Watch Video : என் இன்ஸ்பிரேஷன் அஜித் சார்தான்.. புது பைக் வாங்கி வீடியோ பகிர்ந்த மஞ்சு வாரியர்..

துணிவு படப்பிடிப்பின்போது அஜித் உடன் இணைந்து லடாக் உள்ளிட்ட வட இந்திய பகுதிகள், பாங்காக் உள்ளிட்ட தாய்லாந்து நாட்டின் பல பகுதிகளிலும் மஞ்சு வாரியர் பைக் பயணம் மேற்கொண்டார்.

பைக் உடன் மஞ்சு வாரியர்

பைக்குகள் மீதான  நடிகர் அஜித்தின் விருப்பம் பற்றி நம் அனைவருக்கும் தெரியும்; ஆனால் அஜித்துடன் நடித்த பின் நடிகை மஞ்சு வாரியரும் ஒரு பைக் விரும்பியாக மாறி புது பைக் வாங்கியுள்ளது கவனமீர்த்துள்ளது.

அஜித் - மஞ்சு வாரியர் நட்பு

இந்த ஆண்டு பொங்கல் வெளியீடாக வந்து ஹிட் அடித்த துணிவு படத்தில் நடிகர் அஜித்துடன் மலையாள நடிகையான மஞ்சு வாரியர் நடித்திருந்தார். அசுரன் படத்துக்குப் பிறகு மஞ்சு வாரியர் இந்தப் படத்தின் மூலம் நேரடி தமிழ் படத்தில் நடித்திருந்தார்.

வங்கிக்கொள்ளையை அடிப்படையாக வைத்து எடுக்கப்பட்ட துணிவு படம் அனைத்து தரப்பு ரசிகர்களையும் கவர்ந்து ஹிட் அடித்ததுடன் நெட்ஃப்ளிக்ஸ் ஓடிடி தளத்தில் வெளியாகி நல்ல வரவேற்பைப் பெற்று வருகிறது.

இந்நிலையில் துணிவு படப்பிடிப்பின்போது அஜித் உடன் இணைந்து  லடாக் உள்ளிட்ட வட இந்திய பகுதிகள், பாங்காக் உள்ளிட்ட தாய்லாந்து நாட்டின் பல பகுதிகளிலும் மஞ்சு வாரியர் பைக் பயணம் மேற்கொண்டார்.   இந்தப் புகைப்படங்கள் அப்போது இணையத்த்தில் வைரலாகின. மேலும் அஜித்துடன் நல்ல நட்புடனும் மஞ்சு வாரியர் பழகத் தொடங்கியதுடன், பல நேர்காணல்களிலும் அவரைப் பற்றி நல்ல கருத்துகளைத் தெரிவித்தார்.

புது பைக்

இந்நிலையில், அஜித்துடன் நடித்தது தொடங்கி பைக், பைக் பயணம் மீது காதலில் விழுந்த மஞ்சு வாரியர், தற்போது புது பைக் ஒன்றை வாங்கியுள்ளார்.

புதிய பிஎம்டபிள்யு ஜி எஸ் 1250 பைக்கை வாங்கியுள்ள மஞ்சு வாரியர் இது குறித்து தன் இன்ஸ்டா பக்கத்தில் வீடியோ பதிவு ஒன்றையும் பகிர்ந்துள்ளார். ”தைரியமான சிறு படி எப்போது ஒரு நல்ல தொடக்கம். நான் ஒரு நல்ல ரைடராக மாறுவதற்கு இன்னும் நீண்ட தூரம் பயணிக்க வேண்டியுள்ளது.

எனவே நான் சாலையில் எங்கேனும் தடுமாறுவதைப் பார்த்தால் தயவுசெய்து என்னிடம் பொறுமையாக நடந்துகொள்ளுங்கள். என்னுடைய பெரும் உத்வேகமாக இருப்பதற்கு அஜித்துக்கு நன்றி” எனத் தெரிவித்துள்ளார்.

 

 

 

 

 

View this post on Instagram

 

 

 

 

 

 

 

 

 

 

 

A post shared by Manju Warrier (@manju.warrier)

மஞ்சு வாரியர் மகிழ்ச்சியாக தனது பைக்கைப் பெற்றுக்கொண்டு ஹெல்மெட் அணிந்து கெத்தாக பயணம் செய்யும் இந்த வீடியோ இன்ஸ்டாவில் லைக்ஸ் அள்ளி வருகிறது. மேலும் நடிகைகள் பார்வதி, ஐஸ்வர்யா லெஷ்மி, பியர்லி, நடிகர்கள் டோவினோ தாமஸ், மாதவன் ஆகியோர் மஞ்சு வாரியரின் இந்தப் பதிவில் அவருக்கு வாழ்த்து தெரிவித்துள்ளனர்.

மேலும் படிக்க: Pradeep Ranganathan : "இன்னைக்கு பாராட்டுறாங்க... ஆனா..” லவ் டுடே இயக்குநரை விமர்சித்து வாரிய கார்த்திக் குமார்..