Valimai Update: ’அக்டோபரில் திரையரங்குகளைத் தெறிக்கவிட வரும் வலிமை!’

இயக்குநர் ராஜமௌலியின் திரைப்படம் தீபாவளிக்குத் திரையரங்குகளுக்கு வரவிருப்பதை அடுத்து போனிகபூர் இதனை முடிவுசெய்துள்ளதாக வட்டாரங்கள் தகவல்

வலிமை

அக்டோபரில் ரிலீசாகிறதா வலிமை! - வட்டாரங்கள் சொல்வது என்ன? 

போனி கபூர் தயாரித்து ஹெச்.வினோத் இயக்கி நடிகர் அஜீத் நடிப்பில் உருவாகிவரும் ‘வலிமை’ அக்டோபர் மாதத்தில் வெளியாகும் என தயாரிப்பு வட்டாரங்கள் மூலம் தெரியவந்துள்ளது. முன்னதாக திரைப்படம் தீபாவளிக்குத் திரையரங்குகளைத் தெறிக்கவிடும் என அஜீத் ரசிகர்கள் எதிர்பார்த்து வந்த நிலையில் தற்போது முன்னதாகவே ரிலீஸ் இருக்கும் என எதிர்பார்க்கப்படுகிறது. இதற்கிடையே படத்தின் டீசர் சுதந்திர தினத்தன்று வெளியாகும் எனக் கூறப்படுகிறது. 

மற்றொருபக்கம் இயக்குநர் ராஜமௌலியின் பிரம்மாண்ட படைப்பான RRR இந்தியா முழுவதும் தீபாவளி அன்று ரிலீஸாகும் நிலையில் திரையரங்குகளில் 100 சதவிகிதம் மக்கள் கூட்டம் இருக்கும் என எதிர்பார்க்கப்படுகிறது. மற்றொரு பக்கம் தமிழ்நாட்டில் அதே தேதியில் ரஜினி நடிப்பில் அண்ணாத்த திரைப்படமும் திரையரங்குகளை எட்டவிருக்கிறது. இது இரண்டையும் கணித்தே போனி கபூர் அக்டோபர் 13 அன்று வலிமை திரைப்படத்தை வெளியிடத் திட்டமிட்டுள்ளதாக வட்டாரங்கள் கூறுகின்றன.  அஜீத்துக்கான தமிழ்நாடு, கேரளா, கர்நாடகா மற்றும் தெலங்கானா மார்க்கெட்டை நோக்கமாகக் கொண்டே இதனை போனிகபூர் திட்டமிட்டுருப்பதாகக் கூறப்படுகிறது.

1️⃣ TRENDING
1️⃣ MILLION LIKES
9️⃣ MILLION REAL-TIME VIEWS#NaangaVeraMaari from #Valimai 🥁💥➡️ https://t.co/YaQX17TuAY#30YearsOfAjithKumar#AjithKumar #HVinoth @thisisysr @BayViewProjOffl @ZeeStudios_ @sureshchandraa @VigneshShivN @anuragkulkarni_ @SonyMusicSouth pic.twitter.com/1D4bafK9Wr

— Boney Kapoor (@BoneyKapoor) August 3, 2021

முன்னதாக, அஜித்தின் நடிப்பில்  ‘வலிமை’ படத்தில் இடம்பெற்றுள்ள ‘நாங்க வேற மாறி’ லிரிக் வீடியோ பாடலை 90 லட்சம் பார்வையார்கள் கண்டு ரசித்து வருகின்றனர். 

நடிகர் அஜித்தின் ‘வலிமை’ படத்தின் மோஷன் போஸ்டர் சமீபத்தில் வெளியானது. இதன்மூலம், இரண்டு ஆண்டு காத்திருப்புக்கு பின் அஜித் ரசிகர்களின் எதிர்பார்ப்பு பூர்த்தி செய்யப்பட்டது. இப்போது, வலிமை படத்தின் ஃபர்ஸ்ட் சிங்கிள் இன்று இரவு வெளியாக இருப்பதாக தகவல் வெளியானது.

இந்த நிலையில்,  ‘வலிமை’ படத்தின் முதல் பாடல்  ‘நாங்க வேற மாறி’ பாடலின் லிரிக் வீடியோ கடந்த 2ஆம் இரவு 10.45 மணியாக உள்ளதாக படக்குழு அறிவித்திருந்தது. அத்துடன் அஜித் கை கட்டி நிற்பது போன்ற ஸ்டில் ஒன்றையும் வெளியிட்டது. இதனைத் தொடர்ந்து, இந்தப் பாடலின் லிரிக் வீடியோவின் யூடியூப் லிங்கை சோனி மியூசிக் வெளியிட்டது. அஜித்தின் பிஆர்ஓ சுரேஷ் சந்திராவும் தனது டுவிட்டர் பக்கத்தில் இதுகுறித்த அறிவிப்பை வெளியிட்டிருந்தார்.

இதனைத்தொடர்ந்து, சொன்ன நேரத்தில் ‘நாங்க வேற மாறி’  பாடல் வெளியானது. இயக்குநர் விக்னேஷ் சிவன் எழுதியிருந்த இந்தப் பாடலை யுவன்ஷங்கர் ராஜா மற்றும் அனுராக் குல்கர்னி ஆகியோர் சேர்ந்து பாடியுள்ளார்கள். நீண்ட நாட்களுக்கு பிறகு அஜித் தத்துவப் பாடல் இடம்பெற்றுள்ளது.

இந்த நிலையில், ‘நாங்க வேற மாறி’ லிரிக் வீடியோ பாடலை 90 லட்சம் பார்வையார்கள் கண்டு ரசித்துள்ளனர். யூடியூப் டிரெண்டில் நம்பர் ஓன் இடத்தைப் பிடித்துள்ளது. அத்துடன் 1 மில்லியன் லைக்ஸ்களையும் பெற்று சாதனை படைத்துள்ளது.