Vijay TV Pugazh: குட்டி மகாராணிக்கு அப்பாவான குக்கு வித் கோமாளி புகழ்... வாழ்த்தும் ரசிகர்கள்!

“இரு முறை தாய் வாசம் தெரிய வேண்டுமெனில் பெண் பிள்ளையை பெற்று எடுக்க வேண்டும் என்பார்கள். என் தாரத்தின் மூலமாக எனக்கு கிடைத்த மற்றொரு தாய் என் மகள்...” - புகழ்

குக் வித் கோமாளி புகழ்

Vijay TV Pugazh: தனக்கு மகள் பிறந்து இருப்பதாகவும், தாயும் சேயும் நலமாக இருப்பதாகவும் குக் வித் கோமாளி புகழ் அறிவித்துள்ளார். 

விஜய் தொலைக்காட்சியில் ஒளிபரப்பான குக்கு வித் கோமாளி நிகழ்ச்சி மூலம் பிரபலமானவர் புகழ். இவருக்கு தொலைக்காட்சி நிகழ்ச்சிகளில் நல்ல வரவேற்பு கிடைத்ததால், திரைப்படங்களில் நடிக்கும் வாய்ப்பு வந்தது. அஜித்தின் வலிமை, சூர்யாவின் எதற்கும் துணிந்தவன், அண்மையில் கவுதம் கார்த்திக் நடிப்பில் வெளிவந்த 1947 ஆகஸ்ட் 15 உள்ளிட்ட படங்களில் முக்கிய கேரக்டர்களில் புகழ் நடித்திருந்தார். 

துணை நடிகராக நடித்து வந்த புகழ் மிஸ்டர் ஜூ கீப்பர், துடிக்கிறது மீசை உள்ளிட்ட படங்களில் ஹீரோவாக நடித்து வருகிறார். இந்த நிலையில் கடந்த ஆண்டு செப்டம்பர் மாதம் பென்ஸியாவை திருமணம் செய்து கொண்டார். இருவரும் நீண்ட நாட்களாகக் காதலித்து வந்த நிலையில் திண்டிவனம் அருகே இருக்கும் தீவனூரில் எளிய முறையில் திருமணம் நடைபெற்றது. அதில், இயக்குநரும் நடிகருமான சமுத்திரகனி பங்கேற்று மணமக்களை வாழ்த்தினர். 

*செம்மொழியான எம்மொழி தமிழ் போல் தழைத்தோங்கிட வாழ்த்துகிறோம்*
*விஜய் தொலைக்காட்சி புகழ் அன்பு தம்பி @VijaytvpugazhO பென்சியா ஆகியோரின் திருமண நிகழ்வில் நானும் அண்ணன் இயக்குநர் @SasikumarDir அவர்களும் கலந்து கொண்டு மணமக்களை வாழ்த்தி மகிழ்ந்தோம் வாழ்க வளமுடன் என்றும் நலமுடன்* 🙌🙌🙌 pic.twitter.com/fC3VmehKGr

— virumandi (@pkvirumandi1) September 1, 2022

தொடர்ந்து படங்களில் பிசியாக நடித்து வரும் புகழ், கர்ப்பமாக இருக்கும் மனைவியுடன் போட்டோஷூட் நடித்தி தான் அப்பாவாகப் போகிறேன் என அறிவித்திருந்தார். அவருக்கு திரைப்பிரபலங்களும் ரசிகர்களும் வாழ்த்து கூறி வந்தனர்.

இந்த நிலையில் தனக்கு மகள் பிறந்திருப்பதாக இன்ஸ்டகிராம் பதிவு  மூலம் புகழ் அறிவித்துள்ளார். இது தொடர்பாக அவர் வெளியிட்ட பதிவில், “இரு முறை தாய் வாசம் தெரிய வேண்டுமெனில் பெண் பிள்ளையை பெற்று எடுக்க வேண்டும் என்பார்கள். என் தாரத்தின் மூலமாக எனக்கு கிடைத்த மற்றொரு தாய் என் மகள்... மகள் அல்ல, எங்கள் மகாராணி பிறந்திருக்கிறாள்.. என் மகளே.. தாயும் சேயும் நலம்” எனக் கூறியுள்ளார். இதனால் குட்டி தேவதைக்கு அப்பாவாகி இருக்கும் புகழுக்கு வாழ்த்துகள் குவிந்து வருகின்றன. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vijay Tv Pugazh (@vijaytvpugazh)

மேலும் படிக்க: A.R. Rahman: இசையமைப்பாளர் ஏ.ஆர். ரஹ்மான் மீது பண மோசடி புகார் - நடந்தது என்ன?