Rajinikanth: போயஸ் கார்டனில் பரபரப்பு; சசிகலா வீட்டிற்கு எண்ட்ரி கொடுத்த சூப்பர் ஸ்டார் ரஜினிகாந்த்

தமிழ் சினிமாவின் சூப்பர் ஸ்டாரான ரஜினிகாந்த், போயஸ் கார்டனில் வி.கே. சசிகலாவின் வீட்டிற்கு சென்றுள்ளார். 

வி.கே. சசிகலா வீட்டில் சூப்பர் ஸ்டார் ரஜினிகாந்த்

தமிழ் சினிமாவின் சூப்பர் ஸ்டாரான ரஜினிகாந்த், போயஸ் கார்டனில் வி.கே. சசிகலாவின் வீட்டிற்கு சென்றுள்ளார். 

போயஸ் கார்டனில் மறைந்த முன்னாள் முதலமைச்சர் ஜெயலலிதாவின் வேதா இல்லத்திற்கு எதிரே,  ஜெயலலிதாவின் நெருங்கி தோழியான வி.கே சசிகலா புதிய பங்களா வீடு கட்டினார்.  இந்த புதிய வீட்டிற்கு ஜனவரியில் புதுமனை புகுவிழா நடத்தப்பட்டது. ஆனால் அவர் அப்போது குடியேறவில்லை. ஜெயலலிதா பிறந்தநாளான இன்று பிப்ரவரி மாதம் 24ஆம் தேதி தான் கட்டிய புதிய பங்களாவுக்கு குடியேறினார். புதுமனை புகுவிழாவிற்கு சூப்பர் ஸ்டார் ரஜினிகாந்தால் செல்லமுடியவில்லை. அதனால்தான் இன்று சசிகலாவின் வீட்டிற்கு சூப்பர் ஸ்டார் ரஜினிகாந்த் சென்றதாக கூறப்படுகின்றது. 

 ஜெயலலிதா மறைவுக்கு பின் போயஸ் கார்டன் வேதா இல்லத்தில் சசிகலா வசித்து வந்தார். அதன் பின் சொத்து குவிப்பு வழக்கில் அவர் குற்றவாளியாக அறிவிக்கப்பட்டு பெங்களூரு பரப்பன அக்ரஹார சிறையில் அடைக்கப்பட்டார். சொத்து குவிப்பு வழக்கில் சிறை தண்டனை முடிந்து கடந்த 2020-ஆம் ஆண்டு பெங்களூரு சிறையில் இருந்து வெளிவந்த சசிகலா தியாகராய நகரில் உள்ள அவரது உறவினர் வீட்டில் வசித்து வந்தார். 

இந்த நிலையில் போயஸ் கார்டன் வேதா இல்லம்., அதாவது முன்னாள் முதலமைச்சர் ஜெயலலிதா வாழ்ந்த வீட்டின் எதிரே  மூன்று தளம் கொண்ட பிரம்மாண்ட பங்களாவை கட்டி முடித்தார். இந்த வீட்டிற்கு கடந்த ஜனவரி மாதம் 24ஆம் தேதி புதுமனை புகுவிழா நடத்தினார் சசிகலா. 

போயஸ் கார்டனில் உள்ள முன்னாள் முதல்வர் ஜெயலலிதாவின் இல்லத்தில்  30 ஆண்டுகளுக்கு மேலாக தங்கி நிழல் அரசாங்கமாகவே செயல்பட்டு வந்தார் என கூறப்படுகிறது. இந்த நிலையில் ஜெயலலிதா மறைந்த பிறகு அவரது வேதா இல்லம் ரத்த சொந்தமான தீபா, மாதவனுக்கு நீதிமன்ற உத்தரவுப்படி கைமாறியது குறிப்பிடத்தக்கது. மேலும், போயஸ் கார்டன் தனக்கு ராசியான இடம் என சசிகலா கருதுவதால், நாடாளுமன்ற தேர்தலுக்கு முன் குடியேறியுள்ளார். இந்த சூழலில் வருகின்ற நாடாளுமன்ற தேர்தலில், தீவிரமாக இறங்குவார் என  ஆதரவாளர்கள் தரப்பில் தெரிவிக்கப்பட்டுள்ளது. 

இந்நிலையில் நடிகர் ரஜினிகாந்த் சசிகலா வீட்டிற்கு வருகை புரிந்துள்ளது போயஸ்கார்டன் வட்டாரத்தில் பரபரப்பை ஏற்படுத்தியுள்ளது. 

இந்த சந்திப்பிற்குப் பின்னர் செய்தியாளர்களைச் சந்தித்த நடிகர் ரஜினிகாந்த், இந்த வீடு சசிகலாவிற்கு புகழ், செல்வம், பெயர் மற்றும் நிம்மதி ஆகியவற்றைக் கொடுக்கவேண்டும். வீட்டின் புதுமனைப் புகுவிழாவின்போது என்னால் வரமுடியவில்லை. அதனால்தான் இன்று வந்தேன் எனக் கூறினார். சசிகலா வீட்டிற்கு வந்த ரஜினிகாந்த் அவருக்கு ஒரு பரிசு கொடுத்தார்.