Sandhya Raagam: உடைந்தது ரகசியம்: மாயாவுக்கு தெரிய வரும் சீனுவின் காதல், அடுத்து என்ன? சந்தியா ராகம் அப்டேட்!

Sandhya Raagam: சீனுவிடம் எதுவும் பேசாமல் வீட்டிற்கு வரும் மாயா கோபமாக உள்ளே செல்வதைப் பார்த்து, ஜானகி என்னாச்சு என்று கேட்க சீனு “ஒன்னும் இல்ல” என்று சொல்லி சமாளிக்கிறான். 

சந்தியா ராகம்

தமிழ் சின்னத்திரையில் ஜீ தமிழ் தொலைக்காட்சியில் தினமும் இரவு 9.30 மணிக்கு ஒளிபரப்பாகி வரும் பிரபலமான சீரியல் சந்தியா ராகம். இந்த சீரியலின் நேற்றைய எபிசோடில் சீனு மாயாவை வீட்டு அழைத்து செல்ல பண்ணை வீட்டிற்கு வந்த நிலையில், இன்று நடக்கப்போவது என்ன என்பது குறித்து பார்க்கலாம். 

அதாவது, மாயா “நிச்சயம் நின்னுடுச்சா? உன்னுடைய காதலை பற்றி சொல்லிட்டியா?” என்று கேட்க, சீனு “இல்ல எனக்கு மாமாவோட வார்த்தை, குடும்பத்தோட கவுரவம் தான் முக்கியம், அதனால் எதுவும் சொல்லல, நிச்சயம் நடந்து முடிந்து விட்டது” என்று சொல்ல மாயா அதிர்ச்சி அடைகிறாள். 

“அவ்வளவு தான் உன் காதல் செத்து போச்சு, இனிமே எதுக்கு இந்த டைரி” என்று சீனுவின் டைரியில் தீயில் போட்டு எரிக்க போகும்போது அதிலிருந்து மாயாவின் போட்டோ கீழே விழ, சீனு காதலிப்பது தன்னை தான் என்ற உண்மை மாயாவுக்கு தெரிய வருகிறது. அங்கிருந்து சீனுவிடம் எதுவும் பேசாமல் வீட்டிற்கு வரும் மாயா கோபமாக உள்ளே செல்வதைப் பார்த்து, ஜானகி என்னாச்சு என்று கேட்க சீனு “ஒன்னும் இல்ல” என்று சொல்லி சமாளிக்கிறான். 

அடுத்து மறுநாள் காலேஜ் கிளம்பும் மாயா சீனுவுடன் செல்ல மறுத்து சிவராமன் சித்தப்பாவுடன் செல்கிறாள். “சீனு மாயாவை சந்தித்து உனக்கு என்னுடைய காதல் புரியலையா?” என்று கேட்க, “நான் உன்கூட பேசி பைக்ல வந்தா அது காதலாகிடுமா? இதுவரைக்கும் எனக்கு உன்மேல அப்படி ஒரு எண்ணமோ ஆசையோ வந்ததில்லை” என்று அதிர்ச்சி கொடுக்கிறாள். இப்படியான நிலையில் இந்த வார சந்தியா ராகம் எபிசோட் நிறைவடைகிறது.