Varisu Hindi Trailer: பான் இந்தியா மாஸ் காட்டுவோம்... வெளியான வாரிசு இந்தி ட்ரெய்லர்..!

வாரிசு தமிழ் ட்ரெய்லர் முன்னதாக சென்ற 4ம் தேதி வெளியாகி வரவேற்பைப் பெற்றது.

வாரிசு விஜய்

ஸ்ரீ வெங்கடேஸ்வரா கிரியேஷன்ஸ் சார்பில் பிரபல தெலுங்கு தயாரிப்பாளர் தில் ராஜூ தயாரிப்பில் வம்சி பைடிபள்ளி இயக்கத்தில் நடிகர் விஜய் நடித்துள்ள திரைப்படம் 'வாரிசு'. இப்படத்தில் நடிகை ராஷ்மிகா மந்தனா ஹீரோயினாக நடித்துள்ளார்.  பிரகாஷ்ராஜ், சரத்குமார், பிரபு, ஷாம்,சங்கீதா, ஜெயசுதா உள்ளிட்ட மிகப்பெரிய நட்சத்திர பட்டாளமே இப்படத்தில் இணைந்துள்ளது. 

வாரிசு:

முன்னதாக கடந்த டிசம்பர் 24ஆம் தேதி இப்படத்தின் இசை வெளியீட்டு விழா பிரம்மாண்டமான முறையில் நடைபெற்று விஜய் ரசிகர்களை பெரும் உற்சாகத்தில் ஆழ்த்தியது.

தொடர்ந்து வாரிசு படத்தின் ட்ரெய்லர் ஜனவரி 4ஆம் தேதி வெளியாகி பெரும் ஹிட் அடித்தது. குடும்ப செண்டிமண்ட், ஆக்‌ஷன் என அனைத்தும் கலந்து விஜய்யின் பிரத்யேக பஞ்ச் டயலாக்குகளுடன் வெளியான இந்த ட்ரெய்லர் இதுவரை 37 லட்சத்துக்கும் மேற்பட்ட பார்வையாளர்களைக் குவித்து தொடர்ந்து லைக்ஸ் அள்ளி வருகிறது.

இந்தி ட்ரெயிலர்:

மேலும் பொங்கல் ரிலீசாக வரும் ஜனவரி 11ஆம் தேதி வெளியாகும் இப்படம் பெரும் எதிர்பார்ப்புகளை ஏற்படுத்தியுள்ளது. இந்நிலையில் வாரிசு படத்தின் இந்தி ட்ரெய்லர் இன்று மாலை வெளியாகி வரவேற்பைப் பெற்றுள்ளது.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sri Venkateswara Creations (@srivenkateswaracreations)

நடிகர் விஜய்யின் படங்கள் ஏற்கெனவே இந்தி மொழியில் டப் செய்யப்பட்டு வரவேற்பைப் பெற்றுள்ள நிலையில், மற்றொருபுறம் ராஷ்மிகாவும் பாலிவுட்டில் காலூன்றுவதில் கவனம் செலுத்தி வருகிறார். மேலும் தென்னிந்தியப் படங்கள் பாலிவுட்டில் கோலோச்சத் தொடங்கியுள்ள இன்றைய சூழலில், வாரிசு இந்தியிலும் வெற்றி பெறும் என ஆரூடம் சொல்லி வருகின்றனர் விஜய் ரசிகர்கள்.