Vijay Antony Advice: ‛பிரச்னைன்னா அடுத்தவன கூப்பிடாதீங்க கதைய முடிச்சிருவாங்க’ கொந்தளிக்கும் விஜய் ஆண்டனி!

இசையமைப்பாளரும் நடிகருமான விஜய் ஆண்டனி தனது ட்விட்டர் பக்கத்தில் அட்வைஸ் ஒன்றை பதிவிட்டு இருக்கிறார்.

விஜய் ஆண்டனி

இசையமைப்பாளரும் நடிகருமான விஜய் ஆண்டனி தனது ட்விட்டர் பக்கத்தில் அட்வைஸ் ஒன்றை பதிவிட்டு இருக்கிறார். 

அவர் வெளியிட்டு இருக்கும் பதிவில், “ உங்க குடும்பத்துல எதாவது பிரச்சனன்னா, முடிச்ச வரைக்கும் உங்களுக்குள்ள அடிச்சிக்கங்க, இல்ல விட்டு விலகிடுங்க, இல்ல கைல கால்ல விழுந்து சமாதானம் பண்ணி சேர்ந்து வாழுங்க அடுத்தவன மட்டும் கூப்புடாதிங்க கும்மி அடிச்சி, கதைய முடிச்சிருவாங்க"என்று பதிவிட்டு இருக்கிறார்.   

 

உங்க குடும்பத்துல எதாவது பிரச்சனன்னா, முடிச்ச வரைக்கும் உங்களுக்குள்ள அடிச்சிக்கங்க, இல்ல விட்டு விலகிடுங்க, இல்ல கைல கால்ல விழுந்து சமாதானம் பண்ணி சேர்ந்து வாழுங்க🤝
அடுத்தவன மட்டும் கூப்புடாதிங்க🎤🫵📺
கும்மி அடிச்சி, கதைய முடிச்சிருவாங்க🔴

— vijayantony (@vijayantony) October 11, 2022

கோலிவுட்டின் பிரபலமான இசையமைப்பாளர்களில்  விஜய் ஆண்டனியும் ஒருவர். புரியாத வார்த்தையை ராகமாக்கி, தாளமாக்கி பிறகு பாடலாக்குவதிலும் திறமைசாலியாக விளங்குகிறார் விஜய். அதற்கு உதாரணமாக, டிஷ்யூம் படத்தில் இடம் பெற்ற “டைலாமோ” பாடலையும்,  உத்தம புத்திரன் படத்தில் இடம்பெற்றுள்ள “உசுமுலாரசே” பாடலையும் கூறலாம்.

இவர் முதன் முதலாக ஹீரோவாக நடித்த நான் படத்தில் கூட, “மக்காயலா..” என்ற பாடல் இடம் பெற்றிருக்கும். “அது என்னப்பா வித்தியாசமா மக்காயலா..?”என யாராவது கேள்வியெழுப்பினால், “அது ஒன்னுமில்லங்க.. திருநெல்வேலி பக்கம் ஏலே மக்கா-னு கூப்பிடுவாங்க, அத அப்டியே திருப்பி போட்டு மக்காயலா-னு பாட்டோட ஓப்பனிங் லைனா மாத்திட்டேன்” என கூலாக பதில் சொல்வார் விஜய் ஆன்டனி. 

“மச்சக்கன்னி ஒத்துக்கிச்சு பச்சத் தண்ணி பத்திக்கிச்சு..”என பாடல் பாடி, 2கே கிட்ஸின் மனதில் இடம் பிடித்தவர் இவர். அவ்வையாரின் ஆத்திச்சூடியை “ஆத்திச்சூ..” என ஸ்டைலாக மாற்றி, “கேளு மகனே கேளு இது ராப்-கூத்து கேளு…” என அனைவரையும் கேட்க வைத்தார். 

தொடர்ந்து பல ‘ஹிட்’ பாடல்களை கொடுத்துள்ள இவர், நான் படத்தின் மூலம் ஹீரோவாக அறிமுகமானார். க்ரைம்-த்ரில்லராக உருவாகியிருந்த இப்படத்தின் கதையும், விஜய் ஆண்டனியின் ஹீரோ முகமும் அனைவருக்கும் பிடித்துப்போனது. இதனால் வித்தியாசமான கதையம்சங்களை கொண்ட படமாக தேர்ந்தெடுத்து நடிக்க ஆரம்பித்தார் விஜய். இந்தியா-பாகிஸ்தான், பிச்சைக்காரன், சலீம், சைத்தான், எமன் போன்ற படங்களில் நடித்து ரசிகர்களை கவர்ந்தார்.

இவர் நடித்த படங்களுக்கு இவரே மியூசிக் போடுவது, இவரது தனி சிறப்பு. தற்போது அவர் பிச்சைக்காரன் 2 படத்தில் பிசியாக இருக்கிறார். இந்த படத்திற்கு  Anti bikli என்று பெயரிடப்பட்டுள்ளது. இதில், ரித்திகா சிங், ராதிகா ஆப்தே, மன்சூர் அலிகான் உள்ளிட்ட முன்னனி நட்சத்திரங்கள் நடித்துள்ளனர். இது தவிர சி.எஸ் அமுதன் இயக்கத்தில் விஜய் ஆண்டனி நடித்து வரும் ரத்தம் படத்தின் படப்பிடிப்பும் முடிவடைந்துள்ளது.