"குஷி"யால் நயன்- விக்னேஷ்சிவன் திருமணத்தில் பங்கேற்காத நயன்தாராவின் நெருங்கிய தோழி...!
நயன்தாரா - விக்னேஷ் சிவன் திருமணத்தில் பிரபல நடிகை சமந்தா பங்கேற்கமாட்டார் என்று தகவல்கள் வெளியாகியுள்ளது.
இந்திய திரையுலகின் பிரபல நடிகையும், லேடி சூப்பர் ஸ்டாருமான நயன்தாரா. இவர் நீண்ட நாட்களாக விக்னேஷ்சிவனை காதலித்து வந்தார். இந்த நிலையில், விக்னேஷ்சிவன் – நயன்தாரா தம்பதி காதல் திருமணம் இன்று மகாபலிபுரத்தில் நடைபெற உள்ளது. மிகவும் பிரம்மாண்டமாக நடைபெற உள்ள இந்த திருமணத்தில் திரைப்பிரபலங்கள், அரசியல் பிரபலங்கள் உள்பட பலரும் வருவார்கள் என்று எதிர்பார்க்கப்படுகிறது.
இந்த நிலையில், நயன்தாராவின் திருமணத்தில் பிரபல நடிகை சமந்தா பங்கேற்க முடியாத சூழல் ஏற்பட்டுள்ளது. தமிழ் மற்றும் தெலுங்கில் பிரபல நடிகையும், புஷ்பா பட பாடல் மூலம் இந்தியா முழுவதும் பிரபலமான சமந்தாவும், நயன்தாராவும் விக்னேஷ் சிவன் இயக்கத்தில் பிரபல நடிகர் விஜய்சேதுபதிக்கு ஜோடியாக காத்துவாக்குல ரெண்டு காதல் படத்தில் ஜோடியாக நடித்திருந்தனர்.
இந்த படத்தில் நடித்தபோது நயன்தாராவும், சமந்தாவும் மிகவும் நெருங்கிய தோழிகளாக மாறினர். இருவரும் படப்பிடிப்பு தளத்தின் போது எடுத்த புகைப்படங்களை அன்புடன் பரிமாறினர். இதனால், நயன்தாரா திருமணத்தில் சமந்தா கண்டிப்பாக பங்கேற்பார் என்று எதிர்பார்க்கப்பட்டது. ஆனால், சமந்தா தற்போது விஜய் தேவரகொண்டாவுடன் இணைந்து குஷி என்ற படத்தில் நடித்து வருகிறார்.
இந்த படத்தின் படப்பிடிப்பு தற்போது காஷ்மீரில் நடைபெற்று வருகிறது. இதனால், அவர் கடந்த சில நாட்களாகவே தொடர்ந்து காஷ்மீரில் உள்ளார். மேலும், பாதுகாப்பு உள்ளிட்ட பல்வேறு காரணங்களால் குறிப்பிட்ட நாட்களுக்குள் படத்தின் முக்கிய காட்சிகளை படமாக்கி திரும்ப படக்குழுவினர் திட்டமிட்டுள்ளனர். இதனால், நயன்தாராவின் திருமணத்தில் சமந்தா பங்கேற்க முடியாத நிலை ஏற்பட்டுள்ளது.
நயன்தாரா – விக்னேஷ் சிவன் திருமணத்தை முன்னிட்டு மகாபலிபுரத்தில் பாதுகாப்பு பணிகள் பலப்படுத்தப்பட்டுள்ளது. இந்த திருமணத்தில் பிரபல நடிகர் ரஜினிகாந்த், கமல்ஹாசன், சிரஞ்சீவி, பவன்கல்யாண், விஜய், அஜீத், சூர்யா, விக்ரம் உள்ளிட்ட பல்வேறு பிரபலங்கள் பங்கேற்பார்கள் என்று எதிர்பார்க்கப்படுகிறது. முதல்வர் மு.க.ஸ்டாலினுக்கு நயன்- விக்னேஷ்சிவன் ஜோடி நேரில் சென்று திருமண அழைப்பிதழ் வழங்கினர் என்பதால், முதல்வர் பங்கேற்பார் என்றும் எதிர்பார்க்கப்படுகிறது.
மேலும் படிக்க : Nayanthara Vignesh Shivan Marriage LIVE: நயனுக்கும் - சிவனுக்கும் இன்று டும் டும்...! வாழ்த்து மழையை கொட்டும் ரசிகர்கள்...!
மேலும் படிக்க : நோ ஹனிமூன்..உடனே ஷூட்டிங்தான்! - நயன் - சிவன் திருமண அப்டேட்ஸ்
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
