Vidamuyarchi : எதுவும் மாறல.. அவ்ளோ அழகு.. வந்தாச்சு அஜித்தின் விடாமுயற்சி அப்டேட்..

மகிழ் திருமேனி இயக்கத்தில் அஜித் குமார் நடித்துள்ள விடாமுயற்சி படத்தின் அப்டேட் வெளியாகியுள்ளது

அஜித் குமார் , விடாமுயற்சி , த்ரிஷா

Source : Twitter

விடாமுயற்சி

துணிவு படத்திற்கு அடுத்ததாக அஜித் குமார் நடிப்பில் உருவாகத் தொடங்கிய படம் விடாமுயற்சி . மீகாமன் , தடையற தாக்க , தடம்,  கலகத் தலைவன் உள்ளிட்ட படங்களை இயக்கிய மகிழ் திருமேணி இப்படத்தை இயக்கியுள்ளார். லைகா ப்ரோடக்‌ஷன்ஸ் இப்படத்தை தயாரித்துள்ளது. அனிருத் இப்படத்திற்கு இசையமைத்துள்ளார். அஜித் தவிர்த்து இப்படத்தில் அர்ஜூன் , ஆரவ் , த்ரிஷா , ரெஜினா உள்ளிட்டவர்கள் இப்படத்தில் நடித்துள்ளார்கள். விடாமுயற்சி படத்தின் ஃபர்ஸ்ட் லுக் வெளியாகியதைத் தொடர்ந்து தற்போது இப்படத்தின் செகண்ட் லுக் போஸ்டர் தற்போது வெளியாகியுள்ளது. 

Adding a touch of fondness! ✨ Presenting the third look of #VidaaMuyarchi 🌟 Witness the Vintage pair #AjithKumar & @trishtrashers 🫰🏻💗✨#EffortsNeverFail#AjithKumar #MagizhThirumeni @LycaProductions #Subaskaran @gkmtamilkumaran @trishtrashers @akarjunofficial… pic.twitter.com/swUOkMdsCr

— Lyca Productions (@LycaProductions) July 19, 2024

ஃபர்ஸ்ட்  லுக் போஸ்டரில் நடிகர் அஜித் சோலோவாக காணப் பட்ட நிலையில் தற்போது வெளியாகியுள்ள செகண்ட் லுக்கில் அஜித் மற்றும் த்ரிஷா ஜோடி ரசிகர்களை கவர்ந்துள்ளது.

அஜித் மற்றும் த்ரிஷாவின் எவர்கிரீன் கூட்டணி

அஜித் மற்றும் த்ரிஷா இணைந்து ஜீ , கிரீடம் , மங்காத்தா , என்னை அறிந்தால் உள்ளிட்ட நான்கு படத்தில் நடித்துள்ளார்கள். தற்போது ஐந்தாவது முறையாக விடாமுயற்சி படத்தில் இந்த கூட்டணி இணைந்துள்ளது. முந்தின போஸ்டரில் அஜித் முழுக்க முழுக்க வெள்ளை முடியுடன் காணப் பட்டார். தற்போது வெளியாகியுள்ள போஸ்டரில் ஒரு 10 வயது குறைந்து செம கிளாஸான லுக்கில் அஜித் மற்றும் த்ரிஷா உள்ளார்கள். விடாமுயற்சி படத்தில் மொத்தம் இரண்டு லுக்கில் அஜித் நடித்துள்ளது ரசிகர்களை உற்சாகப் படுத்தியுள்ளது. 

முழுக்க முழுக்க துபாய் மற்றும் அஜர்பைஜானில் படமாக்கப் பட்ட இப்படம் ஆக்‌ஷன் த்ரில்லர் படமாக உருவாகியுள்ளது. விறுவிறுப்பான திரைக்கதை , கதையை நகர்த்தும் அளவிற்கு கச்சிதமான எமோஷன் , திடீர் திருப்பங்கள் தான் மகிழ் திருமேணி படங்களின் ஸ்பெஷல் . விடாமுயற்சி படமும் அந்த மாதிரி ஆக்‌ஷன் , ரொமான்ஸ் , ட்விஸ்ட் கலந்த ஒரு படமாக இருக்கும் என்று நிச்சயம் எதிர்பார்க்கலாம். மேலும் இப்படத்தில் அர்ஜூனின் கதாபாத்திரம் மீதும் நிறைய் எதிர்பார்ப்புகள் இருந்து வருகின்றன. வெங்கட் பிரபு இயக்கிய மங்காத்தா படத்திற்கு பின் மீண்டும் அஜித் அர்ஜூன் கூட்டணி இப்படத்தில் இணைந்துள்ளது ரசிகர்களிடம் பெரியளவில் எதிர்பார்ப்புகளை கூட்டியுள்ளது

ஆக மொத்தம் அப்டேட் கிடைக்காதா என ஏங்கி கிடந்த அஜித் ரசிகர்களுக்கு  விடாமுயற்சி , குட் பேட் அக்லி என அஜித் ரசிகர்களுக்கு அடுத்தடுத்து அப்டேட்கள் வெளியாகி விருந்தாக அமைந்துள்ளன