![ABP Premium](https://cdn.abplive.com/imagebank/Premium-ad-Icon.png)
Viduthalai 2 first look: இது வாத்தியாரின் காதல்...! வெளியானது விடுதலை 2ம் பாகத்தின் ஃபர்ஸ்ட் லுக்!
வெற்றிமாறன் இயக்கத்தில் விஜய் சேதுபதி சூரி நடித்துள்ள விடுதலை 2 படத்தின் ஃபர்ஸ்ட் லுக் வெளியகியுள்ளது
![Viduthalai 2 first look: இது வாத்தியாரின் காதல்...! வெளியானது விடுதலை 2ம் பாகத்தின் ஃபர்ஸ்ட் லுக்! vijay sethupathi soori starrer vetrimaran viduthalai 2 first lookposter outnow Viduthalai 2 first look: இது வாத்தியாரின் காதல்...! வெளியானது விடுதலை 2ம் பாகத்தின் ஃபர்ஸ்ட் லுக்!](https://feeds.abplive.com/onecms/images/uploaded-images/2024/07/17/0525f9684e03fc05473294b0119a73bc1721197431851572_original.jpg?impolicy=abp_cdn&imwidth=1200&height=675)
விடுதலை 2
கடந்த 2023 ஆம் ஆண்டு வெற்றிமாறன் இயக்கத்தில் வெளியான படம் விடுதலை. விஜய் சேதுபதி , சூரி , சேதன் , உள்ளிட்டவர்கள் இப்படத்தில் நடித்துள்ளார்கள். இளையராஜா இப்படத்திற்கு இசையமைத்தார். விடுதலை முதல் பாகத்தின் வெற்றியைத் தொடர்ந்து இப்படத்தின் இரண்டாம் பாகத்தை ரசிகர்கள் மிக ஆர்வமாக எதிர்பார்த்து காத்திருந்தனர். இப்படியான நிலையில் விடுதலை 2 படத்தின் ஃபர்ஸ்ட் லுக் போஸ்டர் தற்போது வெளியாகியுள்ளது
A new chapter begins with #ViduthalaiPart2. Directed by the visionary #VetriMaaran! 🌟 First Look is Out #ValourAndLove #வீரமும்காதலும்
— VijaySethupathi (@VijaySethuOffl) July 17, 2024
An @ilaiyaraaja Musical @VijaySethuOffl @sooriofficial @elredkumar @rsinfotainment @GrassRootFilmCo @ManjuWarrier4 @BhavaniSre… pic.twitter.com/7c8enXKJiQ
விடுதலை உருவான கதை
எழுத்தாளர் ஜெயமோகன் எழுதிய துணைவன் என்கிற கதையைத் தழுவி வெற்றிமாறன் படம் இயக்கவிருப்பதாக அறிவிப்பு வெளியானது. இப்படத்தில் சூரியும் விஜய் சேதுபதியும் நடிக்க இருந்தார்கள். 4.5 கோடியில் இப்படத்தை இயக்கி முடிக்க வெற்றிமாறன் திட்டமிட்டிருந்தார். படப்பிடிப்பு துவங்கிய பின் கதையை விரிவு படுத்துவதற்கான தேவை அதிகரிக்கவே படத்தின் பட்ஜெட் பெரிதானது. 4.5 கோடியில் தொடங்கிய விடுதலை படம் சுமார் 60 கோடிகளை தொட்டது. மேலும் இப்படத்தை இரண்டு பாகங்களாக வெளியிட படக்குழு முடிவு செய்தது. விடுதலை படத்தின் முதல் பாகம் கடந்த ஆண்டு தொடக்கத்தில் வெளியாகி ரசிகர்களிடம் பெரும் வரவேற்பைப் பெற்றது. காமெடியனாக நடித்து வந்த சூரி இப்படத்தின் மூலம் நாயகனாக அறிமுகமானார்.
முதல் பாகத்தில் வெற்றிக்குப் பின் கடந்த ஒரு வருட காலமாக இரண்டாம் பாகத்தின் படப்பிடிப்பு நடைபெற்று வருகிறது. முதல் பாகத்தில் விஜய் சேதுபதியின் பெருமாள் வாத்தியார் கதாபாத்திரத்திற்கு குறைவான காட்சிகளே இருந்த நிலையில் இரண்டாம் பாகத்தில் அவரது காட்சிகள் அதிகம் இடம்பெறும் என்று எதிர்பார்க்கப் படுகிறது. இப்படியான நிலையில் தற்போது வெளியாகியுள்ள ஃபர்ஸ்ட் லுக் போஸ்டரில் விஜய் சேதுபதி மற்றும் மஞ்சு வாரியரின் இளமைப் பருவ காதல் காட்சிகள் இப்படத்தில் இடம்பெறும் என்று உறுதியாகியுள்ளது. விரைவில் இப்படத்தின் டிரைலர் மற்றும் ரிலீஸ் தேதி வெளியாகும் என்று எதிர்பார்க்கப் படுகிறது.
இளையராஜா இசை
விடுதலை முதல் பாகத்தில் இளையராஜா இசையமைத்த “உன்னோட நடந்தா “ மற்றும் “ காட்டுமல்லி” ஆகிய இரு பாடல்கள் பெரியளவில் ஹிட் அடித்த நிலையில் இரண்டாம் பாகத்தில் இளையராஜா இசையைக் கேட்க ரசிகர்கள் ஆவலாக காத்திருக்கிறார்கள்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)