கே.எஸ். ரவிக்குமார் இயக்கம்... தம்பியுடன் இணைந்து நடிக்கும் லாரன்ஸ்!

சென்னை: கே.எஸ். ரவிக்குமார் இயக்கத்தில் ராகவா லாரன்ஸும் அவரது தம்பி எல்வினும் இணைந்து நடிக்கின்றனர்.

லாரன்ஸ், எல்வின்

நடன அமைப்பாளராக தமிழ் சினிமாவில் அறிமுகமான ராகவா லாரன்ஸ் நடிகராக மாறி பின்னர் இயக்குநராக அவதாரம் எடுத்தவர். அவர் இயக்கிய காஞ்சனா திரைப்படம் பாலிவுட்வரை சென்றிருக்கிறது.

அவர் தற்போது கதிரேசன் இயக்கத்தில் ‘ருத்ரன்’ என்ற படத்தில் நடித்துவருகிறார். அவருக்கு ஜோடியாக ப்ரியா பவானி ஷங்கர் நடித்திருக்கிறார். இதனை முடித்துவிட்டு அவர், பி. வாசு இயக்கத்தில் உருவாகும் ‘சந்திரமுகி - 2’ படத்தில் நடிக்கிறார். இப்படம் இல்லாமல் துர்கா என்ற படத்தில் நடிக்கவும் அவர் ஒப்பந்தமாகியுள்ளார்.

இந்நிலையில் கே.எஸ். ரவிக்குமார் இயக்கத்தில் முக்கிய கதாபாத்திரத்தில் அவர் நடிக்கவிருக்கிறார். இதற்கான அறிவிப்பு லாரன்ஸ் பிறந்தநாளையொட்டி நேற்று வெளியிடப்பட்டது.

இப்படத்தில் லாரன்ஸ் தம்பி எல்வின் கதாநாயகனாக நடிக்கிறார். நகைச்சுவை காட்சிகளும், சண்டைகளும் நிறைந்த ஜனரஞ்சக படமாக இப்படம் உருவாக இருக்கிறது.

இதில் நடிக்கும் இதர நடிகர் - நடிகைகள் மற்றும் தொழில்நுட்ப கலைஞர்கள் தேர்வு நடந்துவருகிறது. எல்வின் ஏற்கனவே லாரன்ஸின்  ‘காஞ்சனா 2’ திரைப்படத்தில் ஒரு பாடலுக்கு லாரன்ஸுடன் இணைந்து நடனமாடியிருக்கிறார். அதுமட்டுமின்றி, எல்வின் கதாநாயகனாக நடிக்க ஒரு படத்தில் ஒப்பந்தமாகியிருக்கிறார்.

தமிழ் சினிமாவின் மூத்த இயக்குநர்களில் ஒருவரான கே.எஸ். ரவிக்குமார் சூப்பர் ஸ்டார் ரஜினிகாந்த், உலக நாயகன் கமல் ஹாசன், தல அஜித் ஆகியோருக்கு பெரும் வெற்றி படங்களைக் கொடுத்தவர். இவர் கமர்ஷியல் படங்களை இயக்குவதில் கில்லி என்பதால் ரவிக்குமார் இயக்கத்தில் உருவாகும் படத்தின் மூலம் எல்வின் திரைத்துறையில் அடுத்தக்கட்டத்திற்கு செல்வார் என லாரன்ஸ் தரப்பு எதிர்பார்க்கிறது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண 

மேலும் வாசிக்க: Watch Video: ஸ்தம்பித்தது பெங்களூரு... புனீத் உடலுக்கு அஞ்சலி செலுத்த குவிந்த கர்நாடகம்!