Vadakkupatti Ramasamy Box Office : போட்ட பணம் திருப்பி கிடைக்குமா...வடக்குப்பட்டி ராமசாமி முதல் நாள் வசூல்

சந்தானம் நடித்து கடந்த பிப்ரவரி 2 ஆம் தேதி வெளியான வடக்குப்பட்டி ராமசாமி படத்தின் முதல் நாள் வசூல் குறித்த தகவல்கள் வெளியாகியுள்ளன

சந்தானம், வடக்குப்பட்டி ராமசாமி, பாக்ஸ் ஆபிஸ், வடக்குப்பட்டி ராமசாமி பாக்ஸ் ஆபிஸ். (Image source: Twitter)

சந்தானம் நடித்து நேற்று வெளியான வடக்குப்பட்டி ராமசாமி படம் முதல் நாளில் எவ்வளவு வசூல் செய்துள்ளது என்று பார்க்கலாம்.

வடக்குப்பட்டி ராமசாமி

சந்தானம்  நடித்து கார்த்திக் யோகி இயக்கியிருக்கும் படம் வடக்குப்பட்டி ராமசாமி, டிக்கிலோனா படத்தைத் தொடர்ந்து இரண்டாவது முறையாக இந்த கூட்டணி இணைந்துள்ளது. மேகா ஆகாஷ் இந்தப் படத்தில் கதாநாயகியாக நடித்துள்ளார். நிழல்கள் ரவி, எம்.எஸ். பாஸ்கர், லொள்ளு சபா மாறன், ஜான் விஜய், சேசு, கூல் சுரேஷ் உள்ளிட்டவர்கள் துணைக் கதாபாத்திரத்தில் நடித்துள்ளார்கள்.  படம் வெளியாவதற்கு முன்பாகவே இந்தப் படத்தின் டீசர் பெரிய சர்ச்சையை கிளப்பியது.  இந்த டீசரில் தந்தை பெரியாரை விமர்சிக்கும் வகையில் காட்சி இடம்பெற்றிருந்ததாக கூறி படத்திற்கு கடுமையான எதிர்ப்புகள் வந்தன. இதனைத் தொடர்ந்து படத்தின் இசை வெளியீடு நிகழ்ச்சியில் நடிகர் சந்தானம் விளக்கம் அளித்தார். யாருடைய மனதையும் புன்படுத்தும் நோக்கம் தனக்கு இல்லை என்றும் எப்போது மக்களை சிரிக்க வைத்த புதிதாக ஏதாவது முயற்சி செய்வதாக சந்தானம் தெரிவித்தார். மேலும் இப்படியான சர்ச்சைகள் படத்திற்கு ப்ரோமோஷனாக அமையும் என்று முன்னதாக எதுவும் பேசாமல் விட்டுவிட்டதாக அவர் தெரிவித்தார். சந்தானத்தின் இந்த ப்ரோமோஷன் திட்டம் எப்படி வேலை செய்திருக்கிறது என்றுதான் சொல்ல வேண்டும். 

கதை

ஒரு ஊரில் இருக்கும் சிறுவனுக்கு கடவுள் மீது நம்பிக்கை இல்லை.  தற்செயலாக நடந்த சம்பவத்தால் அவன் செய்த பானையை அந்த ஊரில் உள்ளவர்கள் கடவுளாக வழிபட ஆரம்பித்துவிட்டனர். இதனை தனக்கு வருமானம் பார்க்கும் ஒரு வியாபாரமாக மாற்றி வாழ்ந்து வருபவர் சந்தானம். இவருடன் இணைந்து ஊரை ஏமாற்றிவருபவர்களாக மாறனும், லொல்லு சபா சேஷூவும் நடித்துள்ளனர். இவர்களுக்கு அந்த ஊருக்கு  வட்டாச்சியராக வரும் தமிழ் தொந்தரவு கொடுக்க, கோயில் பூட்டப்படுகின்றது.  இதனால் ஏற்பட்டது என்னென்ன? இறுதியில் என்ன ஆச்சு? என்பது படத்தின் மிதிக் கதையாக இருக்கிறது. மிகப்பெரிய நகைச்சுவை பட்டாளம் நடித்துள்ள இந்தப் படம் சந்தானத்திற்கு இன்னொரு வெற்றியை பதிவு செய்துள்ளது.

Team #VadakkupattiRamasamy overwhelmed with the response from the audience in @kamala_cinemas.#VadakkupattiRamasamySuperhit @iamsanthanam @karthikyogitw @akash_megha @vishwaprasadtg @peoplemediafcy @vivekkuchibotla pic.twitter.com/r5zOuWMNjP

— Only Kollywood (@OnlyKollywood) February 3, 2024

வடக்குபட்டி ராமசாமி படத்தின் முதல் நாள் வசூல் குறித்த தகவல்கள் தற்போது வெளியாகியுள்ளன. சாக்னிக் தளத்தில் வெளியாகியுள்ள தகவலிபடி  முதல்  நாளில் 70 கோடிகளை திரையரங்கங்களில் வசூல் செய்துள்ளது வடக்குப்பட்டி ராமசாமி. இதனைத் தொடர்ந்து இரண்டாவது நாளாக படம் ரசிகர்கள் மத்தியில் வரவேற்பைப் பெற்றுள்ளது. 

---

மேலும் படிக்க ; Vadakkupatti Ramasamy Review: நகைச்சுவையில் வென்றாரா வடக்குப்பட்டி ராமசாமி? முழு விமர்சனம் இதோ!