Irugapatru OTT Release: ஓடிடியில் சூப்பர் ஃபீல் குட் படம் பார்க்கலாம்.. ‘இறுகப்பற்று’ ரிலீஸ் தேதி அறிவிப்பு!

திருமண வாழ்க்கையில் தம்பதிகளிடையே நிகழ்வும் உறவுச் சிக்கல்களை பேசும் இறுகப்பற்று படம் ரசிகர்களிடையே வரவேற்பை பெற்றது.

இறுகப்பற்று படம்

விக்ரம் பிரபு மற்றும் ஷ்ரத்தா ஸ்ரீநாத் நடித்த ‘இறுகப்பற்று’ படம் நெட்ஃபிளிக்ஸ் ஓடிடி தளத்தில் வெளியாகும் என அதிகாரப்பூர்வமாக அறிவிக்கப்பட்டுள்ளது.

வடிவேலு நடித்த தெனாலிராமன், எலி உள்ளிட்ட படங்களை இயக்கியவர் யுவராஜ் தயாளன். இவர் தனது அடுத்த படமாக விக்ரம் பிரபு மற்றும் விதார்த் இணைந்து நடித்த இறுகப்பற்று படத்தை இயக்கியுள்ளார். பொடன்ஷியல் ஸ்டுடியோஸ் தயாரித்துள்ள இறுகப்பற்று படத்துக்கு ஜஸ்டின் பிரபாகர் இசையமைத்துள்ளார். படத்தில் விக்ரம் பிரபு, ஷ்ரத்தா ஸ்ரீநாத், விதார்த், அபர்ணதி, ஸ்ரீ, சானியா ஐயப்பன், மனோபாலா உள்ளிட்ட பலர் நடித்துள்ளனர். 

திருமண வாழ்க்கையில் தம்பதிகளிடையே நிகழ்வும் உறவு சிக்கல்களை பேசும் படமாக எடுக்கப்பட்டுள்ள இறுகப்பற்று கடந்த 6ம் தேதி திரைக்கு வந்தது. உறவுகளின் முக்கியத்துவத்தை கூறுவதால் இறுகப்பற்று படம் ரசிகர்களிடையே பெரும் வரவேற்பை பெற்றது.படம் ரிலீசாக ஒரு மாதமாக உள்ள நிலையில் நவம்பர் 6ம் தேதி இறுகப்பற்று படம் ஓடிடியில் ரிலீசாக உள்ளதாக அறிவிக்கப்பட்டுள்ளது. 

Ready to fall back in love? Irugapatru, streaming from 6th November on Netflix. #IrugapatruOnNetflix pic.twitter.com/8IdSLduw8m

— Netflix India South (@Netflix_INSouth) October 31, 2023

திரையரங்குகளுக்கு போட்டியாக ஓடிடி தளங்களில் புதிய படங்கள் போட்டிப்போட்டு கொண்டு ரிலீசாகி வருகின்றன. அந்த வகையில் நெட்பிளிக்ஸ் ஓடிடி தளத்தில், இறுகப்பற்று படம் வெளியாகும் என படக்குழு அதிகாரப்பூர்வமாக அறிவித்துள்ளது. திரையில் இறுகப்பற்று படத்தை பார்க்க முடியாதவர்கள் நெட்பிளிக்ஸ் தளத்தில் இறுகப்பற்று படத்தை பார்க்கலாம். 

மேலும் படிக்க: Leo Part 2 : ”ரசிகர்களின் கேள்விகளுக்கு இரண்டாம் பாகத்தில் பதில் கொடுப்பேன்” லியோ 2 குறித்து லோகேஷ் கனகராஜ்