LEO Trailer Record: வெளியான ஐந்தே நிமிடங்களில் அசத்தல் சாதனை படைத்த லியோ ட்ரைலர்! - ரசிகர்கள் குதூகலம்

ஏற்கெனவே லியோ ட்ரைலரால் குஷியில் இருக்கும் விஜய் ரசிகர்கள் இந்த சாதனையால் டபுள் குதூகலத்தில் திளைத்துள்ளனர். 

லியோ ட்ரைலர்

நீண்ட எதிர்ப்பார்ப்புகளுக்கு மத்தியில் இன்று மாலை சரியாக 6.30 மணிக்கு வெளியானது லோகேஷ் இயக்கத்தில் விஜய் நடிப்பில் உருவாகியுள்ள லியோ படத்தின் ட்ரைலர். இந்த ட்ரைலர் வெளியாக சரியாக 5 நிமிடங்களில் ஒரு மில்லியன் பார்வையாளர்களை கடந்து சாதனை படைத்துள்ளது. ஏற்கெனவே லியோ ட்ரைலரால் குஷியில் இருக்கும் விஜய் ரசிகர்கள் இந்த சாதனையால் டபுள் குதூகலத்தில் திளைத்துள்ளனர்.   

லோகேஷ் கனகராஜ் இயக்கத்தில் விஜய் நடித்திருக்கும் லியோ படத்தின் டிரெய்லர் வெளியாகி ரசிகர்களின் வரவேற்பை பெற்றுள்ளது. கடந்த மாதம் லியோ படத்தின் இசை வெளியீட்டு விழா நடைபெறும் என எதிர்பார்க்கபட்ட நிலையில், விழா நடைபெறாது என அறிவிக்கப்பட்டது. தொடந்து லியோ படத்தின் இரண்டாவது பாடலான படாஸ் வெளியாகி வரவேற்பை பெற்றது. அதை தொடர்ந்து லியோ படத்தின் டிரெய்லர் இன்று, சன் டிவி தொலைக்காட்சியில் வெளியாகும் என தெரிவிக்கப்பட்டது. ரசிகர்கள் ஆவலருடன் காத்திருந்த நிலையில் லியோ படத்தின் டிரெய்லர் வெளியானது. 

#Leo Trailer hits 1 million realtime views in 5 minutes. #Thalapathy @actorvijay @Dir_Lokesh @trishtrashers @anirudhofficial @duttsanjay @akarjunofficial @7screenstudio @Jagadishbliss @SonyMusicSouth #Leo pic.twitter.com/mFAtVWkliS

— Sun TV (@SunTV) October 5, 2023

ஆரம்பத்திலேயே விஜய் குரலில் தொடங்கும் டிரெய்லரில் குட்டி கதை தொடங்குகிறது. ‘ ஒரு சீரியல் கில்லர் நடு ரோட்டில் நின்று கொண்டு பார்க்கும் எல்லோரையும் கொல்றான். அவனை ஒரு சின்சியரான போலீஸ் அதிகாரி துப்பாக்கி எடுத்து திருப்பி சுட..அந்த துப்பாக்கி அவன் கையில் இருக்கு... நீ என்ன செய்வ? என விஜய்யின் குரல் ஒலிக்க சண்டை காட்சிகள் இடம்பெற்றுள்ளன.

கடைசியாக யாரோ ஒருத்தன் என்னை போல இருந்தால் நான் என்ன பன்ணுவேன் என கோபத்துடன் த்ரிஷாவை பார்த்து விஜய் கேட்கும் காட்சிகளுடன், குழந்தை, த்ரிஷாவுடன் ஒருக்கும் இன்னசெண்ட் விஜய் ஒரு பக்கம், ரத்தம் தெறிக்க கொலை செய்யும் விஜய் ஒரு பக்கம் என லியோ டிரெய்லர் ரசிகர்களுக்கு கூஸ்பம்பை ஏற்படுத்தி உள்ளது. 

இந்த நிலையில் லியோ டிரெய்லர் வெளியான ஐந்து நிமிடத்தில் ஒரு மில்லியன் பார்வையாளர்களை கடந்துள்ளது. 45 நிமிடங்களில் 3 மில்லியன் பார்வையாளர்களை கடந்து லியோ சாதனை படைத்து வருகிறது.

மேலும் படிக்க: LEO Trailer: அறுவடைக்கு தயார்! பேட் வோர்ட் பேசி கதறும் விஜய் - ரத்தம் சொட்ட சொட்ட வெளியானது லியோ டிரெய்லர்!