Deadly virus Missing: ரைட்ரா..! உயிருக்கே ஆபத்து, மிகவும் மோசமான வைரஸ் மாதிரிகள் மாயம், மீண்டும் தொற்றுநோயா?

Deadly virus Missing: மிகவும் அபாயகரமான வைரஸ் மாதிரிகள் காணாமல் போனதாக வெளியாயுள்ள தகவல் பொதுமக்களிடையே அதிர்ச்சியை ஏற்படுத்தியுள்ளது.

வைரஸ் மாதிரிகள் மாயம்

Source : ABP Live Ai

Deadly virus Missing: ஹெண்ட்ரா மற்றும் ஹண்டா போன்ற வைரஸ் மாதிரிகள் மாயமானதாக தெரிவிக்கப்பட்டுள்ளது.

அபாயகரமான வைரஸ் மாதிரிகள் மாயம்:

ஆஸ்திரேலியாவில் உள்ள ஒரு ஆய்வகத்தில் இருந்து நூற்றுக்கணக்கான கொடிய வைரஸ் மாதிரிகள் காணவில்லை என்று, அந்நாட்டின் குயின்ஸ்லாந்து மாகாண அரசு அறிவித்துள்ளது.  ஆன்லைன் ஊடக அறிக்கையின்படி, "உயிர் பாதுகாப்பு நெறிமுறைகளின் முக்கிய வரலாற்று மீறல்" சம்பவம் தொடர்பாக விசாரணையைத் தொடங்க குயின்ஸ்லாந்து சுகாதாரம்- ஆஸ்திரேலியாவின் பொது சுகாதாரத் துறைக்கு அரசாங்கம் அறிவுறுத்தியுள்ளது. ஆகஸ்ட் 2023 இல் குயின்ஸ்லாந்தின் பொது சுகாதார வைராலஜி ஆய்வகத்தில் இருந்து ஹென்ட்ரா வைரஸ், லைசாவைரஸ் மற்றும் ஹன்டாவைரஸ் உட்பட பல தொற்று வைரஸ்களின் 323 குப்பிகள் காணாமல் போயுள்ளதாக தெரிவிக்கப்பட்டுள்ளது.

🚨 SHOCKING & CONCERNING NEWS

Hundreds of 'DEADLY virus' samples are missing from a lab in Australia 😡

323 samples of live viruses including Hendra virus, Lyssavirus and Hantavirus went missing in a serious breach of biosecurity protocols. pic.twitter.com/xw0t9U5E0P

— Megh Updates 🚨™ (@MeghUpdates) December 11, 2024

வைரஸ்களால் ஏற்படக்கூடிய பாதிப்புகள்:

ஹெண்ட்ரா என்பது ஒரு ஜூனோடிக் (விலங்கு-மனிதன்) வைரஸ் ஆகும். இது ஆஸ்திரேலியாவில் மட்டுமே காணப்படுகிறது. நோய் கட்டுப்பாடு மற்றும் தடுப்பு மையங்களின்படி, ஹன்டாவைரஸ் என்பது கடுமையான நோய் மற்றும் மரணத்திற்கு வழிவகுக்கும் வைரஸ்களின் குடும்பமாகும் . அதே சமயம் லிசாவைரஸ் என்பது வெறிநாய்க்கடியை உண்டாக்கும் வைரஸ்களின் தொகுப்பாகும்.

மாதிரிகள் காணாமல் போன ஆய்வகம், "வைரஸ்கள் மற்றும் மருத்துவ முக்கியத்துவம் வாய்ந்த கொசு மற்றும் டிக் மூலம் பரவும் நோய்க்கிருமிகளுக்கான நோயறிதல் சேவைகள், கண்காணிப்பு மற்றும் ஆராய்ச்சிகளை வழங்குகிறது " என்று தெரிவிக்கப்பட்டுள்ளது. தொற்று மாதிரிகள் திருடப்பட்டதா அல்லது அழிக்கப்பட்டதா என்பது தெரியவில்லை, மேலும் "சமூகத்திற்கு ஆபத்துக்கான எந்த ஆதாரமும் இல்லை" என்று அறிக்கையில் தெரிவிக்கப்பட்டுள்ளது. இதுதொடர்பாக அரசாங்கத்தின் சார்பில் விசாரணையும் முடுக்கிவிடப்பட்டுள்ளது.

உயிரிழப்பு அபாயம்?

மூன்று நோய்க்கிருமிகளும் மனிதர்களில் மிக அதிக இறப்பு விகிதங்களைக் கொண்டிருக்கலாம் என மருத்துவ வல்லுநர்கள் எச்சரிக்கின்றனர். ஆனால் அவை நபரிடமிருந்து நபருக்கு உடனடியாக பரவுவதில்லை. சில ஹான்டவைரஸ்கள் 15% வரை இறப்பு விகிதங்களைக் கொண்டிருக்கின்றன, அல்லது COVID-19 ஐ விட 100 மடங்கு அதிகமாக ஆபத்தானவை.  மற்றவை தீவிரத்தன்மையின் அடிப்படையில் COVID-19 ஐப் போலவே இருக்கின்றன. மூன்று நோய்க்கிருமிகளாலும் விலங்குகள் மற்றும் கால்நடைகளுக்கு அதிக ஆபத்து உள்ளது