Rajini - Ajith Meet : ரஜினிகாந்தை திடீரென சந்தித்தாரா அஜீத்...? நடந்தது என்ன தெரியுமா..?
சூப்பர்ஸ்டார் ரஜினிகாந்தை நடிகர் அஜீத் திடீரென அவரது இல்லத்தில் சந்தித்தாக சமூக வலைதளங்களில் புகைப்படம் திடீரென வைரலாகியது.
கோலிவுட்டின் மிகப்பெரிய நடிகராக வலம் வருபவர் நடிகர் அஜீத். எச்.வினோத் இயக்கத்தில் தற்போது பெயரிடப்படாத படமொன்றில் நடித்து வருகிறார். இந்த படத்திற்காக புது கெட்டப்பில் உள்ள அஜீத்தின் புகைப்படங்கள் அவ்வப்போது சமூக வலைதளங்களில் வைரலாகி வருகிறது. இந்த நிலையில், இந்தியாவின் பிரபல நடிகரும், சூப்பர்ஸ்டாருமாகிய நடிகர் ரஜினிகாந்தை, நடிகர் அஜீத் நேரில் சென்று சந்தித்தது போன்ற புகைப்படம் சமூக வலைதளங்களில் திடீரென வைரலாகியது.
இதனால், நடிகர் ரஜினியை அஜீத் திடீரென நேரில் சந்தித்தார் என்றும் இந்த சந்திப்பு எதற்காக நடைபெற்றது என்றும் சமூக வலைதளங்களில் விவாதமே நடைபெற்றது. ஆனால், உண்மையில் ரஜினிகாந்த்- அஜீத் சந்திப்பு ஏதும் நடைபெறவில்லை. இந்த புகைப்படம் எடிட் செய்யப்பட்டது என்று அஜீத்தின் பி.ஆர்.ஓ. சுரேஷ் சந்திரா விளக்கம் அளித்தார்.
இந்த புகைப்படம் அந்தளவிற்கு தத்ரூபமாக எடிட் செய்யப்பட்டுள்ளது. கமல்ஹாசனை நடிகர் ரஜினிகாந்த் சந்தித்தபோது எடுத்த புகைப்படத்தில், கமல்ஹாசன் தோளின் மீது நடிகர் ரஜினிகாந்த் கையை போட்டிருப்பார். நடிகர் அஜீத்தை சந்தித்த ரசிகர் ஒருவர் அவருடன் புகைப்படம் எடுத்துக் கொண்டுள்ளார். ரஜினி-கமல் புகைப்படத்தில் கமல் இருந்த இடத்தில் நடிகர் அஜீத்தை பொருத்தி மிகவும் தத்ரூபமாக ரஜினிகாந்த், அஜீத்தின் தோள் மீது கையை போட்டிருப்பது போன்று எடிட் செய்து இணையத்தில் சில ரசிகர்கள் உலாவவிட்டுள்ளனர்.
இதனால், திடீரென ரஜினியை சந்தித்த அஜீத் என்று சமூகவலைதளம் பரப்பாகியது. நடிகர் ரஜினிகாந்த் தற்போது இயக்குனர் நெல்சன் இயக்கத்தில் தலைவர் 161 படத்தில் நடித்து வருகிறார். பீஸ்ட் பட தோல்வியால் தலைவர் 161 படத்தின் திரைக்கதையை கவனமாக உருவாக்கும் பணியில் நெல்சனும் படக்குழுவினரும் செயல்பட்டு வருகின்றனர்.
வலிமை இரண்டரை ஆண்டுகள் வரை ஆனதால், அடுத்த படத்தை விரைவாக முடிக்க எச்.வினோத் முடிவு செய்துள்ளதால் அஜீத்தின் ஏகே 61 திரைப்படத்தின் பணிகளும் மிகவும் விரைவாக நடைபெற்று வருகிறது. ஏற்கனவே அஜீத் படத்தின் பணிகளுக்கான பூஜைகள் தொடங்கப்பட்டு முதற்கட்ட பணிகள் நடைபெற்று வருகிறது. ரஜினிகாந்த் படத்தின் படப்பிடிப்பு பணிகளும் விரைவில் தொடங்கும் என்று எதிர்பார்க்கப்படுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
