Siragadikka Aasai: மீனாவுக்கு சர்ப்ரைஸ் கொடுத்த முத்து... கடுப்பான விஜயா- சிறகடிக்க ஆசையில் இன்று!

விஜய் தொலைக்காட்சியில் சிறகடிக்க ஆசை சீரியல் தினமும் இரவு 9 மணிக்கு ஒளிபரப்பாகிறது.

சிறகடிக்க ஆசை சீரியல்

விஜய் டிவியில் ஒளிபரப்பாகும் சிறகடிக்க ஆசை சீரியலில் இன்றைய எபிசோடில் என்ன நடக்கிறது என்பது பற்றி காணலாம். 

 அண்ணாமலை நின்று விஜயாவை பார்த்துக் கொண்டிருக்கிறார். ”என்ன அப்படி பார்க்குறீங்க?” என விஜயா கேட்கிறார். அதற்கு அண்ணாமலை ”இல்ல சில அதிசயமான உயிரினங்களை இப்படி தான் பார்க்க வேண்டி இருக்கு” என்கிறார். ”நீ பேசுற வார்த்தையெல்லாம் மனுஷங்க பேசுற மாதிரியெல்லாம் இல்லையே. மீனாக்கிட்ட போய் ஏன் அப்படி சத்தம் போட்ட?” என கேட்கிறார். ”எல்லா நாளும் மீனா தான் வேலை செய்யணுமா ]?, மத்த ரெண்டு மருமகள்கள் இருக்காங்க..அவங்கள செய்ய சொல்லு. இல்ல உனக்கு என்ன நோக்காடு வந்தது” என்கிறார்.

பின் பூக்கடையில் கஸ்டமர் ஒருவர் மீனாவின் தங்க சங்கிலியை பற்றி கேட்ட போது மீனா விஜயாவை விட்டுக் கொடுக்காமல் பேசியதை பற்றி அண்ணாமலை விஜயாவிடம் சொல்கிறார். அப்பவும் விஜயா மீனாவை மட்டமாக பேசுகிறார். மீனா பாவம் என அண்ணாமலை சொல்கிறார். ”மீனாக்கிட்ட வாங்குன நகையெல்லாம் கொடுத்துடு அதான் நியாயம்” என்கிறார் அண்ணாமலை.

"அவ தான் ரோஷமா நகையை கொடுத்தா. சிலவங்களுக்கு சாப்பாட்டுக்கு வழி இருக்கோ இல்லையோ இந்த வெட்டி வீராப்புக்கு ஒன்னும் கொறச்சல் இல்ல" என்கிறார் விஜயா.  அப்போது மீனா வந்து விடுகிறார். வாக்குவாதம் நடந்து கொண்டிருக்கும் போதே முத்துவும் வந்து விடுகிறார். என் புருஷன் வாங்கி தருவார் என மீனா சொல்லுகிறார். அதற்கு விஜயா ”அவனே ட்ரைவர் அவன் எங்க இருந்து வாங்கி தர போறான்” என்கிறார். 

"அவன் கார் ஓட்டி பணத்தை சேர்த்து நகை வாங்கி கொடுக்குறதுக்குள்ள 60 வயசு ஆகிடும். அவங்க 60-ஆம் கல்யாணத்துக்கு தான் அவன் அரை பவுன் நகை வாங்கி கொடுப்பான்” என மட்டம் தட்டி பேசுகிறார் விஜயா.  முத்து கேட்ட இல்ல சீக்கிரமா அந்த பொண்ணுக்கானத வாங்கி கொடுத்திடு” என்கிறார் அண்ணாமலை. மறுபுறம் மனோஜ் ஹோட்டலுக்கு வந்த கஸ்டமரிடம் ஆர்டர் எடுக்கிறார்.

ஆனால் அந்த உணவு ஏற்கனவே தீர்ந்து விட்டதால் கஸ்டமர் மனோஜிடம் சண்டைப் போடுகிறார். தண்டச்சோறு என்றெல்லாம் திட்டுகிறார். இதனால் மனோஜ் வேதனைப்படுகிறார். முத்து சீட்டு எடுத்து மீனாவுக்கு தங்க தாலி வாங்கி வருகிறார். அந்த தாலியை வீட்டில் உள்ள அனைவர் முன்னிலையிலும்  அண்ணாமலையிடம் காண்பிக்கிறார். விஜயா பொறாமையாக பார்க்கிறார். மீனா, ரவி, அண்ணாமலை சந்தோஷப்படுகின்றனர். முத்து நகையை மீனாவிடம் கொடுக்கிறார். இத்துடன் இன்றைய எபிசோட் நிறைவடைகிறது. 

மேலும் படிக்க