IOCL Recruitment 2022 : இந்தியன் ஆயில் நிறுவனத்தில் மாதம் இவ்வளவு சம்பளத்தில் வேலை? வாவ்..உடனே அப்ளை பண்ணுங்க...
இந்தியன் ஆயில் நிறுவனத்தில் Senior Medical Officer மற்றும் Additional Chief Medical Officer பணியிடங்களுக்கான விண்ணப்பங்கள் வரவேற்கப்படுகிறது.
இந்தியன் ஆயில் நிறுவனத்தில் Senior Medical Officer மற்றும் Additional Chief Medical Officer பணியிடங்களுக்கான விண்ணப்பங்கள் வரவேற்கப்படுகிறது.
ஐ.சி.ஓ.எல் எனப்படும் Indian Oil Corporation Limited நிறுவனம் கடந்த மே 17 ஆம் தேதி senior Medical Officer மற்றும் Additional Chief Medical Officer காலி பணியிடங்களுக்கான அறிவிப்பை வெளியிட்டுள்ளது. மொத்தம் இரண்டுக்கும் சேர்த்து 43 பணியிடங்களுக்கு எம்.டி., எம்.எஸ்., படித்து முடித்தவர்கள் விண்ணப்பிக்கலாம் என தெரிவிக்கப்பட்டுள்ளது.
அதாவது Senior Medical Officer பணிக்கு 4 ஆண்டுகள் அனுபவத்தோடு தகுதியுடைய நபர்களும், Additional Chief Medical Officer பணிக்கு 14 ஆண்டுகள் அனுபவம் உள்ள நபர்களும் விண்ணப்பிக்கலாம். நேர்காணல் முறையில் தேர்வு செய்யப்படுபவர்கள் என்னென்ன பணிகள் மேற்கொள்ள வேண்டும் என வழிகாட்டு நெறிமுறைகளும் வெளியிடப்பட்டுள்ளது.
Senior Medical Officer பணிக்கு அதிகப்பட்சமாக 35 வயது உள்ளவர்களும், Additional Chief Medical Officer பணிக்கு 50 வயதுக்குட்பட்டவர்களும் விண்ணப்பிக்கலாம் என்றும், ஓபிசி, எஸ்சி/எஸ்டி, ஜம்மு காஷ்மீரில் வசிப்பவர்கள், மாற்றுத்திறனாளிகளுக்கு அந்தந்த பிரிவுகளுக்கேற்ப 3 முதல் 10 ஆண்டுகள் வரை வயது வரம்பில் தளர்வுகள் உண்டு என தெரிவிக்கப்பட்டுள்ளது.
நேர்காணலில் ஆங்கிலம் மற்றும் இந்தி பேச தெரிந்தவர்கள் மட்டுமே தேர்வு செய்யப்படுவார்கள். இதில் குறைந்தவர்கள் 50% மதிப்பெண்கள் பெற்றால் போதும். அவர்கள் பணி அனுபவத்தின் அடிப்படையில் முன்னுரிமை பெறுவார்கள். ஊதியமாக Senior Medical Officer பணிக்கு ரூ.60 ஆயிரம் முதல் ரூ.1.80 லட்சம் வரையிலும், Additional Chief Medical Officer பணிக்கு ரூ.90 ஆயிரம் முதல் ரூ.2.40 லட்சம் வரையிலும் வழங்கப்படுகிறது. நேர்காணல் ஜூலை மாதம் கடைசி வாரத்தில் நடைபெறும் என தெரிவிக்கப்பட்டுள்ளது.
இதற்கான விண்ணப்ப கட்டணம் செலுத்த கொடுக்கப்பட்ட கால அவகாசம் ஏற்கனவே முடிந்துவிட்ட நிலையில், கட்டணம் செலுத்தியவர்கள் விண்ணப்ப படிவத்தை அனுப்ப நாளை கடைசி நாளாகும்.
விண்ணப்பிப்பது எப்படி?
- இந்தியன் ஆயில் நிறுவனத்தின் அதிகாரப்பூர்வ இணையதளப் பக்கமான https://iocl.com/ செல்லவும்.
- அதில் careers பகுதியை கிளிக் செய்து Recruitment of Medical Officers in Refineries Division-2022 என்ற பிரிவுக்கு செல்லவும்.
- அங்கு senior Medical Officer மற்றும் Additional Chief Medical Officer பணியிடங்களுக்கு தனித் தனியாக படிவம் கொடுக்கப்பட்டுள்ளது.
அதனை பதிவிறக்கம் செய்து ஸ்டேட் பேங்க் வங்கியில் ரூ.300 விண்ணப்பக்கட்டணம் செலுத்திய செல்லான் மற்றும் தேவையான ஆவணங்களுடன் விண்ணப்ப படிவத்தை நிரப்பி ஜூன் 16 ஆம் தேதிக்குள் The Advertiser, Post Box No.3096, Head Post Office, Lodhi Road, New Delhi 110003 என்ற முகவரிக்கு பதிவு தபாலில் அனுப்பி வைக்க வேண்டும் என தெரிவிக்கப்பட்டுள்ளது. மேலும் விபரங்களுக்கு https://iocl.com/admin/img/UploadedFiles/LatestJobOpening/Files/ec3006d590944c249a2af17d4d84c616.pdf, https://iocl.com/admin/img/UploadedFiles/LatestJobOpening/Files/30ec6cd79144434585587e125b5bc0db.pdf என்ற இணையதள பக்கங்களை பார்வையிடவும்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
