Yuvan Shankar Raja-Vijay: விஜய்க்கு இசையமைக்க போவது எப்போது? - அசால்ட் அப்டேட் கொடுத்த யுவன் - வீடியோ!

இசையமைப்பாளர் யுவன்ஷங்கர் ராஜா விரைவில் நடிகர் விஜய்க்கு இசையமைக்க இருப்பதாக அறிவித்துள்ளார். 

யுவன் ஷங்கர் ராஜா

இசையமைப்பாளர் யுவன்ஷங்கர் ராஜா விரைவில் நடிகர் விஜய்க்கு இசையமைக்க இருப்பதாக அறிவித்துள்ளார். 

தமிழ் சினிமாவின் முன்னணி நடிகராக இருப்பவர் நடிகர் விஜய். இவரது படங்களை போலவே, அதில் இடம் பெறும் பாடல்களும் ரசிகர்களிடம் நல்ல வரவேற்பை பெற்று இருக்கின்றன. எஸ். ஏ. ராஜ்குமார், மணிஷர்மா, ஹாரிஸ் ஜெயராஜ் என பலர் இசையமைத்த பல பாடல்கள் மக்கள் மத்தியில் இன்றும் நினைவு கூறப்பட்டு வருகின்றன.  அந்த வகையில் இசையமைப்பாளர் யுவன்ஷங்கர் ராஜாவும் விஜய்க்கு ‘புதிய கீதை’ படத்தில் இசையமைப்பாளராக பணியாற்றினார். 

படத்தின் பாடல்கள் மக்களிடம் வரவேற்பை பெற்றாலும் படம் தோல்வியை சந்தித்தது. அதனைத்தொடர்ந்து விஜயும், யுவனும் இணைந்து பணியாற்றவே இல்லை. இதற்கிடையே அஜித்திற்கு யுவன் இசைமைத்த பாடல்கள் ஹிட் அடித்ததோடு பின்னணி இசையும் கவனிக்கப்பட்ட நிலையில், அஜித்தின் ஆஸ்தான இசையமைப்பாளர்களில் ஒருவராக மாறினார் யுவன். இந்த நிலையில் விஜய் ரசிகர்கள் விஜய்க்கு யுவன் மீண்டும் இசையமைக்க வேண்டும் என்று தொடர்ந்து சமூகவலைதளங்களில் கேட்டு வந்தனர். இதற்கிடையே யுவன் ஷங்கர் ராஜா விஜயுடன் இருப்பது போன்ற புகைப்படத்தை பதிவிட்டார்.

 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by U1 (@itsyuvan)

அதனைத்தொடர்ந்து ரசிகர்கள் யுவனிடன் விஜய் இசையமைக்கிறீர்களா என்ற கேட்டனர். ஆனால் அதற்கு பதிலளித்த யுவன், அது யதார்த்தமாக சந்திப்பு என்று கூறினார். இந்த நிலையில் அண்மையில் நிகழ்ச்சி ஒன்றில் கலந்து கொண்ட யுவன் ஷங்கர் ராஜாவிடம் விஜய்க்கு எப்போது இசையமைப்பீர்கள் என கேட்கப்பட்டது. அதற்கு பதிலளித்த யுவன் விரைவில் இசையமைக்கப்போவதாக கூறியிருக்கிறார். 

.@thisisysr confirms that he will compose music for #Thalapathy movie.🤩⚡#Varisu @actorvijay pic.twitter.com/9EedRNl0Cp

— ᴊᴇʀᴏᴍᴇ (@JudeJerome_Offl) September 28, 2022

நடிகர் விஜய் தற்போது  ‘வாரிசு’ படத்தின் இறுதிக்கட்ட படப்பிடிப்பில் நடித்துக்கொண்டிருக்கிறார். வம்சி பைடிபலி இயக்கத்தில் உருவாகி வரும் இந்தப்படத்தில் விஜய்க்கு ஜோடியாக நடிகை ராஷ்மிகா மந்தனா நடிக்கிறார். இவர்களுடன் நடிகர்கள் பிரபு, பிரகாஷ்ராஜ், சரத்குமார், ஷியாம் என பலர் நடித்துள்ளனர். விஜய் பிறந்தநாளை முன்னிட்டு படத்தில் இருந்து வெளியிடப்பட்ட போஸ்டர்களும் சமூகவலைதளங்களில் வரவேற்பை பெற்றது.