![ABP Premium](https://cdn.abplive.com/imagebank/Premium-ad-Icon.png)
Viruman audio launch: மதுரைக்காரங்க ஆரம்பிச்சுட்டாங்க... தொடங்கியது விருமன் ஆடியோ ரிலீஸ் திருவிழா!
நடிகர் கார்த்தி நடிப்பில் உருவாகி இருக்கும் ‘விருமன்’ படத்தின் இசை மற்றும் ட்ரெய்லர் விழா இன்று நடக்கிறது. இந்த நிலையில் அது தொடர்பான புகைப்படங்கள் சமூக வலைதளங்களில் வைரலாகி வருகிறது.
![Viruman audio launch: மதுரைக்காரங்க ஆரம்பிச்சுட்டாங்க... தொடங்கியது விருமன் ஆடியோ ரிலீஸ் திருவிழா! Suriya and Shankar to attend Karthi Viruman audio launch in Madurai Photos Goes Viral On Social media Viruman audio launch: மதுரைக்காரங்க ஆரம்பிச்சுட்டாங்க... தொடங்கியது விருமன் ஆடியோ ரிலீஸ் திருவிழா!](https://feeds.abplive.com/onecms/images/uploaded-images/2022/08/03/75488d75e063be01ff19dd0402370e8e1659522071_original.jpg?impolicy=abp_cdn&imwidth=1200&height=675)
நடிகர் கார்த்தி நடிப்பில் உருவாகி இருக்கும் ‘விருமன்’ படத்தின் இசை மற்றும் ட்ரெய்லர் விழா மதுரையில் உள்ள ராஜா முத்தையா மண்டபத்தில் இன்று மாலை நடக்க இருக்கிறது.இந்த நிலையில் நிகழ்ச்சி தொடர்பான புகைப்படங்கள் சமூக வலைதளங்களில் வைரலாகி வருகிறது.
தமிழ் சினிமாவில் கிராமத்து கதைக்களத்தை கையில் எடுத்து படமாக்குபவர் இயக்குநர் முத்தையா. குட்டிபுலி, கொம்பன், மருது,கொடி வீரன் உள்ளிட்ட பல படங்களை இயக்கியுள்ளார்.படங்கள் கிராமத்து ஆடியன்ஸ் மத்தியில் நல்ல வரவேற்பை பெற்றன. இவர் இயக்கிய படங்கள் அனைத்திலும் சாதிய சாயல் இருப்பதாக விமர்சிக்கப்பட்டது. குறிப்பாக கௌதம் கார்த்திக் நடிப்பில் உருவான தேவராட்டம் படம் , கடுமையாக விமர்சிக்கப்பட்டது.
படமும் தோல்வியை தழுவியது. அதன் பிறகு விக்ரம் பிரபு நடிப்பில் புலிக்குத்தி பாண்டி என்ற படத்தை இயக்கினார். அதுவும் எதிர்பாத்த வெற்றியை பெறவில்லை. இந்நிலையில் மீண்டும் ஒரு கிராமத்து கதையை முத்தையா கையில் எடுத்த படம்தான் ‘விருமன்’.
View this post on Instagram
இந்த படத்தில் கார்த்தி நாயகனாகவும், அவருக்கு ஜோடியாக பிரம்மாண்ட இயக்குநர் என அழைக்கப்படும் இயக்குநர் ஷங்கரின் இரண்டாவது மகள் அதிதி ஷங்கர் நடித்துள்ளார். படத்தை சூர்யா மற்றும் ஜோதிகாவிற்கு சொந்தமான ‘2டி எண்டர்டைன்மெண்ட்’ தயாரிக்க, இசையமைப்பாளராக யுவன் சங்கர் ராஜா களமிறங்கி இருக்கிறார்.
View this post on Instagram
முன்னதாக, 'விருமன்' திரைப்படம் விநாயகர் சதுர்த்தி தினமான ஆகஸ்ட் 31ம் தேதி வெளியாகும் என படக்குழுவால் அறிவிக்கப்பட்ட நிலையில் தற்போது ஆகஸ்ட் 12 ம் தேதி வெளியாகும் என அறிவிக்கப்பட்டுள்ளது. . தேனி மற்றும் அதன் சுற்று வட்டார பகுதிகளில் நடைபெற்ற இந்த திரைப்படம் விரைவாக எடுத்து முடிக்கப்பட்டது என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)