Sarpatta Movie Trailer: பாக்ஸிங் என்ன அப்பன் வீட்டு சொத்தா?... தெறிக்கவிடும் சார்பட்டா ட்ரைலர்!
இயக்குநர் பா.ரஞ்சித் இயக்கத்தில் உருவாகியுள்ள சார்பட்டா பரம்பரை திரைப்படம் வரும் ஜூலை 22ஆம் தேதி அமேசான் ப்ரைமில் வெளியாகும் என அறிவிக்கப்பட்டுள்ள நிலையில் அப்படத்தின் ட்ரைலர் இன்று வெளியாகி உள்ளது.
பாக்ஸிங் மேடையின் பின்னணியில் மெட்ராஸ் பாக்ஸிங் பரம்பரைகளில் சரிக்கு சமமான சார்பட்டா- இடியாப்ப பரம்பரைகளுக்கு இடையே மோசமான ஆங்கில குத்துச்சண்டை போட்டி ஆரம்பமாகிறது என்ற பிண்ணனி குரலுடன் தொடங்கும் படத்தின் ட்ரைலரில் கட்டுமஸ்தான தேகத்துடன் குத்துச்சண்டை வீரராக வரும் ஆரியாவும், கம்பீர நடையும் வெள்ளை உடையுமாக திமுகவின் துண்டுடன் வரும் நடிகர் பசுபதியும், இயக்குநர் பா.ரஞ்சித்தின் அரசியல் பேசும் கதாபாத்திரமாக இருக்கும் என எதிர்பார்க்கப்படுகிறது.
ஆர்யா கதாநாயகனாக நடித்துள்ள இந்த படத்தில் துஷாரா விஜயன், சஞ்சனா நடராஜன், பசுபதி, கலையரசன், ஜான் விஜய் உள்ளிட்ட ஏராளமான நடிகர்கள் முக்கிய கதாப்பாத்திரங்களில் நடித்துள்ளனர். படத்திற்கு சந்தோஷ் நாராயணன் இசையில். இயக்குநர் பா.ரஞ்சித்தின் நீலம் புரொடக்ஸன்ஸ் கே 9 ஸ்டூடியோஸ் தயாரிப்பில் உருவாகியுள்ள இந்த படத்திற்கு இரட்டை சண்டை பயிற்சி இயக்குநர்களான அன்பறிவு மாஸ்டர்ஸ் படத்தின் அதிரடி காட்சிகளை இயக்கியுள்ளனர்.
ஏற்கெனவே ஆர்யா நடிப்பில் உருவான டெடி படமும் டிஸ்னி மற்றும் ஹாட்ஸ்டார் ஒடிடி தளத்தில் வெளியாகி நல்ல வரவேற்பை பெற்றது. திரையரங்கில் வெளியிட்டிருந்தால் நல்ல வசூலை குவித்திருக்கும் என பலராலும் பேசப்பட்ட நிலையில், ஆர்யாவின் அடுத்த படமும் ஒடிடியில் ரிலீஸ் செய்யப்படுகிறது.
குத்துச்சண்டை வீரர் போல இருக்க வேண்டும் என்பதற்காக, கட்டு மஸ்தான தோற்றத்திற்காக கடுமையாக உழைத்துள்ளார் ஆர்யா. ஆர்யாவுடன் நடித்தவர்களும் இந்தப் படத்தின் கதைக்களம் எதார்த்தமாக இருக்க வேண்டும் என கடுமையாக மெனக்கெட்டுள்ளனர். அவ்வப்போது வெளியிடப்படும் சார்பாட்டா பரம்பரை புரமோஷன் போஸ்டர்கள் படத்தின் மீதான எதிர்பார்ப்பை கூடுதலாக்கிய நிலையில் அதன் ட்ரைலரும் படத்தின் மீதான எதிர்ப்பார்ப்பை எகிறச் செய்துள்ளது.
Hats off @beemji @arya_offl and the entire cast and crew for creating this epic film #SarpattaParambaraiOnPrime
— Suriya Sivakumar (@Suriya_offl) July 13, 2021
The hard work put in by the team is evident onscreen!! 👏🏼👏🏼https://t.co/tNH184r00w@PrimeVideoIN @officialneelam @K9Studioz @joinmaajja @Music_Santhosh
தினேஷ் நடிப்பில் அட்டக்கத்தி, கார்த்தி நடிப்பில் மெட்ராஸ், ரஜினி காந்த் நடிப்பில் கபாலி, காலா, ஆகிய படங்களை இயக்கிய பிறகு இயக்குநர் பா.ரஞ்சித் இயக்கும் ஐந்தாவது திரைப் படமாக சார்பாட்டா உள்ள நிலையில் பட ட்ரைலரை பார்த்த பல்வேறு திரைப்பிரபலங்களும் ரசிகர்களும் படத்தின் மீதான தங்களின் எதிர்ப்பார்ப்பையும் கருத்துகளையும் சமூகவலைதளங்களில் பதிவேற்றி வருகின்றனர். இயக்குநர் பா.ரஞ்சித் இயக்கிய படங்கள் அனைத்தும் அரசியல் பின்னணி கொட திரைக்களங்களை கொண்டதாகவே இருந்து வந்துள்ள நிலையில் சார்பாட்டாவும் அரசியல் பேசும் என எதிர்ப்பார்க்கப்படுகிறது
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
