Sarigamapa Little Champs: சரிகமப லிட்டில் சேம்ப்ஸ் சீசன் 3 டைட்டிலை வென்ற கில்மிஷா! பிரம்மாண்டமாக நடந்து முடிந்த கிராண்ட் பைனல்!

இலங்கையை சேர்ந்த ஈழத்து தமிழ் பெண்ணான கில்மிஷா டைட்டிலை வென்றுள்ளார்.

சரிகமப லிட்டில் சேம்ப்ஸ்

தமிழ் தொலைக்காட்சியில் மிகவும் விரும்பப்படும் சிங்கிங் ரியாலிட்டி ஷோவாக மக்கள் மத்தியில் பெரும் வரவேற்பை பெற்ற ஜீ தமிழின் சரிகமப லிட்டில் சேம்ப்ஸ் நிகழ்ச்சியின் கிராண்ட் பைனல் கடந்த டிசம்பர் 17-ம் தேதி மிக பிரம்மாண்டமாக நடந்து முடிந்தது.

இறுதி போட்டியில் இடம் பெற்ற ஆறு போட்டியாளர்களுக்கு இடையே இதுவரை இல்லாத அளவிற்கு மிகப்பெரிய அளவில் போட்டி நிலவியது. முதல் ரவுண்டில் மக்கள் தேர்வு செய்த பாடலை பாடிய போட்டியாளர்கள் இரண்டாவது ரவுண்டில் இந்த சரிகமப நிகழ்ச்சியில் இதுவரை தேர்வு செய்யாத சவாலான பாடல்களை தேர்வு செய்து பாடினர். 

போட்டியின் இறுதியில் இலங்கையை சேர்ந்த ஈழத்து தமிழ் பெண்ணான கில்மிஷா டைட்டிலை வெல்ல சிறப்பு விருந்தினராக பங்கேற்ற யுவன் ஷங்கர் ராஜா கில்மிஷாவிற்கு கோப்பையை வழங்கி கவுரவப்படுத்தினார். மேலும், அவருக்கு 10 லட்சம் ரூபாய் பரிசு தொகையாக வழங்கப்பட்டது. அதனை தொடர்ந்து முதல் ரன்னர் அப்-ஆக வெற்றி பெற்ற ருத்ரேஷ் குமாருக்கு 3 லட்சம் ரூபாயும் இரண்டாவது ரன்னர் அப்-ஆக வெற்றி பெற்ற சஞ்சனாவிற்கு இரண்டு லட்சம் ரூபாயும் பரிசு தொகையாக வழங்கப்பட்டது. ரிக்ஷிதா மூன்றாவது ரன்னர் அப்-ஆகவும் வெற்றி பெற்றுள்ளார்.

 

 

 

 

 

View this post on Instagram

 

 

 

 

 

 

 

 

 

 

 

A post shared by zeetamil (@zeetamizh)

ஒவ்வொருவரும் தனித்துவமான குரலில் பாடி மனதை கவர்ந்ததாக யுவன் ஷங்கர் ராஜா பாராட்டு தெரிவித்தார். போட்டி முழுவதிலும் நடுவர்களின் கவனத்தை ஈர்த்து டைட்டிலை வென்ற கில்மிஷா தமிழக மக்கள் கொடுத்த அன்பிற்கும் ஆதரவிற்கும் மிகப்பெரிய நன்றியை தெரிவித்து கொண்டார். அதோடு நடுவர்களாக பங்கேற்ற ஸ்ரீனிவாஸ், விஜய் பிரகாஷ், சைந்தவி, அபிராமி, கார்த்திக் ஆகியோர் கொடுத்த ஊக்கம் தான் எனது வெற்றிக்கு காரணம் எனவும் தெரிவித்துள்ளார்.

மிகப்பெரிய வரவேற்புடன் சரிகமப லிட்டில் சேம்ப்ஸ் நிகழ்ச்சியின் கிராண்ட் பைனல் நடைபெற்று முடிந்ததை தொடர்ந்து வரும் டிசம்பர் 23-ம் தேதி முதல் டான்ஸ் ஜோடி டான்ஸ் reloaded சீசன் 2 தொடங்க உள்ளதாக அதிகாரபூர்வ அறிவிப்பு வெளியாகியுள்ளது. இசை திறமையை கொண்டாடிய மக்களுக்கு சாமானிய போட்டியாளர்களின் நடன திறமையை கொண்டாடும் வகையில் இந்த நிகழ்ச்சி இருக்கும் என எதிர்பார்க்கப்படுகிறது.

---

மேலும் படிக்க