![ABP Premium](https://cdn.abplive.com/imagebank/Premium-ad-Icon.png)
Sarpatta Actor : "அப்பாவானார் வேம்புலி.." அடுத்த ஆண்டு பிரகாசமாக இருக்கும் - இன்ஸ்டாவில் நெகிழ்ச்சி..!
சார்பட்ட பரம்பரை படத்தின் மூலம் பிரபலமான நடிகர் ஜான் கொக்கன், சர்ப்ரைஸ் இன்ஸ்டாகிராம் பதிவு ஒன்றை வெளியிட்டுள்ளார்.
![Sarpatta Actor : Sarpatta Parambarai actor John Kokken and Pooja Ramachandran announced that they are going to be parents Sarpatta Actor :](https://feeds.abplive.com/onecms/images/uploaded-images/2022/11/12/a2f3ea3091ada68a0dc2708455b707f81668258165998102_original.jpg?impolicy=abp_cdn&imwidth=1200&height=675)
மும்பையை சேர்ந்த நடிகர் ஜான் கொக்கன், தென்னிந்திய திரையுலகின் பிரபல நடிகர்களுள் ஒருவர். கே ஜி எஃப் படத்தின் முதல் மற்றும் இரண்டாம் பாகங்களில் கேங்ஸ்டர் ரோலில் மிரட்டியிருந்த இவர், தமிழ் ரசிகர்களுக்கு நன்கு பரிச்சியமானது சார்பட்ட பரம்பரை படத்தின் மூலமாகத்தான்.
பா ரஞ்சித் இயக்கத்தில், கடந்த ஆண்டு வெளியாகியிருந்த படம் சார்பட்ட பரம்பரை. குத்துசண்டையை மைய்யமாக வைத்து எடுக்கப்பட்டிருந்த இப்படத்தில், ஆர்யா நாயகனாக நடித்திருந்தார். படத்தில், முத்திரை பதிக்கும் வகையில் பல கதாப்பாத்திரங்கள் இருந்தன. அவற்றுள் ஒருவர், வேம்புலி. க்ளைமேக்ஸ் காட்சியில், ஆர்யாவுடன் குத்துச்சண்டையில் மோதும் எதிராளியாக களம் இறங்கும் வேம்புலியின் கதாப்பாத்திரத்தில் கலக்கியிருந்தார், ஜான் கொக்கன். ரசிகர்கள் மத்தியில் பலத்த வரவேற்பினை பெற்ற இப்படம், அதில் நடித்திருந்த ஜான் கொக்கனுக்கும் நல்ல அங்கீகாரத்தை கொடுத்தது.
பெற்றோர்களாக இருக்கும் ஜான் கொக்கன்-பூஜா ராமசந்திரன் தம்பதி
View this post on Instagram
பல தமிழ் படங்களில் துணை கதாப்பாத்திரமாக நடித்து பிரபலமானவர், பூஜா ராமசந்திரன். இவரும், நடிகர் ஜான் கொக்கனும் 2019ஆம் ஆண்டு திருமணம் செய்து கொண்டனர்.
இவர்கள் இருவரும் பிரபல நடிகர்களாக இருந்தாலும், சமூக வலைதளமான் இன்ஸ்டா பக்கத்தில் மிகவும் பிரபலமானவர்கள். இவர்கள், இந்த இனிய நாளை மேலும் இனிமையாக்கும் வகையில் ‘ஸ்வீட்’ஆன செய்தி ஒன்றை தங்களது இன்ஸ்டா பக்கத்தில் தெரிவித்துள்ளனர். முதல் முறை பெற்றோர் ஆகவுள்ள இந்த தம்பதிக்கு பிரபலங்கள் உள்ளிட்ட பலர் வாழ்த்து தெரிவித்து வருகின்றனர்.
View this post on Instagram
சில க்யூட் புகைப்படங்களுடன் இவர்கள் வெளியிட்டுள்ள பதிவில், "எங்களது காதல் கதையின் மிகப்பெரிய திருப்புமுனை இது. எங்களுடைய குட்டி அதிசயம் விரைவில் வெளிவர இருக்கின்றது. 2023 ஆம் ஆண்டு மிகவும் ஸ்பெஷலான ஆண்டாக அமைய உள்ளது” என குறிப்பிடப்பட்டுள்ளது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)