Mohan | haraa | ஆக்‌ஷன் ஹீரோ ! டோன் பிசிக் ! - 13 ஆண்டுகளுக்கு பிறகு தரமாக கம் பேக் கொடுக்கும் மைக் மோகன் !

மேலும் படத்தில் 80 களில் வலம் வந்த மென்மையான மோகனை ஃபிளாஷ்பேக் காட்சியில் காட்ட முயற்சி எடுத்துள்ளார்களாம் படக்குழு

மோகன்

80 களில் வாழ்ந்த இளசுகளின் மனதை கொள்ளைக்கொண்டவர் நடிகர் மோகன். அப்போது வெளியான மோகனின் திரைப்படங்கள் பல வெள்ளி விழாக்களை கண்டது. அதனாலேயே இவர் வெள்ளி விழா நாயகன் என அழைக்கப்பட்டார். என்னதான் மோகன் சிறப்பான நடிப்பை வெளிப்படுத்தினாலும் , அவரின் குரலுக்கென தனி ரசிகர்கள் இருந்தனர். மோகனுக்கு குரல் கொடுத்தவர் பின்னணி பாடகர் சுரேந்தர். இருவர்களுக்கிடையேயான கருத்து வேறுபாடுகள் சினிமா ரசிகர்கள் அறிந்ததே. சிறிது காலம் சொந்த குரலில் நடித்து வந்தார் மோகன். 90 களுக்கு பிறகு மோகனின் மார்கெட் மெல்ல மெல்ல சரிய தொடங்கியது. அவ்வபோது அவர் சொந்தமான படைப்புகள் மூலம் தலைக்காட்டினாலும் இக்காலத்து ரசிகர்கள் அதனை ஏற்றுக்கொள்ளவில்லை.

#வலிமையுடன்
உரக்கசொல்லு
#ஹரா #happynewyear2022wishes#Valimai️ #Haraa#SILVERJUBILEESTAR#MOHAN IN’@vijaysrig's Action#HARAAFirstLook#MJproduction #2022NewYear#kovaiSPMohanraj #GMedia@onlynikil #NM
Coming again… pic.twitter.com/2eiUXY69em

— Ottran Cheithi (@ottrancheithi) January 1, 2022

இந்த நிலையில் 13 ஆண்டுகளுக்கு பிறகு ஹரா என்னும் திரைப்படம் மூலமாக மீண்டும் திரைத்துறையில் காலடி எடுத்து வைக்கிறார் மோகன். இந்த திரைப்படத்தை  விஜய் ஸ்ரீ  ஜி இயக்கவுள்ளார். இந்த படத்தின் ஃபஸ்ட்லுக் போஸ்டர் தற்போது வெளியாகியுள்ளது. படத்தில் நடிக்க பிரபல இயக்குநர்கள் மற்றும் அறிமுக இயக்குநர்கள் என அனைவரும் தன்னை அணுகிய போதும் அதில் நான் எதிர்பார்த்த உள்ளுணர்வு இல்லை என்கிறார் மோகன். ஆனால் விஜய் ஸ்ரீ ஜி எனது தேவையை பூர்த்தி செய்வார் என தான் நம்புவதாக கூறுகிறார் மோகன். ஹரா திரைப்படத்தில் மோகன் ஆக்‌ஷன் நாயகனாக நடிக்கவுள்ளாராம். கதை அப்பா மகளுக்கு இடையேயான உறவு பிணைப்பை சொல்லுவதாக அமையும். குழந்தைகளுக்கு பள்ளி முதலே இந்தியச் சட்டத்தை அறிமுகப்படுத்துவது அவசியம்  என்பதையும் படம் வலியுறுத்தும் என்கிறார் விஜய். சிவபெருமானின் திருநாமங்களில் ஒன்றான ஹரா (தீமையை அழிப்பவர்)என்ற தலைப்பை வைத்திருக்கிறார்களாம்.

தற்போது படத்தின் ஃபஸ்ட்லுக் போஸ்டர் வெளியாகியுள்ளது.

#happynewyear2022wishes #SILVERJUBILEESTAR #MOHAN IN’ #Haraa #ஹரா@vijaysrig ‘s Action#HARAAFirstlook#MJproduction #2022NewYear#KovaiSPMoganraj #GMedia@onlynikil #NM
Coming again… pic.twitter.com/JL88tUe6ZG

— Ramesh Bala (@rameshlaus) January 1, 2022

மேலும் படத்தில் 80 களில் வலம் வந்த மென்மையான மோகனை ஃபிளாஷ்பேக் காட்சியில் காட்ட முயற்சி எடுத்துள்ளார்களாம் படக்குழு. படத்தில் தாடியுடன் கட்டுக்கோப்பான உடலமைப்புடன் வலம் வர இருக்கிறாராம் மோகன். அதற்கான உடற்பயிற்சியில் மோகன் தற்போது ஈடுபட்டுள்ளதாக தெரிவிக்கிறார் இயக்குநர்.பிப்ரவரியில் ஹரா படப்பிடிப்பு தொடங்கவுள்ளது, முக்கியமாக கோயம்புத்தூர் மற்றும் ஊட்டி சுற்றுவட்டார பகுதிகளில் படம் துவங்கவுள்ளது. இது தவிர சென்னையில் சில பகுதிகளில் செட் அமைத்தும் படமாக்கப்படுவதாக தெரிவிக்கப்பட்டுள்ளது. கடந்த 25 ஆம் தேதி வெளியான படத்தின் அறிவிப்பிற்கு அமோக வரவேற்பு கிடைத்தது. அதற்கு நான் நன்றியுள்ளவனாக உணர்கிறேன் என நடிகர் மோகன் தெரிவிக்கிறார்.