப்பு மதிப்பெண்கள் 50%- க்கும் கணக்கிடப்படும். இதற்கு எழுத்து தேர்வு மற்றும் நேர்முகத் தேர்வு கிடையாது.

விண்ணப்பிக்கும் முறை :

இதற்கு விண்ணப்பிக்க https://mrbonline.in/ - என்ற இணையதள முகவரி மூலம் ஆன்லைனில் விண்ணப்பிக்க வேண்டும்.

விண்ணப்பக் கட்டணம் :

பொதுப் பிரிவினருக்கு ரூ. 600, பட்டியலின/ பழங்குடியின பிரிவினருக்கு ரூ. 300 விண்ணப்ப கட்டணமாக நிர்ணயிக்கப்பட்டுள்ளது.

விண்ணப்பிக்க கடைசி தேதி : 21.08.2023

இந்த அறிவிப்பு தொடர்பாக மேலும் விவரங்கள் அறிய https://www.mrb.tn.gov.in/pdf/2023/LT_III_ST_Special_Drive_Detailed_Notification_01082023.pdf- என்ற இணைப்பை க்ளிக் செய்து காணவும். 

*****

கெளரவ விரிவுரையாளர் பணி

பாரதிதாசன் பல்கலைக்கழகத்தில் வரலாறு துறையில் உள்ள வேலைவாய்ப்பிற்கு நாளை (04.08.2023) நேர்காணல் நடைபெறுகிறது.  

பணி விவரம்:

கெளரவ விரிவுரையாளர்  (Guest Lecturer(Temporary and Hourly basis))

கல்வித் தகுதி மற்றும் பிற தகுதிகள்:

இதற்கு விண்ணப்பிக்க வரலாறு துறையில் எம்.எஸ்.சி, தேர்ச்சி பெற்றிருக்க வேண்டும். இரண்டு ஆண்டுகாலம் ஆராய்ச்சி செய்வதில் பணி அனுபவம் இருக்க வேண்டும். ஆய்வுக் கட்டுரைகள் எழுதியிருக்க வேண்டும். முனைவர் பட்டம் பெற்றிருக்க வேண்டும்.

NET/SLET/SET தகுதித் தேர்வில் தேர்ச்சி பெற்றிருக்க வேண்டும்.

Integrated மற்றும் முதுகலை வரலாறு துறை இரண்டாம் ஆண்டு மாணவர்களுக்கு வகுப்பு எடுக்க வேண்டும்.

பணி இடம்:

திருச்சிராப்பள்ளி

வயது வரம்பு:

இதற்கு விண்ணப்பிக்க 32 வயதுக்கு மிகாமல் இருக்க வேண்டும்.

ஊக்கத்தொகை:

இதற்கு மாதம் ஊக்கத்தொகையாக ரூ.16,000 வழங்கப்படும் என்று தெரிவிக்கப்பட்டுள்ளது. மேலும், ஒரு மணி நேரத்திற்கு ரூ.400 வழங்கப்படும்.

விண்ணப்பிப்பது எப்படி?

இதற்கு விண்ணப்பிக்க தேவையான சான்றிதழ் நகல்களுடன், பட்டப்படிப்பின் சான்றிதழ் நகல் உள்ளிட்டவற்றுடன் நேர்காணலில் பங்கேற்க வேண்டும்.

நேர்காணல் நடைபெறும் முகவரி 

Department of History,

Bharathidasan University,

Tiruchirappalli-620024

நேர்காணல் நடைபெறும் நாள் - 04.08.2023 காலை 10.30 

https://drive.google.com/file/d/1ptKgz5MSw3kCzFhBg-qzHYvDX5KH2W49/view - என்ற இணைப்பை க்ளிக் செய்து அறிவிப்பின் விவரத்தை காணலாம்.

கூடுதல் விவரங்களுக்கு https://www.bdu.ac.in/ - என்ற அதிகாரப்பூர்வ இணையதளத்தில் காணலாம்.

---