என்னது?! சூப்பர் சிங்கர்ல இனி பிரியங்கா இல்லையா? விஜய் டிவி கொடுத்த ஷாக்!!

விஜய் டிவியின் சூப்பர் சிங்கர் சூப்பர் ஃபேமஸ் என்றால் அதில் வரும் மாகாபா, பிரியங்கா கூட்டணி சூப்பர் டூப்பர் ஃபேமஸ்.

பிரியங்கா

விஜய் டிவியின் சூப்பர் சிங்கர் சூப்பர் ஃபேமஸ் என்றால் அதில் வரும் மாகாபா, பிரியங்கா கூட்டணி சூப்பர் டூப்பர் ஃபேமஸ். இருவரும் இணைந்து சூப்பர் சிங்கர் சீனியர்ஸ், ஜூனியர்ஸ் என பல சீசன்களில் கலக்கிவிட்டனர். இந்நிலையில் சூப்பர் சிங்கர் நிகழ்ச்சியில் இனி பிரியங்கா ஆங்கராக இருக்க மாட்டார் என்ற தகவல்கள் வெளியாகி வருகின்றன.

அடி ஆத்தி.. இதுதான் காரணமா!

சும்மா கிடந்த ஊதிக் கெடுதானாம் ஆண்டிங்கிற மாதிரி, தொகுப்பாளினியா சமத்தா இருந்த நம்ம பிரியங்காவ பிக்பாஸுக்குள் இழுத்துவிட்டதே விஜய் டிவி தான். பிக்பாஸ் 5ல் கடைசி வரை விளையாண்டு 2வது இடத்தைப் பிடித்தார்.

பிக்பாஸுக்கு போனதால அதுவர கெக்கபெக்கன்னு சிரிச்சிக்கிட்டு இருந்த பிரியங்காவின் இன்னொரு முகம் உலகுக்குத் தெரிய அவரை கழுவிக்கழுவி ஊற்றினார்கள் நெட்டிசன்கள். குறிப்பாக தாமரையுடனான மோதல்கள் அவர் மீது கடும் விமர்சனங்கள் பாயக் காரணமாயின. அட பாஜக வர பிரியங்காவை விமர்சனம் பண்ணாங்கனா பார்த்துக்கோங்களே.
இப்படியிருக்க, அம்மணி பிக்பாஸில் பிஸியாக இருந்த போது சூப்பர் சிங்கருக்கு முட்டுக் கொடுக்க வந்தார் மைனா நந்தினி. மைனாவும், மாகாபாவும் கூட நல்ல கூட்டணி தான் என்று சொல்லும் அளவுக்கு ஷோ போனாலும் கூட மக்களுக்கு பிரியங்கா எப்போ வருவார் என்ற ஏக்கம் இருந்தது. பிக்பாஸ் முடிந்த கையோடு பிரியங்கா ஆஜரானார். கடந்த வாரம் வரை அவர்தான் தொகுத்து வழங்கினார்.

இந்நிலையில் தான் சமீபத்தில் பிரியங்கா பிக் பாஸ் சீசன் 5 நண்பர்கள் பாவனி, மது, அபிஷேக் உடன் ஐதராபாத் சென்று இருந்தார். இந்த வீடியோவை கூட யூடியூப் சேனலில் வெளியிட்டு இருந்தார். சொல்லாமல் கொள்ளாமல் பிக்பாஸ் நண்பர்களுடன் பிரியங்கா மேற்கொண்ட இந்த திடீர் பயணம் விஜய் டிவி சூப்பர் சிங்கர் குழுவுக்கு அதிர்ச்சி தந்ததாக கூறப்படுகிறது. அவர் ஐதராபாத் போன சமயம் மறுபடியும் மைனா நந்தினி தான் நிகழ்ச்சியை தொகுத்து வழங்கி இருக்கிறார். இதனால் இனிமேல் நாங்கள் மைனாவை வைத்தே சூப்பர் சிங்கர் நிகழ்ச்சியை நடத்திக் கொள்கிறோம் என கெத்து காட்ட விஜய் டிவி குழு திட்டமிட்டுள்ளதாக செய்திகள் பரவி வருகின்றன. 

கதை இப்படிப் போக அடுத்த வாரம் பிரியங்கா சூப்பர் சிங்கர் நிகழ்ச்சியை தொகுத்து வழங்கினால் மட்டுமே இந்த கேள்விகளுக்கு பதில் கிடைக்கும். ஒருவேளை அவர் வரவில்லை என்றால் இந்த தகவல் உண்மை என்று தான் மக்கள் எடுத்துக் கொள்வார்கள்.

நம்ம பிரியங்கா முதலில் சன் டிவியில் தாங்க பயணத்தை ஆரம்பிச்சாங்க. அட நல்லா இருக்காங்களேன்னு மக்கள் நினைச்ச போது விஜய் டிவிக்கு வந்துட்டாங்க. அப்புறம் விஜய் டிவியில் தன் திறமையால் மிகப் பெரிய வளர்ச்சி கண்டார்.