Job News: மருத்துவர்களுக்கு அடித்த ஜாக்பாட்..! ரூ.1 லட்சம் ஊதியம் - தகுதி, வயது வரம்பு - சலுகை விவரங்கள்
Medical Job Indian Army: இந்திய ராணுவத்தில் நிரப்பப்பட உள்ள 100 மருத்துவ அதிகாரிகள் பணியிடங்களுக்கு, மார்ச் 4ம் தேதி வரை விண்ணப்பிக்கலாம் என அறிவிக்கப்பட்டுள்ளது.
Medical Job Indian Army: இந்திய ராணுவத்தில் நிரப்பப்பட உள்ள 100 மருத்துவ அதிகாரிகள் பணியிடங்களுக்கு, 75 ஆண்கள் மற்றும் 25 பெண்கள் தேர்வு செய்யப்பட உள்ளனர்.
இந்திய ராணுவத்தில் மருத்துவர் வேலை..
நாட்டிற்காக சேவை செய்ய விரும்பும் மருத்துவர்களுக்கு ஒரு அரிய வாய்ப்பு உருவாகியுள்ளது. ஆயுதப்படை மருத்துவ சேவைகளின் கீழ் மருத்துவ அதிகாரிகளுக்கான ஆட்சேர்ப்பு நடவடிக்கையை இந்திய ராணுவம் அறிவித்துள்ளது. குறுகிய சேவை ஆணையம் (SSC) மூலம் தகுதியான நபர்களுக்கு வேலை வாய்ப்பு வழங்கப்பட உள்ளது. MBBS பட்டம் பெற்ற தகுதியான ஆண் மற்றும் பெண்கள் தேர்வு செய்யப்பட்டு, 100 மருத்துவ அதிகாரிகளின் பணியிடங்கள் நிரப்பப்பட உள்ளன. இந்த பணியிடங்களுக்காக ஆன்லைன் விண்ணப்பிக்கும் முறையானது, பிப்ரவரி 21 அன்று தொடங்கிய நிலையில் மார்ச் 4ம் தேதி வரை வாய்ப்பு உள்ளது.
விண்ணப்பதாரர்கள் கவனத்திற்கு..
விருப்பமுள்ள நபர்கள் அதிகாரப்பூர்வ இணையதள முகவரியான join.afms.gov.in மூலம் விண்ணப்பங்களை சமர்பிக்கலாம். பட்டியலிடப்படும் நபர்களுக்கு நேர்காணல்கள் மார்ச் 2026 இல் நடத்தப்பட உள்ளது. விண்ணப்பதாரர்கள் ஆன்லைனில் மட்டுமே விண்ணப்பிக்க வேண்டும். ஆஃப்லைன் விண்ணப்பங்கள் ஏற்றுக்கொள்ளப்படாது. கடைசி நேர தொழில்நுட்ப சிக்கல்களைத் தவிர்க்க, வேட்பாளர்கள் முன்கூட்டியே ஆட்சேர்ப்புக்கு விண்ணப்பிக்க அறிவுறுத்தப்பட்டுள்ளனர்.
விண்ணப்பக் கட்டண விவரங்கள்
பொது, ஓபிசி, பொருளாதார ரீதியாக நலிவடைந்தவர்கள், எஸ்சி, எஸ்டி, பெண்கள், பிஹெச், மற்றும் பிடபிள்யூடி என அனைத்துப் பிரிவுகளுக்கும் விண்ணப்பக் கட்டணம் ரூ.200. கட்டணத்தை ஆன்லைன் செயல்முறை மூலம் மட்டுமே செலுத்த வேண்டும்.
காலியிட விவரங்கள்
மருத்துவ அதிகாரி பிரிவில் மொத்தம் 100 காலியிடங்கள் உள்ளதாக அறிவிக்கப்பட்டுள்ளது. பாலின சமத்துவத்தை உறுதி செய்வதற்காக, 75 ஆண் மற்றும் 25 பெண்கள் தேர்ந்தெடுக்கப்பட உள்ளனர்.
தகுதி வரம்புகள்
எம்பிபிஎஸ் பட்டம் பெற்ற, நீட் முதுகலை தேர்வையும் எழுதிய நபர்கள் விண்ணப்பிக்க தகுதியுடையவர்கள். தேவையான கல்வித் தகுதிகளைக் கொண்ட விண்ணப்பதாரர்கள் மட்டுமே அடுத்த கட்ட நடைமுறைக்கு பரிசீலிக்கப்படுவார்கள்.
வயது வரம்பு மற்றும் தேர்வு செயல்முறை
பணியிடங்களுக்கான வயது வரம்பு டிசம்பர் 31, 2026 நிலவரப்படி 18 வயது முதல் 30 வயது வரை ஆகும். அரசு விதிகள் மற்றும் விதிமுறைகளின்படி வயது தளர்வு வழங்கப்படும். விண்ணப்பங்களின் குறுகிய பட்டியல் மற்றும் பின்னர் நேர்காணலின் அடிப்படையில் தேர்வு நடைமுறை இருக்கும். நேர்காணலுக்குத் தகுதி பெறும் விண்ணப்பதாரர்கள் தங்கள் ஆவணங்களைச் சரிபார்த்து, இறுதியாகத் தேர்ந்தெடுக்கப்படுவதற்கு மருத்துவப் பரிசோதனைக்கு உட்படுத்தப்படுவார்கள்.
ஊதிய விவரம்:
அடிப்படை ஊதியமாக சுமார் 61 ஆயிரத்து 300 ரூபாய் வழங்கப்படக்கூடும். இதுபோக ராணுவ சேவை, பயிற்சியாளர்கள் அல்லாதோருக்கான கொடுப்பனவு,வாடகை மற்றும் பயண கட்டுப்படி என அனைத்தும் சேர்த்து, மாதத்திற்கு சுமார் 95 ஆயிரம் தொடங்கி ஒரு லட்சம் ரூபாய் வரையிலும் ஊதியமாக வழங்கப்படலாம். இது போக பணியாளருக்கும் அவர் சார்ந்த குடும்பத்திற்கு இலவச மருத்துவ சேவைகள், கேண்டீன் உணவு வசதிகளும் ஏற்படுத்தி கொடுக்கப்படும்,
தலைப்பு செய்திகள்
ட்ரெண்டிங் செய்திகள்
