Post Office Recruitment: 10வது பாஸா நீங்க? தேர்வு கிடையாது... போஸ்ட் ஆபிஸில் வேலை- உடனே அப்ளை செய்ங்க!
India Post GDS Recruitment 2026: அஞ்சல் துறையில் கிராமின் டக் சேவக் பணியிடங்களை நிரப்புவதற்கான விண்ணப்பப் பதிவு இன்று (பிப்.2) தொடங்கியுள்ளது.
நாடு முழுவதும் உள்ள அஞ்சல் வட்டங்களில் காலியாக உள்ள கிராமின் டக் சேவக் (GDS) பணியிடங்களை நிரப்புவதற்கான விண்ணப்பப் பதிவு இன்று (பிப்.2) தொடங்கியுள்ளது. இதன்படி, 28,740 காலியிடங்கள் நிரப்பப்பட உள்ளன.
இந்தப் பணிகளுக்கு விண்ணப்பிக்க விரும்புவோர் ஆன்லைன் மூலம் இன்று முதல் பிப்ரவரி 16ஆம் தேதி வரை விண்ணப்பித்து, விண்ணப்பக் கட்டணத்தைச் செலுத்தலாம். பிப்ரவரி 18 முதல் 19ஆம் தேதி வரை திருத்தம் மேற்கொள்ள அவகாசம் அளிக்கப்பட்டுள்ளது. இதற்கான தரவரிசைப் பட்டியல் (Merit List) பிப்ரவரி 28, 2026 அன்று வெளியிடப்படும் என்று தெரிவிக்கப்பட்டுள்ளது.
என்னென்ன பதவிகள்?
இந்தப் பதவிகளுக்கு கிளை அஞ்சல் அதிகாரி (BRANCH POSTMASTER- BPM), உதவி கிளை அஞ்சல் அதிகாரி (ASSISTANT BRANCH POSTMASTER - ABPM) மற்றும் தபால் விநியோகம் செய்யும் கிராமின் டக் சேவக் (GDS) ஆகிய பதவிகளுக்கு ஆட்கள் தேர்வு செய்யப்பட உள்ளனர்.
ஊதியம் எவ்வளவு?
கிளை அஞ்சல் அதிகாரி – ரூ.12,000/- ரூ.29,380/-
உதவி கிளை அஞ்சல் அதிகாரி/ கிராமின் டக் சேவக் – ரூ.10,000/- ரூ.24,470/-
தேர்வு கிடையாது
இந்த வேலைக்கான முக்கிய அம்சம் தேர்வு கிடையாது என்பதுதான். பொதுவாக அரசு வேலை என்றாலே கடினமான போட்டித் தேர்வுகள் இருக்கும். ஆனால், இந்தப் பணிக்கு எழுத்துத் தேர்வுகள் எதுவும் கிடையாது.
பிற தகுதிகள் என்ன?
கணினி அறிவு
சைக்கிள் ஓட்டத் தெரிந்திருப்பது
யார் விண்ணப்பிக்கலாம்?
விண்ணப்பதாரர்கள் 10-ம் வகுப்பில் பெற்ற மதிப்பெண்கள் அடிப்படையில் மட்டுமே தேர்வு செய்யப்படுவர். மதிப்பெண்களைக் கொண்டு மெரிட் லிஸ்ட் தயார் செய்யப்பட்டு, தகுதியானவர்கள் தேர்ந்தெடுக்கப்படுவார்கள். 18 முதல் 40 வயதுக்கு உட்பட்ட அனைவரும் இதற்கு விண்ணப்பிக்கலாம்.
இதில் எஸ்சி/ எஸ்டி பிரிவினருக்கு 5 ஆண்டுகளும் ஓபிசி பிரிவினருக்கு 3 ஆண்டுகளுக்கும் தளர்வு அளிக்கப்பட்டுள்ளது. அதேபோல மாற்றுத்திறனாளிகளுக்கும் சிறப்பு சலுகைகள் அறிவிக்கப்பட்டுள்ளன.
என்னென்ன ஆவணங்கள் தேவை?
- மதிப்பெண் பட்டியல்
- அடையாளச் சான்று
- சாதிச் சான்றிதழ்
- PwBD சான்றிதழ்
- EWS சான்றிதழ்
- திருநங்கைச் சான்றிதழ்
- பிறந்த தேதிச் சான்று
விண்ணப்பிப்பது எப்படி?
விருப்பமும் தகுதியும் உள்ளவர்கள் indiapostgdsonline.gov.in என்ற அதிகாரப்பூர்வ இணையதளத்திற்குச் சென்று, உங்கள் விவரங்களைப் பதிவு செய்து விண்ணப்பிக்கலாம்.
விண்ணப்பிக்க பிரத்யேகமாக https://indiapost.gov.in/gdsonlineengagement என்ற இணைய முகவரி உருவாக்கப்பட்டு உள்ளது.
அல்லது நேரடியாக https://app.indiapost.gov.in/gdscandidate என்ற இணைப்புக்குச் சென்று முன்பதிவு செய்தும் விண்ணப்பிக்கலாம்.
இதுதொடர்பான விரிவாக அறிவிக்கை https://indiapost.gov.in/gdsonlineengagement/pdf/descriptive-notification.pdf என்ற இணையதளத்தில் கொடுக்கப்பட்டுள்ளது.
கூடுதல் தகவலுக்கு: indiapostgdsonline.gov.in
தலைப்பு செய்திகள்
ட்ரெண்டிங் செய்திகள்
