Meenakshi Ponnunga Sep 02: வெறுப்பேற்றிய வெற்றி.. ரோஹித்தை கொல்ல முடிவெடுத்த பூஜா.. மீனாட்சி பொண்ணுங்க இன்றைய எபிசோட்! 

ரங்கநாயகி மீனாட்சியின் மேல் கோபத்தில் இருப்பதால், மீனாட்சி பேசும்போது உள்ளே மறைந்திருக்கும் வெற்றி, ரங்கநாயகியின் குரலில், ஃபர்ஸ்ட் நைட்டுக்கு சம்மதம் என்று சொல்லி விடுகிறான்.

மீனாட்சி பொண்ணுங்க

ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9.30 மணிக்கு ஒளிபரப்பாகி வரும் பிரபலமான சீரியல் மீனாட்சி பொண்ணுங்க. இந்த சீரியலில் நேற்றைய எபிசோடில் பூஜாவுக்கு ரங்கநாயகி ஹனிமூன் ஏற்பாடு செய்ய, பூஜா வேறு வழியின்றி ரோஹித்துடன் கிளம்பிப் போகிறாள். 

ஹனிமூன் வந்த பூஜா அங்கேயே ரோஹித்தை கொலை செய்ய முடிவெடுக்கிறாள். ஹனிமூன் முடிந்து வருவதற்குள் தங்கள் ஃபர்ஸ்ட் நைட் முடிந்துவிடும் என்று வெற்றி சொல்ல, அதை கேட்கும் பூஜா டென்ஷனாகிறாள். வெற்றி சக்தியை சேர விடக் கூடாது என்று முடிவெடுக்கிறாள்.

கோயிலில் ஒரு சன்னியாசி சக்தியும் வெற்றியும் வரும் பௌர்ணமிக்குள் ஒன்று சேராவிட்டால் அவர்கள் மண வாழ்க்கையில் பல பிரச்சனைகள் வரும் என்று சொல்ல, மீனாட்சி இது விஷயமாக ரங்கநாயகியிடம் பேச முடிவெடுக்கிறாள்.

ரங்கநாயகி மீனாட்சியின் மேல் கோபத்தில் இருப்பதால், மீனாட்சி பேசும்போது உள்ளே மறைந்திருக்கும் வெற்றி, ரங்கநாயகியின் குரலில், ஃபர்ஸ்ட் நைட்டுக்கு சம்மதம் என்று சொல்லி விடுகிறான். இது தெரியாத மீனாட்சி, ரங்கநாயகியே ஒப்புக்கொண்டதாக நினைத்து சக்தி வெற்றியின் முதலிரவுக்கு ஏற்பாடு செய்கிறாள்.

இப்படியான நிலையில் இன்றைய மீனாட்சி பொண்ணுங்க எபிசோட் நிறைவடைகிறது.