Maamanithan| ஒருவழியாக சென்சாருக்கு செல்லும் மாமனிதன் - இயக்குநர் சீனு ராமசாமி உற்சாக ட்வீட்!
கடந்த 2019 ஆம் ஆண்டே திரைக்கு வந்திருக்க வேண்டிய திரைப்படம் ஆனால் பல்வேறு காரணங்களால் படம் கிடப்பில் போடப்பட்டது.
இயக்குநர் சீனு ராமசாமி இயக்கத்தில் விஜய் சேதுபதி மற்றும் காயத்ரி நடிப்பில் உருவாகியுள்ள திரைப்படம்தான் ‘மாமனிதன்’ .இந்த படம் மிகுந்த எதிர்பார்ப்பிற்கு மத்தியில் உருவான திரைப்படங்களுள் ஒன்று. மாமனிதன் படத்தை இசையமைப்பாளர் யுவன் சங்கர் ராஜா தயாரித்துள்ளார். இந்த படத்தில் இசைஞானி இளையராஜா மற்றும் யுவன் சங்கர் ராஜா இணைந்து இசையமைத்துள்ளனர். மேலும் யுவன் இசையில் இளையராஜா பாடல் ஒன்றையும் பாடியுள்ளார். மாமனிதன் கடந்த 2019 ஆம் ஆண்டே திரைக்கு வந்திருக்க வேண்டிய திரைப்படம் ஆனால் பல்வேறு காரணங்களால் படம் கிடப்பில் போடப்பட்டது. முன்னதாக சீனு ராமசாமி , விஜய் சேதுபதியில் உருவான இடம் , பொருள் ,ஏவல் திரைப்படம் இன்னும் வெளியாகவில்லை. அந்த வரிசையில் மாமனிதன் படமும் இணைந்துவிடுமோ என்ற சந்தேகம் ரசிகர்களுக்கு வந்துவிட்டது. ஆனாலும் சீனு ராமசாமி தனது ட்விட்டர் பக்கத்தில் இரண்டு படமும் வெள்ளித்திரைக்கு வரும் என தெரிவித்த வண்ணம் இருந்தார்.
#இடிமுழக்கம்#மாமனிதன் #இடம்பொருள்ஏவல்
— R.Seenu Ramasamy (@seenuramasamy) October 26, 2021
வெண்திரைக்கு
வருவது உறுதி...
என் பணி அதில்
நிறைவானது
இனி விமர்சகர்கள்
மக்கள் இருவருக்குமே
அது பொதுவானது
"அடுத்து என்ன"
அதுதான் வாழ்வின்
உயிர்ப்பான கேள்வி
அதற்கு தொடங்கியது
இன்னொரு வேள்வி
உங்கள் அன்பை பெறுதலே
தலையாய நோக்கம். 🙏 pic.twitter.com/Uu6n5W6PIG
இந்த நிலையில் நேற்று அவர் வெளியிட்ட அறிவிப்பில் படத்தின் அனைத்து பணிகளும் முடிந்து சென்சார் போர்டிற்கு செல்லவுள்ளதாக தெரிவித்துள்ளார். இது குறித்து சீனு ராமசாமி தெரிவித்துள்ள ட்விட்டர் பதிவில் “ 37 நாள் படப்பிடிப்பில் உருவான மாமனிதன் திரைப்படம். எடிட்டர் ஸ்ரீகர்பிரசாத் அவர்களும் நானும் படத்தை எடிட்டிங் செய்து இனிதே மற்றப் பணிகளும் நிறைவடைந்து திரைதொடக் காத்திருக்கிறது.அடுத்த வாரம் சென்சார் போகிறது மாமனிதன்” என குறிப்பிட்டுள்ளார்.
37 நாள் படப்பிடிப்பில் உருவான#மாமனிதன் திரைப்படம்.
— R.Seenu Ramasamy (@seenuramasamy) November 14, 2021
எடிட்டர் ஸ்ரீகர்பிரசாத் அவர்களும் நானும் படத்தை எடிட்டிங் செய்து இனிதே மற்றப் பணிகளும் நிறைவடைந்து
திரைதொடக் காத்திருக்கிறது.
அடுத்த வாரம்
சென்சார் போகிறது #மாமனிதன்@thisisysr@sreekar_prasad@VijaySethuOffl@mynnasukumar
படத்தைபொங்கல் பண்டிகை அல்லது புத்தாண்டிற்கு எதிர்பார்க்கலாம். ஆனாலும் விஜய் சேதுபதியின் தற்போதைய தோற்றத்திற்கு மாமனிதன் படத்தின் விஜய் சேதுபதி தோற்றத்திற்கும் நிறைய வித்தியாசம் இருப்பதால் அது ரசிகர்களுக்கு எந்த மாதிரியான அனுபவத்தை கொடுக்கும் என்பதை பொருத்திருந்துதான் பார்க்க வேண்டும். அதனையும் தாண்டி படத்தின் கதைக்களம் ஆழமாக இருப்பின் அதனை நிச்சயம் கோலிவுட் ரசிகர்கள் கொண்டாடுவார்கள் என்பதிலும் சந்தேகம் இல்லை.அடுத்தவாரம் சென்சார் சான்றிதழ் பெற்ற பிறகு மாமனிதன் படத்தின் வெளியீட்டு தேதி மற்றும் அடுத்தடுத்த அப்டேட்களை எதிர்பார்க்கலாம்.
தலைப்பு செய்திகள்
ட்ரெண்டிங் செய்திகள்
