DHARAMADURAI 2 | ‛நான் தர்மதுரை 2-ஐ இயக்குறேனா? - நோ!..நெவர்! ’ - இயக்குநர் சீனு ராமசாமி விளக்கம்!

தயாரிப்பாளர் ஆர்.கே சுரேஷ் தனது ட்விட்டர் பக்கத்தில் “தர்மதுரை படத்தின் இரண்டாம் பாகம் குறித்த அறிவிப்பு விரைவில்” என ஷேர் செய்ய , அந்த பதிவு தீயாக பரவ தொடங்கியது.

சீனு_ராமசாமி

சீனு ராமசாமி இயக்கத்தில் விஜய் சேதுபதி, தமன்னா , ஐஸ்வர்யா ராஜேஷ், சிருஷ்டி டாங்கே உள்ளிட்ட  பல முன்னணி நடிகர்களில் நடிப்பில் வெளியான திரைப்படம் தர்மதுரை. இந்த படம் கடந்த 2016 ஆம் ஆண்டு வெளியாகி சூப்பர் டூப்பர் ஹிட் அடித்தது. கிராமத்து கதைக்களத்துடன் உருவாகியிருந்த தர்மதுரை திரைப்படம் விஜய் சேதுபதி சினிமா கெரியரில் மிக முக்கியமான திரைப்படம் என கூறலாம். படத்தில் இடம்பெற்ற ஒரு பாடலை எழுதியதற்காக கவிஞர் வைரமுத்து தேசிய விருது பெற்றார் என்பதும் குறிப்பிடத்தக்கது. யுவன் சங்கர் ராஜா இசையமைக்க , இந்த படத்தை ஆர்.கே.சுரேஷின் ஸ்டூடியோ 9 நிறுவனம் தயாரித்திருந்தது. இந்நிலையில் தயாரிப்பாளர் ஆர்.கே சுரேஷ் தனது ட்விட்டர் பக்கத்தில் “தர்மதுரை படத்தின் இரண்டாம் பாகம் குறித்த அறிவிப்பு விரைவில்” என ஷேர் செய்ய , அந்த பதிவு தீயாக பரவ தொடங்கியது. முதல் பாகத்தை இயக்கிய சீனு ராமசாமியே இரண்டாம் பாகத்தை இயக்க போவதாகவும் சிலர் இணையத்தில் கிசு கிசுத்தனர். 

DHARAMADURAI 2 update coming soon 🙏 Studio9 presents pic.twitter.com/JjQqgOjU6u

— RK SURESH (@studio9_suresh) October 14, 2021

 

இந்நிலையில் அதனை இயக்குநர் சீனு ராமசாமி திட்டவட்டமாக மறுத்துள்ளார்.  இது குறித்த வதந்திக்கு ட்விட்டரில் விளக்கமளித்த அவர் “தர்மதுரை பாகம் இரண்டு எடுக்கப் போவதாக செய்திகள் வருகின்றன.வாழ்த்துக்கள்.ஆனால் அதை நான் இயக்குவதாக வரும் செய்திகள் உண்மையல்ல.ஆகவே அது சம்பந்தமான விசயத்தில்  எனக்கு எவ்வித சம்பந்தம்  இல்லை என்பதை தெரிவிக்க விரும்புகிறேன். விரைவில்  என் அடுத்த படம் குறித்த அறிவிப்பு வரும்.” என தெரிவித்துள்ளார். 

தர்மதுரை பாகம் இரண்டு எடுக்கப் போவதாக செய்திகள் வருகின்றன.
வாழ்த்துக்கள்.💐
ஆனால்
அதை நான் இயக்குவதாக வரும் செய்திகள்
உண்மையல்ல.
ஆகவே அது சம்பந்தமான விசயத்தில்
எனக்கு எவ்வித சம்பந்தம்
இல்லை என்பதை தெரிவிக்க விரும்புகிறேன்.

விரைவில் என் அடுத்த படம் குறித்த அறிவிப்பு வரும்.
🙏

— R.Seenu Ramasamy (@seenuramasamy) October 17, 2021

சீனுராமசாமி இயக்கத்தில் விஜய் சேதுபதி, காயத்ரி உள்ளிட்ட பலர் நடிப்பில் 'மாமனிதன்' என்னும் படம் உருவாகியுள்ளது. கடந்த 2019 ஆம் ஆண்டே படம் வெளியாகும் என அறிவிக்கப்பட்ட நிலையில் பல்வேறு காரணங்களால் படம் இன்னும் வெளியாகவில்லை.  இந்த படத்தை இசையமைப்பாளர் யுவன் சங்கர் ராஜா தயாரித்து வருகிறார். படத்திற்கு  இளையராஜா மற்றும் யுவன் சங்கர் ராஜா இருவரும் இணைந்து இசையமைத்திருக்கின்றனர் என்பதும் கூடுதல் சுவாரஸ்யமானது.தற்போது ஜி.வி.பிரகாஷ் நடித்துள்ள 'இடிமுழக்கம்' படத்தின் இறுதிக்கட்டப் பணிகளில் கவனம் செலுத்தி வருகிறார் சீனுராமசாமி.இது குறித்த அறிவிப்பு விரைவில் வெளியாகும் என எதிர்பார்க்கப்படுகிறது.